為你嘅京都之旅推薦10間酒店！

想喺日本古都尋找酒店入住可能有啲困難，特別係京都有咁多唔同嘅區域，難以抉擇入住邊間好。今次，小編將為大家介紹10間唔同嘅京都酒店，幫助你搵到京都旅程中最方便嘅酒店。

京都格蘭比亞酒店 (Hotel Granvia Kyoto)

如果想靠近京都車站，京都格蘭比亞酒店就位於車站內！呢間酒店設有游泳池，健身房同餐廳，係該地區最好嘅酒店之一。當然，房價高係有原因嘅。憑住如此優越嘅地理位置，可以直接前往京都車站乘搭所有電車路線，住喺呢度簡直係物有所值。

酒店資訊

• 名稱：京都格蘭比亞酒店 (Hotel Granvia Kyoto)
  
• 地址：京都市下京區烏丸通鹽小路下 JR京都站中央出口
  
• 交通方法：JR京都站中央出口嘅北側通道出嚟，乘搭電梯抵達酒店2樓
  

京都大倉酒店 (Kyoto Hotel Okura)

京都大倉酒店被譽為「京都最好嘅傳統酒店」，提供你喺古都享受豪華住宿所需嘅一切。酒店同京都市役所前站直接相連，距離祗園只係得幾分鐘嘅步行距離。祗園以其歷史悠久且保存完好嘅江戶時代街道同傳統夜生活而聞名。

酒店資訊

• 名稱：京都大倉酒店 (Kyoto Hotel Okura)
  
• 地址：京都府京都市中京區河原町御池
  
• 交通方法：京都市役所前站3號出口直通
  

京都感洛酒店 (Hotel Kanra Kyoto)

京都感洛酒店融合咗傳統酒店同日式旅館，帶俾你融和體驗。酒店距離京都車站僅12分鐘步行路程，提供經典嘅日式客房，配有布團，榻榻米地板同清水燒陶瓷，或一般佈局嘅西式客房。酒店位於下京區，方便前往京都所有熱門景點。

酒店資訊

• 名稱：京都感洛酒店 (Hotel Kanra Kyoto)
  
• 地址：京都府京都市下京區乌丸通六條下北町190
  
• 交通：五條站8號出口步行1分鐘, JR京都站中央出口步行12分鐘
  

京都麗嘉皇家酒店 (Rihga Royal Hotel Kyoto)

京都麗嘉皇家酒店為客人提供日本古都嘅皇家待遇。酒店擁有8間唔同嘅餐廳，包括「French Dining Top of Kyoto」, 「鐵板燒AOI」, 「美食家TACHIBANA」可以品嚐法式懷石料理。

酒店距離西本願寺僅係5分鐘步行路程，而東本願寺同東寺都只係20分鐘嘅步行路程。

酒店資訊

• 名稱：京都麗嘉皇家酒店 (Rihga Royal Hotel Kyoto)
  
• 地址：京都市下京區東堀川通塩小路下松明町1
  
• 交通：京都站八條出口步行7分鐘
  

京都世紀大酒店 (KYOTO CENTURY HOTEL)

如果旅遊嘅行程圍繞喺京都同關西地區，咁入住京都世紀大酒店就係最佳選擇。到達後第一時間吸引你嘅係酒店華麗嘅接待大堂。喺入住期間嘅任何時候，都可以隨時搵按摩師為你舒緩疲勞。酒店距離京都站僅係幾分鐘嘅步行路程，位於京都車站嘅頂層，方便遊客前往京都嘅大部分地區。

酒店資訊

• 名稱：京都世紀大酒店 (KYOTO CENTURY HOTEL)
  
• 地址：京都市下京區東洞院通鹽小路下東鹽小路町680
  
• 交通方法：JR京都站中央口向東步行2分鐘, 地鐵京都站5號出口步行2分鐘
  

京都新‧都酒店 (New Miyako Hotel)

京都新‧都酒店方便客人前往京都車站，亦為你提供舒適嘅住宿體驗。如果想輕鬆前往京都其他地方，酒店有行人道路直接通往車站，係一個輕鬆方便嘅下榻之地。酒店內仲有「都大街」可以購買到優質嘅紀念品。房價約1萬円起。

酒店資訊

• 名稱：京都新‧都酒店 (New Miyako Hotel)
  
• 地址：京都府京都市南區西九條院町17
  
• 交通方法：京都站八條出口步行2分鐘
  

皇家花園酒店 THE 京都 (Royal Park Hotel Kyoto)

皇家花園酒店THE京都位於歷史悠久嘅京都嘅中央地帶。酒店距離京都御所只係20分鐘嘅步行路程，距離祗園同八坂神社只係15分鐘嘅步行路程，方便客人前往京都嘅中心地帶。如果有興趣步行前往京都嘅所有主要景點，呢個絕對係一間值得入住嘅酒店。客房起價約11,000円起。

酒店資訊

• 名稱：皇家花園酒店THE京都 (Royal Park Hotel Kyoto)
  
• 地址：京都市中京區三條通河原町東入
  
• 交通方法：京都市役所前站或三條站步行3分鐘
  

京都蒙特利酒店 (Hotel Monterey Kyoto)

京都蒙特利酒店距離京都藝術中心只係5分鐘步行路程，非常適合想欣賞京都藝術氛圍嘅遊客入住。支付額外費用更可以使用從地下一公里處抽取天然泉水嘅溫泉浴池同水療設施。客房約1萬円起。

酒店資訊

• 名稱：京都蒙特利酒店 (Hotel Monterey Kyoto)
  
• 地址：京都市中京區烏丸通三條下饅頭屋町604
  
• 交通方法：烏丸御池站6號出口步行3分鐘, 或從烏丸站22號出口步行5分鐘
  

東急京都大酒店 (KYOTO TOKYU HOTEL)

東急京都大酒店內設有健身中心，如果喺旅途中想做運動嘅話就最適合不過。只要步行7分鐘即可到世界遺產西本願寺。

如果對健身中心無興趣，亦可以到露天瀑布庭院嘅「露台」餐廳享用雞尾酒。如果需要，酒店可為所有客人提供前往京都站嘅巴士接送服務。客房約11,000円起。

酒店資訊

• 名稱：東急京都大酒店 (KYOTO TOKYU HOTEL)
  
• 地址：京都府京都市下京區堀川通五條柿本町580
  
• 交通方法：五條站4號出口步行7分鐘
  

京都布萊頓酒店

京都布萊頓酒店融合咗京都同英國嘅風格，如果想喺京都寧靜嘅地方下榻，呢度就係一個理想嘅選擇。酒店距離著名嘅京都御所只有550米。

酒店內嘅餐廳連續5年被米芝蓮評為「4 black pavilions」。另外，酒店周圍有歷史悠久嘅古建築，有啲甚至保存咗幾百年，令你沉浸喺古色古鄉嘅氣息中。客房約17,000円起。

酒店資訊

• 名稱：京都布萊頓酒店 (Kyoto Brighton Hotel)
  
• 地址：京都市上京區新町通中立賣（御所西）
  
• 交通方式：今出川站6號出口步行8分鐘