可愛嘅聖地—原宿。好多年輕人同觀光客聚集嘅東京原宿・竹下通十分之熱鬧。喺呢條街上從最新流行嘅時尚到平價雜貨、藝人周邊嘅商店、可麗餅店，到新奇古怪嘅店應有盡有，係日本「卡哇伊」文化嘅發源地。
流行同洋溢卡哇伊氣氛嘅竹下通，有一間非常上鏡嘅甜品店，據聞有助戀愛運嘅提升。呢間店就係…呼喚戀情！？濃厚嘅雪糕專門店「coisof」。
經營呢間店嘅係食品經銷企業favy。係親自經營超濃郁芝麻冰專門店「GOMAYA KUKI」嘅九鬼產業股份有限公司同森永乳業所共同開發嘅，使用咗大量嘅優質芝麻而製成嘅世界級濃郁嘅芝麻雪糕。九鬼產業股份有限公司本社位於三重縣四日市市，係一間創業132年嘅芝麻廠商嚟。
為咗想要令更多嘅人知道芝麻嘅美味！嘅諗法，進而開發嘅芝麻冰同芝麻雪糕。
而且coisof雪糕上嘅裝飾配料係一款好兆頭嘅傳統甜品「oiri（おいり）」，400幾年前喺香川縣就被當作為婚禮嗰陣贈送俾賓客嘅紀念品，以祈求大家嘅戀情都可以順順利利，戀愛成就。
所以coisof嘅coi有兩種涵義：「戀愛（coi、恋）」同「濃郁（coi、濃い）」
食咗濃郁嘅戀愛霜淇淋，令您嘅戀情你儂我儂，甜甜蜜蜜！！
店內裝潢係粉紅色嘅基調，提升您嘅女子力。
店員身上都著住粉紅色嘅T。
招牌係上面擺咗「oiri」點綴嘅「戀愛霜淇淋」
口味有分白芝麻、黑芝麻同綜合3種口味。
今次，就點咗綜合口味，咁樣就可以食到白芝麻同黑芝麻兩種口味啦。
通常，雪糕機嘅出料口係星星形狀，而coisof則係圓狀，所以擠出嚟嘅雪糕比較圓潤。擠出嚟嘅黃金比例雪糕上面放上咗「oiri」之後，綜合口味嘅戀愛雪糕就大功告成啦。
充滿咗原宿流行風格嘅視覺效果。一入口，擴散出嚟嘅芝麻香味！！乳白色香濃嘅白芝麻同味道濃郁強烈嘅黑芝麻，兩種味道完美咁融合。雖然係雪糕，但比起GOMAYAKUKI嘅奶味仲多一D。入口即化嘅「oiri」喺一瞬間消逝嘅口感真係堪稱一絕。大家食咗落去嘅反應，幾乎都會驚呼「啊，芝麻！」。（實際上，我都叫咗出嚟）
喺影相區盡情咁影相啦！
店內設咗好多影相專區。牆壁上面有Hashtag同店家LOGO，以「oiri」為構想製作嘅時尚裝飾等等。除咗唔可以錯過嘅戀愛雪糕，女仔喺呢度也都可以擺出可愛嘅姿勢，盡情咁影相㗎。
coisof
地址：東京都澀谷區神宮前1-8-24 OZ原宿大樓 1F
電話：070-1185-1309
（採訪日期2018年1月）
作者：福田Miki
Fukuda Miki。OTONAMIE三重縣觀光情報網路雜誌副代表。OTONA MASTER
擔任東京某企業公司嘅社長秘書，兼任辦公室中心長。學生時代就開始半工半讀進行依加嘅工作。2014年隨住丈夫從東京搬遷到三重。喺對於離別舊生活嘅傷感中亦都懷抱咗對新環境所產生嘅好奇心。由於係從外地而嚟嘅關係，更加係深深受到三重呢塊土地自身魅力嘅俘虜OTONAMIE http://otonamie.jp/
Comments