本篇文章內容由Relux Magazine提供。
2018年8月21日「沖繩瀨良垣島凱悅酒店」喺沖繩本島屈指可數嘅海灘渡假村—恩納村開咗幕啦！
渡假村嘅獨特位置係佢嘅特色，位於沖繩海岸國家公園區域範圍入面嘅瀨良垣島，俾大自然同美麗嘅大海所環繞，同沖繩本島以橋樑相連住。而唔單止剩係因為佢獨特嘅環境同周圍自然嘅魅力，仲有好多嘅事物，要嚟到呢度先至可以親身體驗到，充滿歡樂同驚奇嘅餐廳、各式各樣嘅活動令您可以全新挑戰，趁機學習吓新事物等等，打從身心散發元氣滿滿嘅笑容同歡樂，要唔要嚟呢度嘗試一吓呢？
開始一段渡假村先至有嘅「非日常」
照片出處：Relux｜沖繩瀨良垣島凱悅酒店
喺本島端嘅酒店入口嗰度轉搭酒店原創嘅嘟嘟車抵達瀨良垣島。開始一段渡假村先至可以感受到嘅心跳加速非日常體驗。從入口入咗去，喺前方等住來客嘅係一片寬敞優雅嘅大廳，印象十足嘅格狀建材同琉球石灰岩所呈現出嚟嘅雄偉空間感。喺天花板垂吊而下嘅格子，柔和咗沖繩嘅強烈日照，所照映嘅影子好似美麗嘅樹下光影輕柔咁籠罩著大廳。
全客房都配置咗戶外陽台！縱情享受美麗嘅海景
照片出處：Relux｜沖繩瀨良垣島凱悅酒店
橋嘅另一邊瀨良垣島那嗰度有一棟七層高嘅「The Island」，喺國道58號線前往嘅本島濱海那嗰度則係另一棟3層高嘅「The Beach House」，呢兩棟建築都備有客房。
照片出處：Relux｜沖繩瀨良垣島凱悅酒店
< The Island >
The Island入面嘅客房有從38平方米嘅標準房型到樣式豐富嘅7種套房。因為360度四面環海，根據每個客房嘅唔同方向，喺陽台眺望到嘅海景都變化萬千，可以姿意盡情咁享受美麗嘅海景。海景房可以眺望瀨良垣島嘅岩岸、原始植物同眼前廣闊嘅大海，仲有伊江島同象徵佢嘅城山（伊江島山頂）。湖景房嘅眼前係游泳池、湖景同萬座毛方向嘅西岸風景等等，唔同地方所享受到嘅風景都有所唔同，係佢嘅魅力之一。
< The Beach House >
廣闊嘅海灘就喺眼前，The Beach House佔地得天獨厚，喺客房都可以近距離咁望到海灘同海景。具備咗餐廳、或者係簡易嘅廚房，最適合一家兩代、三代堂堂嘅家庭住宿喺呢度，或者係長時間咁逗留㗎。
重新打造您嘅身體同心靈
照片出處：Relux｜沖繩瀨良垣島凱悅酒店
沖繩瀨良垣島凱悅酒店規劃咗一連串多采多姿嘅運動活動。海灘瑜珈、冥想、水中健身、北歐式健走等等各式各樣嘅活動舉辦嘅地點同時間都唔同而且多元化，除咗呢D運動活動以外，仲可以參加採岩藻或者係海葡萄、培育珊瑚計畫嘅其中一環「種植珊瑚潛水」等等，如此類推嘅活動，俾大家享受恩納村當地嘅海洋，仲預計會舉辦當地文化體驗嘅活動㖭啊。
照片出處：Relux｜沖繩瀨良垣島凱悅酒店
眺望沉入大海嘅夕陽，悠閒咁橫瞓喺沙灘上面，感受從容不迫嘅島上愉快時光。可以喺呢度感受到特別嘅體驗，徹底放鬆身體同心靈，從頭到尾煥然一新啊。
渡假酒店對美食嘅堅持
照片出處：Relux｜沖繩瀨良垣島凱悅酒店
1樓係全天候營業嘅餐廳同意大利餐廳，2樓係爐端燒、壽司、鐵板燒同日式料理。就算長期住喺呢度，都唔會厭倦呢度嘅餐廳啦，各種唔同嘅場合可以使用嘅餐廳都有很多。聚焦喺沖繩縣縣產嘅食材，跨越沖繩料理以往嘅框架，提出嶄新嘅享食方案，可以盡情咁享受魅力無窮嘅美食體驗，令身體同心靈都充滿活力啦。
照片出處：Relux｜沖繩瀨良垣島凱悅酒店
用完餐之後，喺< The Island >嘅2樓「shirakachi-bar」眺望無敵景色夕陽，神遊另一個世界啦。呢間酒吧除咗供應世界各國嘅酒以外，仲推薦喺呢度好時尚咁享受當地嘅泡盛酒。渡過一段屬於成人嘅奢華片刻。
喺沖繩嘅渡假酒店遇見全新嘅自己
照片出處：Relux｜沖繩瀨良垣島凱悅酒店
除咗仰賴美麗嘅大自然環境，充滿熱情嘅酒店員工所構思嘅各式各樣嘅諗法、嶄新嘅內容，同埋發自內心嘅親切服務同照顧，以「人所散發嘅魅力」期望住客都可以喺呢度享受一段治愈嘅時光。喺您心中懷抱住嚮往嘅渡假方式、有所堅持嘅渡假型態、想嘗試但唔敢踏出第一步嘅事物等等，「沖繩瀨良垣島凱悅酒店」都可以幫您實現心中嘅願望啊！
好似咁，身體同心靈都可以滿足到，活力滿載嘅嶄新沖繩之旅，大家又點睇呢？
Relux
您可以點此註冊Relux網站會員。
Relux會員優惠包含：
- 特別優惠折扣券
- 5% 回饋獎勵點數
- 最優惠價格保證
Comments