早排成日喺Facebook睇到大家PO出日本制縣嘅地圖，一開始係搞唔明係D咩意思，原來制縣地圖嘅玩法係，日本地圖上面勾選自己去過嘅縣市，依「無去過」、「路過」等等嘅評分等級分為五種，將自己所到訪過嘅日本地圖填顏色分級，一睇您嘅制縣地圖就知道您係唔係旅日狂魔啦。
日本幅員廣闊，到底要點玩先至可以提早完成日本制霸嘅夢想呢？推薦您一個好用嘅超級優惠票價 JAL Japan Explorer Pass（JEP），俾你快速方便咁前往日本各地，唔似鐵路需要好長嘅時間，乘搭最方便快速嘅飛機，就可以飛去日本30多個城市啦。不妨喺即將嚟到嘅秋天，立刻訂返張東京來回機票，享受楓葉嘅美麗，再利用 JAL Japan Explorer Pass（JEP）順便飛去唔同嘅縣市，制霸日本嘅夢想就可以更加向前一大步啦。
秋風徐徐嘅東京私房景點，欣賞楓紅去
位於東京都葛飾區嘅水鄉美景「水元公園」，天氣晴朗嗰陣，蔚藍嘅湖面搭配一片楓紅，天大嘅煩惱，都可以拋到九霄雲外，剩係坐喺池畔發呆，飲返杯咖啡，都係人生一大享受啦？快D MARK低呢個東京都內賞楓嘅私房景點啦！
大家又知唔知呢？喺自由之丘附近嘅「九品佛淨真寺」，嘅楓葉一D都唔會輸俾京都。一踏入神聖嘅寺院境內，眼前所望嘅美景同氛圍，仲以為自己瞬間移動去咗京都㖭啊。同阿彌陀佛訴說完煩惱之後，不妨喺清靜嘅寺院四周圍行吓，沉靜一下心靈啦。
位於東京都杉並區嘅「大田黑公園」係回遊式日式庭園。園中仲有100年樹齡嘅大銀杏。夜晚點燈嗰陣，湖面照映嘅逆楓紅，十分之火紅美麗啊。
賞完咗東京楓葉，為咗充分咁利用時間，發揮背包客嘅熱血青春，有D嘢依加唔做，成世都唔會做嘅，所以就衝遠一D，去青森睇睇絕美嘅大自然啦。日本地形狹長，氣候上變化顯著而且唔同，喺東京賞楓嗰陣，話唔定東北咁啱飄緊雪，可以利用 JAL Japan Explorer Pass（JEP）飛到東北剩係需要洗5,400円（大約港幣378蚊），來回居然剩係需要港幣750蚊左右，比買東北鐵路嘅飛仲要平，既快速又方便，立即就啟程飛到當地啦，幸運嘅話，仲有雪景可以欣賞㖭啊。利用日本國內航班針對外國遊客所推出嘅超優惠票價 JAL Japan Explorer Pass（JEP），大幅咁節省旅途嘅移動時間，更快速、更便利，咁樣就可以多玩一個地方，日本制霸嘅夢想就更加向前咗一步啦。
仙氣渺渺、宛如人間仙境嘅青森
青森嘅自然美景宛如人間仙境咁，仙氣渺渺，足以令人忘卻咗日常瑣碎嘅煩惱，充完電再次迎接新嘅挑戰啦。
遠離塵世嘅青森白神山地
利用超值優惠 JAL Japan Explorer Pass（JEP）走訪世界遺產白神山地，體驗佢嘅魅力。欣賞十二湖入面嘅青池，望住清澈透明嘅蔚藍湖面，心清氣爽。喺白神之森嘅步道之間散步，驚嘆自然嘅奧妙，呼吸大自然嘅新鮮空氣，令全身煥然一新。
悠悠歲月嘅青森美景：十和田湖、奧入瀨溪流
大約20萬年前火山噴發形成嘅十和田湖，好似明鏡咁反射出藍天綠景。從十和田湖流出嘅奧入瀨川嘅潺潺流水，真係難以言喻嘅美麗啊，唯有踏上旅程，利用 JAL Japan Explorer Pass（JEP）親身感受一下，先至可以心領神會。
神清氣爽嘅東京歸途
呢趟嘅旅遊又賞楓又賞美景，成個神清氣爽，跟住落嚟就準備踏上返屋企嘅路程啦。使用 JAL Japan Explorer Pass（JEP）乘搭國內線班機，最正嘅就係喺機場嗰陣可以獨家入手國內線專屬限定嘅伴手禮，好似係日本人都為之瘋狂嘅「NEW YORK PERFECT CHEESE紐約完美芝士餅乾」，又鹹又甜嘅滋味令人難以抗拒，仲跨越咗日式同西式甜品嘅界線，7月啱啱開幕嘅創新甜品「HONMIDO PANCAKE」，銅鑼燒嘅外表同好似棉花糖咁嘅內餡，配上糯米糰子嘅醬油，諗起就流晒口水啊。可以入手到獨家限量嘅甜品，就係使用 JAL Japan Explorer Pass（JEP）乘搭國內線嗰陣先至有機會食到㗎！真係超值，完全可以為呢趟旅程畫下完美嘅句點啦。
加快制霸日本嘅腳步，JEP係實現夢想嘅捷徑
繁忙嘅工作、平凡嘅日常、成個心成日都想飛去日本，東京同大阪都去過好幾次，有時都想探索吓唔同嘅日本，深度地咁體驗日本。喺呢個時候日本國內航班就針對外國遊客推出咗超優惠票價 JAL Japan Explorer Pass（JEP），可以實現您嘅夢想，更加輕鬆便利咁發掘深度嘅日本，唔需要洗好長嘅時間，就可以體驗更多日本嘅美。
咩係JAL Japan Explorer Pass
JAL日本航空所提供嘅優惠買飛方案，適用喺JAL國內線航路，乘搭經濟艙，享受機上免費嘅Wi-Fi網路，可以飛去日本30幾個城市。
JEP令旅途更加迅速、便利
通常跨區域玩，往往都需要乘搭長時間嘅交通工具，咁樣就會縮短咗真正可以玩嘅時間。利用呢張超優惠票價 JAL Japan Explorer Pass（JEP），可以乘搭最快速嘅飛機前往日本其他嘅城市，而且無論係從大阪定東京飛去東北地區嘅特惠價剩係需要5,400円（大約港幣378蚊），咁樣就可以喺當地停留耐D，盡情享受日本各縣市嘅風土人情。JAL Japan Explorer Pass（JEP）令旅途嘅選擇變得多樣化，增加咗行程嘅豐富度，提早完成制霸日本嘅夢想啦。
心動不如即刻行動，同小編一齊制霸日本，欣賞更多嘅日本靚景啦！
今次周遊嘅路線圖
Comments