池袋購物攻略

池袋有很多Shopping嘅地方。從休閒到專業用品，喺池袋應有盡有。 唔單止係購買一般常見商品嘅地方，亦可以搵到限量商品或收藏品。

池袋Sunshine City

池袋Sunshine City分為5個唔同嘅區域，由多棟建築物組成，包括：池袋陽光60通、王子大飯店 (Prince Hotel)、世貿商城(World Import Mart)、文化會館和ALPA購物中心。Sunshine City於1978年開業，係東京最早嘅城中城。

ALPA係購物主要區域，包括好多唔同類型嘅專賣店。位於Sunshine City嘅地下樓層，同大多數建築物相通。如果你鍾意寵物小精靈，可以去二樓嘅Pokemon中心添。

同ALPA直接相連嘅係世貿商城World Import Mart。下面兩層樓係ALTA，包括好多間服飾店。如果你係遊戲玩家，鍾意南夢宮(NAMCO)公司發行嘅《小精靈》（Pac-Man）的話，可以去行二樓 。

行街行到夠？Sunshine 60係一棟60層高嘅建築，位於頂樓嘅係一個SKY CIRCUS展望台。呢個並唔係普通嘅觀景台，仲係一個刺激五感嘅遊樂場，為你提供獨特嘅體驗，絕對會係一個令你回味無窮嘅地方。

相關資訊

• 名稱: Sunshine City
  
• 地址: 東京都豐島區東池袋3-1-1
  
• 交通方式: 
• 東池袋站（東京METRO有樂町線）步行約3分鐘
• 池袋站（JR・東京METRO・西武線・東武線）步行約8分鐘

池袋購物街

除咗室內型複合式商業設施，池袋仲有幾條街充滿各式各樣嘅路面店鋪，俾你可以享受露天行街嘅樂趣。

Sunshine60通

連接池袋車站同「Sunshine City」，Sunshine60通商店街充滿各式各樣嘅店家。從BIC CAMERA、UNIQLO到SEGA都有。

池袋亦好似另一個秋葉原咁。可以搵到好多動漫周邊商品。

相關資訊

• 名稱: 池袋陽光60通
  
• 地址: 東京都豊島區東池袋1-12-8
  
• 交通方式: 池袋東口步行5分鐘
  

乙女街

喺Sunshine 60通靠近Sunshine City嘅係乙女街。正如前面所提到咁，池袋好似另一個秋葉原，以宅宅文化而出名，只係呢條街可能更適合女性族群。

Animate池袋本店、K-Books、MANDARAKE、LASHINBANG同一啲其他動漫周邊商品專賣店，新品同二手（一切狀態良好）。但買之前記住格吓價，因為其他店可能有更好嘅折扣。

如果帶著小朋友嚟呢度，要注意一點，唔係所有動漫商品對未成年人嚟講都安全㗎，特別係同人誌，呢個係一個自費出版嘅漫畫，其中一啲內容可能唔適合孩童閱讀。無論如何，乙女街係買動漫周邊商品嘅另一個好地方嚟㗎。

相關資訊

• 名稱: 乙女街
  
• 地址: 東京都豐島區東池袋3丁目附近
  
• 交通方式: 從JR池袋站、東京Metro地鐵有樂町線東池袋步行約10分鐘

池袋的百貨公司

池袋以池袋車站為中心嘅商業區最出名，周圍有好多百貨公司，而其中兩間，從規模同地理位置上嚟睇，最為突出。如果你喺池袋站落車，以下呢兩間大型百貨公司同車站出口嘅東口同西口直接連通。

西武百貨池袋總店

同池袋站東口連通，輕鬆就可以進入規模龐大嘅西武百貨公司。 池袋嘅係西武百貨嘅總店嚟㗎。

有人可能會認為呢間百貨公司同其他一般百貨公司無咩唔同，但仔細睇真啲，呢個係一棟12層樓高嘅建築，入面有非常多嘢睇東西，如果要認真行，可能一整日都唔夠！

相關資訊

• 名稱: 西武百貨(SEIBU)  池袋總店
  
• 地址: 東京都豐島區南池袋1-28-1
  
• 交通方式: 與池袋站東口連通
  

東武百貨店池袋店

作為西武百貨嘅主要競爭對手，東武百貨係另一個直通池袋車站嘅大型建築。位於車站嘅西面。

東武百貨共有15層樓，前5層主要係餐廳、酒吧同咖啡店，其他樓層係購物嘅地方。同西武大百貨公司類似，可能需要好Chur先可以一日內徹底行哂全部樓層嘅店，除非走馬看花，隨意行吓都得嘅。

相關資訊

• 名稱: 東武百貨(TOBU) 池袋店
  
• 地址: 東京都豊島區西池袋1-1-25
  
• 交通方式: 與池袋站西口連通
  

池袋地下購物街

成日都睇到一棟建築物形式嘅百貨公司或複合式商業設施，琳瑯滿目嘅的店鋪，可以一層接著一層樓咁行。但你又有無聽過地下購物街呀？ 呢個喺日本好常見㗎。

池袋SHOPPING PARK

池袋Shopping Park係一條位於池袋東口嘅大型地下購物街。占地雖然只有地下一層，但有73間商店同餐廳，服裝以女裝為主。

相關資訊

• 名稱: 池袋SHOPPING PARK
  
• 地址: 東京都豊島區南池袋1-29-1
  
• 交通方式: JR池袋站東口步行1分鐘
  

其他: Echika池袋

Echika池袋係池袋另一個地下購物商場，位於池袋站西面。 只有地下一層，直通池袋車站。

相關資訊

• 名稱: Echika池袋
  
• 地址: 東京都豊島區西池袋3丁目28-14
  
• 交通方式: 池袋站西口地下街直通