每年超過2萬人入場嘅目黑秋刀魚祭！
每年秋刀魚盛產嘅季節期間，「目黑秋刀魚祭」都會於9月第一個禮拜日或者第二個禮拜日於東京八幡神社舉行，並每年吸收超過2萬人次到場，造成跨越好幾條大街嘅超長人龍，而大排長龍嘅情景更時不時會引來電視節目或者係新聞等報導，相當誇張！如此受日本人歡迎嘅活動可以話已經成為東京每年例行盛事，活動亦於2020年將邁向第25個年頭。（※受新型肺炎疫情影響，2020年第25屆活動已宣告取消）
祭典提供嘅炭火燒烤秋天魚來自岩手縣宮古市，配搭上栃木縣那須塩原高林町產蘿蔔泥同德島縣神山產金桔，配菜方面則有免費提供嘅東京新高屋米麴醃漬蘿蔔。每年活動期間仲會免費舉辦落語（單口相聲）表演，而其演出劇目「目黑秋刀魚」亦相當貼題！
究竟點解目黑區會喺秋天舉辦秋刀魚祭呢？
日本自古就流傳因「唯有目黑先至食得到美味嘅秋刀魚」嘅結尾語而聞名嘅古典落語（單口相聲）「目黑秋刀魚」，因此目黑當地就喺平成8年（西元1996年）開始為咗俾大家更加知道目黑嘅美好同秋刀魚嘅美味而開始舉辦呢個活動。
落語橋段將時代背景設定於江戶時代，飢餓難忍嘅殿下一次偶然機會下喺同遠離大海嘅目黑品嚐到以平民煮法烹調嘅秋刀魚，一試之後發現秋刀魚嘅驚人美味；但當佢返到城後將從新鮮魚市場河岸調配得來嘅秋刀魚以貴族方式烹調時，秋刀魚就即時變得難食，殿下亦因此深信「唯有目黑先至食得到真正美味嘅秋刀魚」。以上故事，其實寓意就係用於諷刺不曉世間事嘅無知殿下。
點解日本人咁堅持要食當季食材呢？
日本四季分明，春夏秋冬四個季節氣候變化以及山脈海洋錯綜複雜地形形成各式各樣嘅特色，所以日本一整年喺限定時期同特定土地先至可以收獲到最新鮮美味嘅「當季」食材。當季食材正值最佳賞味期間，而日本人自古以嚟亦認為可以品嚐到當季美味先係最頂級喜悅，因此一直以嚟都好重視當季時令嘅食材。
日本嘅秋天有邊啲當季時令食材呢？
喺日本，秋天被稱為「豐收之秋」或「食欲之秋」，當季嘅美味多到數唔曬。首先，最可以代表日本食物嘅就係白米。春天插秧、夏天結束後收割稻米，到秋天時收成稻米就會被拎到市場上販賣。當年採收嘅稻米有「新米」之稱，甘甜鮮美又有獨樹一格嘅美味；除此之外，秋刀魚、三文魚等各種魚貝類同栗子、番薯、茄子等蔬菜，以及雪梨、柿子、提子等水果，亦係非常具代表性嘅時令卞中鮮美味食材。
可以食到秋季料理嘅店家清單就喺呢度！
駒八 目黑秋刀魚中心
想要試盡秋刀魚料理，嚟呢到就啱晒！除咗刺身、鹽燒屬必食之外，餐廳仲有西西里風味秋刀魚Carpaccio、炸秋刀魚或秋刀魚丸湯等料理，從招牌料理到創意變化菜式都一應俱全，最適合遊客盡情享受各式各樣秋刀魚料理。
相關資訊
- 名稱：駒八 目黑秋刀魚中心（駒八 目黒さんまセンター）
- 地址：東京都品川區上大崎2-13-35 KI大樓 2F
- 交通方式：JR山手線目黑站東口徒步大約3分鐘
目黑秋刀魚 油菜 權之助坂本店
店面雖簡樸，但味道方面卻係實力派。店舖僅提供日文菜單，建議遊客喺中午午餐時段去食佢嘅「秋刀魚定食」！
相關資訊
- 名稱：目黑秋刀魚 油菜 權之助坂本店（目黒のさんま 菜の花 権之助坂本店）
- 交通方式：JR山手線目黑站西口徒步大2分鐘；東急目黑線、都營地下鐵三田線、東京Metro南北線目黑站徒步大約3分鐘
- 地址：東京都目黑區下目黑1-1-15 菊大樓1F
WA・KAKU田
主打日本國內食材、由產地直送嘅新鮮漁獲所製成嘅刺身拼盤，仲有秋天必食嘅秋刀魚！同場其他日式料理與下酒菜款式都非常豐富。
相關資訊
- 名稱：WA・KAKU田（わ・かく田）
- 交通方式：都營淺草線、大江戶線大門站A5出口徒步1分鐘；JR濱松町站北口徒步3分鐘
- 地址：東京都港區芝大門1-15-6 HIGH TOP大樓2F
Comments