即使係商業區，丸之內有豐富嘅購物同餐飲店，非常適合非商務嘅旅客。東京車站位於市中心，對想購物嘅人嚟講非常方便，一定會滿足到你。
探索丸之內購物區
丸之內地區有好多購物嘅地方。可以買到各種各樣嘅商品，從高級精品到平價實惠嘅嘢都有。無論想喺室內定係室外購物，都可以前往呢個地區。
東京車站
嚟到丸之內，第一站應該要去東京車站，因為充滿咗各種各樣嘅商店。 呢度係一個非常方便嘅購物地點，一於安排喺東京旅程嘅最後一日，留幾個鐘嘅時間嚟行一行。為自己同親友揀啲禮物帶返去啦。
呢度可以搵到東京車站限定嘅商品，例如可以考慮一下最具代表性嘅東京甜品手信－TOKYO BANANA香蕉蛋糕。
想買朱古力嘅點心？行下Glicoya Kitchen啦。想買日本動漫相關商品？沿著第一大道嘅「東京動漫人物街（Tokyo Character Street）」行一行，會發現好多好正嘅商店。如果有時間，喺呢度行成日都絕對無問題！
相關資訊
- 名稱: 東京車站
- 地址: 東京都千代田區丸之內１丁目
- 交通方式:
- 由成田機場前來：乘搭成田特快N'EX約60分鐘，或乘搭快速Airport成田約90分鐘。
- 由羽田機場前來：乘搭東京單軌電車至濱松町轉乘京濱東北線或山手線，共約35分鐘。
喺丸之內商業設施內購物
丸大樓及新丸大樓
丸大樓及新丸大樓中，有各式各樣嘅店鋪（服裝、配飾，生活用品等等）同餐廳。大多數係高級精品，種類多到唔知道何從入手。
如果你鐘意品茶或打算買茶當作禮物，咁一定要去新丸大樓B1行下免稅嘅TWG Tea 。呢度販售來自世界各地嘅精選茶。
相關資訊
- 名稱: 丸大樓
- 地址: 東京都千代田區丸之内2-4-1
- 交通方式: JR東京站丸之内南口步行1分鐘
相關資訊
- 名稱: 新丸大樓
- 地址: 東京都千代田區丸之內1-5-1
- 交通方式: JR東京站丸之内中央口步行1分鐘
KITTE
位於JP Tower內，擁有100多間店鋪同餐廳，建築內部同外部都非常吸引人。呢個獨特嘅購物中心同東京中央郵局共用同一棟建築，並附設一間現代化嘅博物館。
呢度嘅時尚服飾店非常有日本風格，食品店販售日本各地嘅特色產品。餐廳大多數係日式餐廳，但亦有其他種類嘅料理。
位於6樓嘅Kitte屋嘅花園可以欣賞到東京站嘅壯麗景觀。此外，仲提供免費電話傳譯服務，令你嘅購物變得更流暢同舒適。
相關資訊
- 名稱: KITTE
- 地址: 東京都千代田區丸之內2-7-2
- 交通方式: JR「東京站」丸之内南口步行約1分鐘
丸之內oazo
你鐘唔鐘意睇書呢？如果係嘅話，請前往丸之內oazo，丸善丸之內本店書店位於1至4樓。3樓有一個大型外文書區同Café。
呢個購物中心有各種休閒公共空間以及眾多餐廳同Café，創造一個悠閒嘅空間概念，俾客人可以放鬆，享受寧靜嘅氣氛。
相關資訊
- 名稱: 丸之內oazo
- 地址: 東京都千代田區丸之內1-6-4
- 交通方式: JR東京站丸之内北口地下通路步行1分鐘
東京大樓TOKIA
東京大廈TOKIA適合夜晚去，因為大部分店鋪營業至深夜。如果深夜想尋找美食，可以考慮嚟呢度行一下。另外，呢棟複合式商業大樓入面仲有女性診所、日間托兒所、沙龍同水療中心。
相關資訊
- 名稱: 東京大樓TOKIA
- 地址: 東京都千代田區丸之内2-7-3
- 交通方式: JR東京站丸之内南口步行1分鐘
於丸之內購物街漫步
如果你鐘意喺戶外散步，行一行高級精品店同享受露天Café，請一定要嚟丸之內仲通。呢條街道從大手町延伸到有樂町，有好多高級精品店。
你可以搵到三宅一生、Kate Spade、HERMES同ROLEX等精品品牌。一於嚟這呢條舒適又美麗嘅林蔭大道上漫步，享受Window shopping、欣賞櫥窗，沉浸喺優雅嘅風格與氣氛中。
相關資訊
- 名稱: 丸之內仲通
- 地址: 東京都千代田區丸之內2-2-3
- 交通方式: 東京站（東京地鐵丸之內線）直達；JR東京站步行約4分鐘
Comments