提到日本旅遊，大家第一個諗到嘅應該係東京大阪或者京都，跟住應該就係沖繩？您又知唔知？近年，九州嘅福岡觀光客人數與日俱增！從福岡機場到訪日本嘅外國觀光客人數喺全日本機場排行第四，福岡雖然唔一定係初次去日本觀光嘅首選，但係呢個城市都有佢獨特嘅魅力，特別係從福岡機場到市區嘅交通時間，搭地鐵唔洗20分鐘就可以快速抵達，對於旅客嚟講，慳時間又方便！
福岡美食令您餐餐都精采
廣為人知嘅九州博多拉麵，豬骨熬製嘅白湯配上叉燒同溏心蛋，其中一蘭、一風堂嘅知名度更加係紅遍亞洲地區，您又知唔知呢二間拉麵霸王嘅總店都係喺福岡呢？同樣係博多拉麵，都各具特色，一蘭嘅天神西通店仲有限定嘅方盒拉麵，鐘意博多口味嘅朋友仔，福岡可以話係一定要朝聖嘅城市之一！除咗拉麵，水炊雞肉鍋都係您一定要叫嘅菜式之一，呢道菜式對於講究養生美容嘅朋友仔，就最啱啦，湯底由雞湯熬煮，配搭豐富嘅蔬菜同充滿蛋白質嘅雞肉，唔單止令您食得既營養又美味！鐘意重口味少少嘅人，牛腸鍋就唔可以錯過啦，加入牛腸嘅鍋底，濃郁又唔油膩嘅口感，令人一口接一口完全停唔到口，上面仲會放韭菜或者係其他蔬菜，增添幾分清爽感，最後喺精華湯底加入烏冬煮，畫龍點晴精采嘅收尾！除咗餐廳料理，福岡嘅夜晚都係熱鬧非凡，日本少見嘅「屋台」文化，喺福岡就非常發達，所謂嘅屋台同亞洲嘅路邊攤大同小異，但就有日本獨特嘅風情，最出名嘅福岡三大知名屋台區，分別係「天神屋台」、「長濱屋台」同「中洲屋台」。福岡嘅屋台，絕對令旅遊人連夜生活都可以享受到唔怕寂寞！
福岡必訪嘅景點總整理
觀光旅遊除咗嚐遍各地美食之外，當地著名嘅觀光景點都要去打卡影相留倩影！到咗福岡梗係要去太宰府天滿宮啦，供奉咗學問之神「菅原道真」，唔好唔記得摸一摸本殿前「御神牛」嘅頭，據聞可以增加智慧㗎！仲可以順便去品嚐一吓菅原道真生前最愛嘅的梅枝餅！同時喺天滿宮附近，隱藏咗一棟現代建築大師隈研吾嘅作品，佢就係「星巴克太宰府天滿宮表參道店」啦，喺充滿古色古香嘅街道上，毫無違和巧妙地融入其中，喺呢度飲返杯咖啡抖吓，再出發啦！如果親親大自然風光係您想留下倩影嘅風景，咁「海之中道海濱公園」就一定唔會令您失望，一年四季唔同花卉都喺度爭奇鬥豔，好適合帶小朋友一齊去玩，「博多運河城」仲可以滿足您購物嘅慾望，各大品牌都一應俱全，除此之外，「天神地下街」都會令你大出血！
從福岡到四國松山最方便嘅交通
福岡到松山嘅直線距離雖然唔遠，但係都叫隔咗一片汪洋大海，所以造訪福岡之外，如果想順便去四國嘅松山，搭電車、渡輪、新幹線或夜巴就係主要嘅交通方式，但係無論係邊一種，唔單止交通時間冗長，仲會增加旅途嘅疲累。對於外國觀光客嚟講，明明近在眼前卻遠在天邊嘅四國，最方便輕鬆嘅交通方式出爐啦，就係「JAL Japan Explorer Pass（JEP）」,日本國內線優惠票價，從福岡前往松山凈係需要飛40分鐘左右，價格都絕對令您滿意，輕輕鬆鬆出遊一次，就可以征服九州同四國！令您嘅訪日之旅，提昇到另一個層次！
夏目漱石眼中嘅松山
夏目漱石係邊個？咪就係以前千圓鈔票上所印製嘅人物，非常有名嘅日本近代代表文學大師，其中最為人所知嘅小說「少爺」嘅背景，就係松山嘅日本三大古湯之一「道後溫泉」！道後溫泉嘅來頭唔細！擁有三千年歷史，同兵庫縣嘅「有馬溫泉」同埋和歌山縣嘅「白濱溫泉」被稱為日本三大古湯，亦都係夏目漱石最愛嘅溫泉之一，如果你係宮崎駿作品嘅fans，可能已經發現咗道後溫泉同千與千尋入面湯婆婆嘅油屋有D相似係咪呢？浸完古湯之後喺二樓品嚐茶點，仲唔係理想中既悠閒又舒適嘅旅行？如果您睇過夏目漱石嘅「少爺」，咁車站前面嘅少爺列車同少爺機關鐘一定會帶俾您驚喜，好似重現書入面嘅場景咁！嚟到松山，記得記得品嚐呢度嘅鄉土料理，吸飽滿滿豐富鯛魚精華嘅「鯛魚飯」、「松山醋飯」或者係松山名產「少爺糯米團」等，知名嘅古城「松山城」都係訪客唔可以錯過嘅影相景點嚟㗎！
新型態嘅訪日旅遊，除咗從單一城市出入日本之外，用「JAL Japan Explorer Pass（JEP）」,外國旅客仲獨享日本國內線優惠票價，唔單止慳返好多交通時間，仲可以令您嘅旅行更無拘束自由發揮，想去邊就去邊，同時亦唔會增加太多旅費上面嘅負擔，一於提早計劃您嘅訪日行程，一次過喺九州同四國嘅領土上面插占返支旗啦！
呢次周遊嘅路線圖，提供俾大家參考一吓！
Comments