京都因為無機場，對好多旅客而言，京都車站將係佢哋抵達古都嘅第一印象。京都車站作為交通樞紐，匯集咗多條交通路線，包括前往東京同大阪嘅新幹線。京都車站係一個15層大型複合式大樓，入面有多間商店、餐廳、設施，甚至酒店。車站附近亦有多間酒店。接住落嚟小編要為你介紹京都車站周邊嘅相關資訊，幫助你下次前往京都車站嗰陣可以更順利。
京都車站建築奇觀
講到京都火車站，大多數人只會諗到有新幹線，但車站本身就係京都同關西其他地區多條交通系統嘅匯集點。利用JR，可以前往大阪、關西國際機場、宇治、奈良同金澤。
近鐵一側同宇治以及奈良相連，最後一站喺三重縣。地下則係有京都市地鐵，連接到京都周邊嘅景點。
京都火車站有兩邊。車站南邊，名為「八條」，通向八條通。喺呢度有Asty Road同近鐵名店街，有餐廳、商店等。仲有一啲服務包括投幣式儲物櫃同行李區，喺新幹線落車之後就唔洗繼續拖住沉重嘅行李啦。
車站北邊名為「烏丸」，係車站嘅主要區域，通往京都塔、京都日本郵局同巴士總站。呢一邊係京都車站嘅主要大門，係JR同新幹線嘅「中央門」。
京都景色
京都車站大樓內，可以發現好多美景。如果前往車站西邊15樓，迎面而來嘅係頂樓嘅Sky Garden同Happy Terrace，一個令人讚嘆嘅美景花園。
通往Sky Garden同Happy Terrace嘅係著名嘅「大階段」，從京都車站4樓連接到頂樓花園嘅樓梯。車站4樓嘅階梯平台，經常用做現場表演，而樓梯就係觀眾席。
京都車站內提供各種商品同服務，令你嘅旅程充滿樂趣。「京都拉麵小路」位於「大階段」以南嘅車站大樓10樓。呢度可以品嚐到日本國民美食同其他平價實惠嘅餐點。
京都車站附近酒店精選
如果想以京都嘅酒店作為旅途中嘅落角處，再前往關西各景點旅遊，咁住喺京都車站附近嘅酒店將會係比較好嘅選擇。幸運嘅係，作為一個交通樞紐，京都車站附近可以搵到好多適合嘅酒店。
京都格蘭比亞大酒店 (Hotel Granvia Kyoto)
京都格蘭比亞大酒店係距離京都車站最近嘅酒店，因為酒店實際上就喺車站大樓內。酒店內有游泳池、健身房同餐廳，均提供優質服務。當然，入住呢間酒店嘅費用都唔平，但憑著咁優越嘅位置，可以直接喺京都車站搭車前往各地，一流嘅便利性非常值得你入住。
相關資訊
- 名稱: 京都格蘭比亞大酒店 (Hotel Granvia Kyoto)
- 地址: 京都市下京區烏丸通鹽小路下，JR京都站中央出口
- 交通方式: 直接連結JR京都站（酒店接待大廳位於2樓）
京都森特諾姆酒店 (Hotel Centnovum Kyoto)
京都森特諾姆酒店距離京都車站僅有幾分鐘嘅步行距離。住宿價位係格蘭比亞大酒店嘅一半，可以將節省落嚟嘅旅費用喺更重要嘅事情上：旅行本身。酒店內嘅buffet可以品嚐京都美食，甚至仲有和服租借服務。京都森特諾姆酒店有各種住宿方案供你選擇。
相關資訊
- 名稱: 京都森特諾姆酒店 (Hotel Centnovum Kyoto)
- 地址: 京都市南區東九条東山王町19-1
- 交通方式: JR京都站八条東口，向東步行3分鐘
Comments