富士山嘅基地曾被稱為「眾神嘅春天」，忍野八海係富士山山頂融化嘅雪所形成嘅八個泉。雪融化成涓涓細流從山上流下，喺地底停留超過80年，導致火山岩漿將水加熱之後浮出地面，成為日本最令人驚嘆嘅景點之一。今次小編要為大家深入介紹忍野八海及其周圍村莊，仲有交通方式！
探索忍野八海村
位於山梨縣地區、富士山山腳下嘅忍野八海村，係一個值得探索嘅奇妙景點。呢個寧靜嘅村莊擁有近1萬名居民，以其稻田同蔬菜而自豪，由於村莊嘅海拔高度，被稱之為「高原蔬菜」。
村裡嘅湧泉周圍有各種好睇又好玩嘅地方。當地多間餐廳都使用高原蔬菜同其他當地食材製作特色料理，係只有喺忍野八海先至可以品嚐得到。忍野村以其特殊嘅麵條，用當地嘅泉水再加上味噌製作而成嘅山梨鄉土料理—「餺飥(ほうとう）麵」而聞名。
如果覺得口渴，甚至可以試飲泉水。由於被火山熔岩包圍長達80年，水質非常安全衛生，並且具有特殊療效。到底係唔係屬實，就要自己去尋找答案啦！
忍野八海村最大嘅湧泉「底無池」，必須經過一個露天嘅博物館，榛之木林資料館，包含一個傳統嘅茅草屋，可以入去參觀。現場展出咗以前嘅陶器、農具，甚至真正嘅武士盔甲！
同忍野八海村其他地方唔同，進入博物館同「底無池」只需要少少費用，成人每位300円，15歲以下兒童150円，1歲以上兒童100円。榛之木林資料館嘅開放時間為上午9:00至下午5:00。
攝影愛好者睇過嚟！
忍野八海嘅水非常美麗，以其清晰純淨嘅品質受到攝影師同instagram玩家嘅青睞。
忍野八海湧泉係日本嘅象徵之一。1934年，日本政府將湧泉指定為國寶，2013年同富士山一齊，成個地區被指定為聯合國世界遺產。
check一下忍野八海巴士嘅時間表
去忍野八海並唔簡單，今次小編就為大家解讀咗交通方式！
如果你係從東京出發，想乘坐電車嘅話，可以乘搭JR中央線快速到大月站轉乘富士急行線前往富士山站。然後再乘搭富士急巴士到忍野八海巴士站落車即抵達！呢趟路程嘅交通費單程需約6,000円，而且並唔係最迅速嘅方式。
從東京乘搭巴士係最好嘅方法。前往新宿高速巴士總站，乘坐前往山中湖方向嘅新宿至河口湖巴士，巴士上會睇到有「新宿〜河口湖・山中湖」嘅標示。喺巴士上放鬆一下，而呢架巴士將帶你直達忍野八海，單程只要2000円。但要小心，另一條路線嘅巴士只會喺富士急高原樂園停靠，不過搭錯都唔緊要，即使從富士急高原樂園，再乘搭富士急巴士都可以到達忍野八海站。
相關資訊
- 名稱: 忍野八海湧泉
- 地址: 山梨縣南都留郡忍野村忍草298
- 交通方式: 乘搭巴士至忍野八海站落車，步行約5分鐘
Comments