澀谷充滿各式各樣嘅料理餐廳，價格實惠又美味。無論去居酒屋，定係想去米芝蓮餐廳，澀谷都可以為你帶來意想不到嘅美食體驗。
澀谷車站附近嘅餐廳
如果唔想揀啲遠離澀谷車站餐廳，其實車站附近就有好多，可以根據當日想食咩任你揀。壽司嘅話，推薦魚米壽司(魚べい寿司)同美登利澀谷店。而如果想食拉麵嘅話，一蘭拉麵都值得一去。
魚米壽司
魚米壽司其實係分布喺日本各地嘅元氣壽司連鎖店其中一間分店。呢間店都好受當地人同遊客歡迎，因為有提供特別嘅食物，例如：螃蟹奶油炸肉卷壽司、芝士漢堡，仲有更多其他驚喜！
餐廳資訊
- 名稱: 魚米壽司 澀谷店
- 地址: 東京都澀谷區道玄坂2-29-11
- 交通方式: 澀谷站步行5分鐘
梅丘壽司 美登利
呢間壽司店以各式各樣嘅壽司而聞名，難怪每日開門都大排長龍！喺呢度，你可以直接單點壽司，或從壽司分類選單挑選。以呢個價錢食到咁多壽司，真係好值得呀。去之前要空出個肚俾自己大吃特吃囉!
餐廳資訊
- 名稱: 梅丘壽司 美登利
- 地址: 東京都澀谷區道玄坂1-12-3 Mark City East大廈4F
- 交通方式: 澀谷站步行3分鐘
一蘭拉麵
一蘭拉麵以每個客人用餐時都能擁有私人空間而聞名。喺東京地區開設咗十幾間分店，包括澀谷。喺呢度你可以根據自己喜好嚟點餐，廚師喺簾幕後面為你準備同奉上餐點時，你都可以擁有個人隱私，獨自用餐嘅空間。
餐廳資訊
- 名稱: 一蘭拉麵
- 地址: 東京都澀谷區神南1-22-7 岩本大廈B1F
- 交通方式: 澀谷站步行4分鐘
澀谷Hikarie嘅餐廳
澀谷Hikarie同澀谷車站直接相通，喺呢度可以品嘗到各種美食佳餚，絕對值得一遊！大部分餐廳位於6樓同7樓，無論係傳統嘅日本料理，定係義大利料理同燒烤美食等都有!
餐廳資訊
- 名稱: Shibuya Hikarie
- 地址: 東京都澀谷區澀谷2-21-1
- 交通方式: 澀谷站步行2分鐘
喺邊度可以搵到優質紅酒、壽司, 或更多美食?
想體驗澀谷地區最頂級嘅壽司餐廳? 咁就唔可以錯過「Kurosaki」喇。距離車站只有8分鐘路程。喺呢度，主廚嚴選最新鮮優質嘅食材，並且會喺客人面前即場製作。
呢間餐廳憑著江戸前壽司製作演出同廚師下廚經驗方面，榮獲米芝蓮一星榮譽。去之前一定要預約, 建議提前一個月預約就最好喇。
雖然Kurosaki於每個星期三休息, 但每次預約都可以揀兩個時段。
- 星期一, 星期二, 星期四, 星期五, 及星期六係18:00至24:00
- 星期日及日本公眾假期係17:00至20:00
餐廳資訊
- 名稱: Kurosaki
- 地址: 東京都澀谷區澀谷1-5-9
- 交通方式: 澀谷站步行7分鐘
澀谷居酒屋! 日式餐廳! 仲有更多更多!
有咁多正餐廳可以選擇，難怪澀谷係最適合夜晚外出約會嘅地方之一。如果你好想去居酒屋，亦好推薦去澀谷中心街區邊行邊揀，嗰度有好多居酒屋，有美味嘅開胃菜、飲品，大把美食等緊你!
景點資訊
- 名稱: 澀谷中心購物街 (Center Gai)
- 地址: 東京都澀谷區宇田川町
- 交通方式: 澀谷步行4分鐘
Comments