小資族遊日本、咁玩就最抵啦！

※更新※ 而家大阪、北海道JEP價格只需5,400円就買得到啦。活動期間：2018/10/1～12/15

講到日本旅遊，隱藏版嘅達人可以話係多不勝數啊，無論係個人blogger、旅遊官方網站或者係電視旅遊節目等等，小資族都會蒐集咗資訊之後，規劃出最適合自己嘅旅行方案然後出發，旅行經驗慢慢咁累積落嚟，久而久之鐘意旅遊嘅您，唔經唔覺就變成咗朋友口中嘅遊日達人啦，羨慕您點解可以好似成日都去日本打卡嘅？其實，只要聰明咁利用旅行嘅交通工具，一次嘅日本行，都可以玩出超高CP值嘅旅行！

非旺季出遊最抵玩

聰明嘅您，一定知道只要係避開旅遊旺季，遊日機票嘅價錢可以慳成萬円，如果您遊日嘅目的唔係行瘋狂購物嘅路線，連行李費都慳埋嘅話，港日來回機票如果係廉航價格甚至唔洗HKD800都有機會㗎！當然，你越係早D開始規劃您嘅行程，就算喺旺季嗰陣，都可以平好多啊！所謂嘅達人就係要行一D非大眾嘅觀光路線啦！除咗喺香港飛到去東京或者係大阪等等主要嘅城市之外，再搭配一個日本國內航線旅遊，先至係令人羨慕嘅超抵之旅啊！

遊日本國內線嘅超優惠方案JAL Explorer Pass (JEP)

以往大家去日本旅遊嗰陣，如果係從大城市前往其他城市嘅話，通常會揀選鐵路或者係巴士，咁樣唔單止移動時間長，旅行嗰陣長時間嘅交通移動，都會增加身體嘅疲累感，而且有D地點仲可能唔可以成行㖭啊，依家 JAL Explorer Pass（JEP）就針對咗外國遊客嘅日本國內線優惠票價，唔單止價錢好抵，交通時間大幅咁縮短咗之外，更加令您嘅旅遊地點無限咁擴大，增加咗無限嘅可能性啊。

買4張機票係人哋買2張嘅價格

喺香港飛東京或者係大阪嘅航班非常之多，所以想喺非旺季嗰陣買到好平嘅機票嘅機率係非常之高，當您嘅同事或者朋友以為您只係去東京或者係大阪玩，但喺facebook或者係IG度睇到你上傳日本東北秋田縣嘅相，仲要喺秋田打卡，一定會好震驚啦。從東京羽田機場或者係大阪伊丹機場出發到東北嘅秋田，都只係大約一個鐘嘅飛行時間，單程大概淨係需要HKD400！！唔單止交通輕鬆又快速，仲好抵啊！聰明嘅您，一定會發現呢次日本行嘅來回機票加埋喺東京或者係喺大阪飛去秋田嘅來回機票，呢4張機票加上嚟差唔多係人哋普通飛一次日本嘅價錢啊！

秋田好好玩、乳頭溫泉鄉

日本秋田嘅仙北市有一個極為出名嘅溫泉觀光勝地，就係乳頭溫泉鄉啦，呢個名您聽完肯定會好難忘喇掛！會有咁嘅名係因為個地點就係喺乳頭山嘅隔離，而乳頭山之所以被稱為乳頭山就係因為喺遠處睇落去就好似乳房嘅形狀，而且山頂微微咁隆起，所以就得到呢個稱號啦！睇住雪景浸溫泉真係至高無上嘅享受啦，秋田有七大溫泉，據聞只要係浸過呢七大溫泉，就可以百病不侵、身強體壯啊！

七大溫泉包括咗鶴之湯、妙乃湯、黑湯溫泉、蟹場溫泉、孫六溫泉、大釜溫泉同埋休暇村乳頭溫泉鄉，其中最出名嘅就係當中歷史最耐嘅鶴之湯啦，喺江戶時期到而家，唔單只仲保有當時嘅「本陣」建築，仲有露天嘅男女混浴，喺白湯嘅溫泉泉質入面浸溫泉，唔洗太擔心俾人睇到曬，呢種咁難得嘅體驗，係唔係好特別呢？想要一次過浸曬呢七大湯，買「湯めぐり号」嘅接駁車套票就比較好啦！