※更新※ 而家大阪、北海道JEP價格只需5,400円就買得到啦。活動期間：2018/10/1～12/15
講到日本呢個神奇嘅國家，無論係日本美食，觀光景點到文化體驗等，都令人一試成主顧，愛不釋手，就好似小情侶糖黐豆咁，啱啱先見完，一分開就會即刻諗下次見面！唔只外國人對日本旅遊著迷、日本人亦好熱衷係自己國家內觀光，好多旅行社嘅國內旅遊行程、參加的人員中，一定會見到日本人的身影，特別係生活於大都市嘅人，放假期間，特別鐘意去親親大自然景點，其中宮崎縣呢個不常被外國觀光客列為主要觀光景點嘅城市，可以話係暗藏唔少驚人嘅景色！
原來交通方式可以咁方便
外國觀光客嚟日本旅遊，最方便嘅航線肯定係由東京或者係由大阪出入啦，唔單只航班多，東京同大阪都散發咗佢獨特嘅魅力，無論係一碗您忘不了嘅拉麵、一間您已熟悉嘅店，或者係一杯令人回味嘅咖啡，喺品嚐過懷念嘅味道之後，最適合前往宮崎縣嘅交通方式就係使用 JAL Japan Explorer Pass（JEP）國內線機票啦，呢個划算嘅票價淨係開放俾訪日旅遊嘅觀光客，日本人眼紅紅想買都買唔到啊！喺東京羽田機場度出發，飛抵宮崎機場只需1個小時40分鐘，單程唔洗HKD800，就可以一睹宮崎縣嘅風采！
必訪景點不思議嘅高千穗峽谷
齋睇相，就有驚為天人嘅效果，更加唔洗講喺現場目睹嘅震撼度！高千穗峽谷係阿蘇山嘅火山活動所形成嘅，大約喺12萬年前同9萬年前嘅兩次火山噴發活動，造成咗而家所睇到嘅柱狀節理岩嘅V型峽谷壯觀嘅景色。其中，真名井瀑布更加係日本嘅瀑布百選之一，沿著步道散步亦或係租船嚟划，都係不可多得可貴嘅經驗，高千穗峽谷嘅景色，絕對有值得您前往嘅價值，呢度就好似與世隔絕咁清幽，一年四景都有唔同風情嘅面貌，肯定係您訪日旅遊入面，一頁美好嘅回憶。
如果您預計喺9月20日之前到訪高千穗嘅話，千萬唔好錯過難得嘅高千穗峽谷山夜晚點燈後嘅絕世美景啦，喺峽谷入面點燈，配搭住瀑布嘅潺潺水聲，請原諒小編詞窮地只能讓各位意會，無法言傳呢！
- 高千穗點燈期間：2018年7月14日～9月17日
- 時間：18點～22點
神奇嘅青島神社同鬼之洗衣板奇觀
參訪日本各地嘅神社，幾乎係觀光嘅必排路線之一，唔單只係因為各地嘅神社都各具特色之外，仲會有相關嘅神話故事，為神社增添咗好多神秘嘅色彩！
青島神社喺好耐好耐以前被視為係神嘅領域，一般嘅民眾係禁止進入，直到江戶時代先至開放參拜。到訪嘅交通好容易，去非主流嘅都市旅遊，租車自駕係一種便利嘅方式，但係前往青島神社可以從宮崎車站搭電車到「青島站」，徒步約10分鐘就可抵達，係推薦嘅交通好方法，仲可以比較同東京唔同嘅電車風情㖭啊！
如果係鐘意海洋嘅朋友仔，青島海灘嘅氣息一定會令您流漣忘返，喺抵達青島神社之前，就可以先目睹「鬼之洗衣板」嘅奇觀，長約8公里嘅波狀岩，喺海入面隆起嘅岩石長時間受到海浪嘅侵蝕所形成嘅景觀，好似洗衣板一樣咁而被命名。大自然嘅力量，真係不容小覷啊！
青島神社各式各樣嘅御守同許願方式
青島神社都係求姻緣嘅神社，神話入面「山幸彥同豐玉姬」嘅結緣之地就係呢度啦，嚟到呢度，您一定會發現，呢度嘅御守可以話係琳琅滿目，有用分顏色分別代表唔同祈求嘅御守、有要用釣魚嘅方式先至可以拎到嘅平安鯛御守等等之外，仲有用五色紙串上零錢之後綁喺夫妻樹上面嘅祈求方式、投砸平安瓷嘅祈求方式同投貝殼嘅方式等，唔單只新鮮仲好有趣啊！掛上繪馬之後沿住小徑可以行到去青島神社嘅元宮，去呢度漫步，比起一般神社嘅莊嚴，青島神社更加係多咗份愜意啊！
探索日本就用JAL Japan Explorer Pass（JEP）啦！
熱愛訪日旅行嘅您，如果日本單一城市嘅旅遊已經滿足唔到您嘅野心，喺您訪日旅遊期間，安排多一個日本嘅國內城市，同使用 JAL Japan Explorer Pass（JEP）針對外國人優惠嘅日本國內線機票，絕對係您旅途上最佳嘅助攻，令您嘅旅程豐富又多元，走向全日本！
訂票詳請請睇👇👇👇
呢次周遊嘅路線圖，提供俾大家參考一吓！
Comments