上野嘅美食同餐廳要去邊度搵？

參觀完上野動物園後，何不順道去周邊行行, 試吓上野美食呢？從人氣好高嘅阿美橫丁延伸至上野車站內，都有好多地方可以食到上野嘅美食！

要去邊度搵上野最美味嘅食物同餐廳呢?

其實，唔需要行到太遠，就可以搵到好多美食喔！想食美味嘅拉麵？咁就去一蘭拉麵啦！就喺車站旁，非常方便。或者可以去上野車站內嘅T’s Tantan。如果想食漢堡，咁就去硬石咖啡餐廳 (Hard Rock Café)睇吓啦!

一蘭拉麵以每位客人用餐時都能擁有個人空間而聞名。一蘭拉麵上野分店就位於車站外面。喺呢度你可以喺一個私密嘅空間內點餐。

最正嘅係，餐單以多種唔同語言顯示，所以唔使擔心點餐嘅問題！一蘭拉麵相當受歡迎，所以如果要去嘅話請一定要提早去，避免排太耐隊！

T’s TanTan嘅奇妙之處在於佢係一個只提供素食料理嘅餐廳！喺呢度你可以試吓佢嘅招牌菜：黑芝麻拉麵同素食薑猪肉。簡直係難以置信嘅美味呀！可以喺午餐時段去試吓有好多選擇嘅lunch套餐，其中有素餃子，同埋其他多種美食。

店前甚至仲設置咗一個小櫃檯，可以喺嗰度買外賣拉麵，或者有好受客人歡迎嘅素食三明治。雖然呢間餐廳無用肉類製作料理，但你食完就知！原來素食都可以咁好味！

坐落於上野車站中央出口附近，就有著名嘅搖滾主題餐廳—硬石咖啡餐廳。日本全國共有6家分店，上野分店喺2002年開業，提供美味嘅漢堡、啤酒同現場娛樂表演。

你以為喺上野搵清真食物好難？但其實都唔係㗎。喺上野地區有好多餐廳提供清真食物。我哋建議去Ayam-Ya御徒町店，呢度有好多獲得官方認證嘅清真食物！

Ayam Ya喺日本京都同馬來西亞吉隆玻都有分店，係一間專作清真菜餚嘅餐廳。提供美味嘅清真拉麵，而且價錢好抵食，試過一定會令你想一食再食！

如果想試吓上野嘅街頭小食，一定要去阿美橫丁行啦！好耐以前，呢度曾被認為係黑色地帶，但而家係遍佈餐廳、街頭小食同折扣商品嘅商店街!

沿著大街行，會發現呢度有好多新鮮壽司、海鮮、串燒，甚至特色小食店！價格雖然好平價，但唔需要擔心，品質都係好唔錯㗎，好多都好好味! 所以去上野時就唔好錯過呢個機會，一定要大吃一頓！