如果想要有高級嘅用餐體驗，咁神樂坂嘅餐廳應該列入你東京旅遊嘅清單入面。無論你想嘗試法式或日式料理，定係想喺米芝蓮星級餐廳享用精緻餐飲，神樂坂都可以滿足你嘅需求。
神樂坂嘅日式餐廳
日本傳統文化喺神樂坂根深蒂固，呢度有好多日本料理餐廳。我哋建議到神樂坂KADO同神樂坂waraku用餐，你可以喺呢個傳統日式房間內享用美食。
神樂坂KADO
餐廳鄰近車站，提供獨特嘅日本料理用餐體驗！位於一棟歷史悠久且經過修復嘅日式古民家內！無錯，需要除鞋先至可以入內。
菜單有幾種套餐可供選擇，價格不等。亦有提供素食。晚餐一般約3,000円。午餐時段不營業。
餐廳資訊
- 名稱：神樂坂KADO (神楽坂カド)
- 地址：東京都新宿區赤城元町1-32
- 交通方法：神樂坂站1出口步行3分鐘
神樂坂waraku
就好似神樂坂KADO一樣，waraku裝潢亦都係日式古民家風格。使用各種新鮮同時令食材，提供烏冬、和牛等。
營業時間從上午11點半至下午3點, 以及下午5點半至晚上11點。而星期日僅開放午餐時段。餐廳於8月13日至17日作休息。
餐廳資訊
- 名稱：神樂坂waraku (神楽坂 和らく)
- 地址：東京都新宿區築土八幡町 1-3
- 交通：飯田橋站步行7分鐘
神樂坂嘅法國餐廳
如果你鐘意法國菜，咁神樂坂就係理想嘅地方。呢度有好多法國餐廳，提供好似係法國可麗餅同薄烤餅嘅套餐。就等小編推薦一啲俾大家啦！
L’Atlas
餐廳距離神樂坂車站僅5分鐘距離，提供美味且賣相好嘅菜餚。致力於提供富有藝術感嘅法國美食，L'atlas嘅套餐既豪華又美味！
餐廳資訊
- 名稱：L’Atlas
- 地址：東京都新宿區神樂坂6-8-95
- 交通方法：神樂坂站1號出口步行5分鐘
法國前菜食堂Bon Gout神樂坂
Bon Gout提供各種法國美食。唔係凈係專注喺主菜或套餐，而係提供好多唔同嘅菜餚俾客人可以揀選自己想要嘅美食。最重要嘅係，佢哋有各式各樣嘅玫瑰紅酒供您配搭食物！
餐廳資訊
- 名稱：法國前菜食堂Bon Gout神樂坂 (フレンチ前菜食堂 ボン・グゥ 神楽坂)
- 地址：東京都新宿區矢来町107 細谷大廈2F
- 交通方法：神樂坂站1出口步行1分鐘
Le Bretagne神樂坂店
分店遍布世界各地，唔怪之得Le Bretagne係神樂坂最受歡迎嘅法國餐廳之一！餐廳專門提供法國可麗餅同薄烤餅，仲有各種蘋果酒可以配搭食物品嚐。雖然星期一休息，但星期二至星期六由上午11點半至晚上10點半營業。而星期日同祝日由上午11點半至晚上10點營業。
餐廳資訊
- 名稱：Le Bretagne 神樂坂店
- 地址：東京都新宿區神樂坂4-2
- 交通方法：神樂坂站步行6分鐘
神樂坂嘅米芝蓮餐廳
如果想試啲世界一流嘅米芝蓮星級餐廳，可依據自己嘅喜好喺神樂坂尋找！關於法國美食，我哋推薦La Tourelle；想品嚐傳統日式懷石料理，咁去石KAWA就啱啦！
La Tourelle
獲得米芝蓮一星級榮譽嘅La Tourelle餐廳位於神樂坂同飯田橋之間，地理位置優越。餐廳服務一流，亦提供各種美酒佳餚。
餐飲資訊
- 名稱：La Tourelle
- 地址：東京都新宿區神樂坂6-8
- 交通方法：神樂坂站1出口步行4分鐘
石KAWA
呢間傳統日式餐廳由主廚石川 秀樹擁有及經營，擁有米芝蓮三星級榮譽，專注於日式傳統懷石料理。營業時間為下午5:30至午夜，星期日及日本公眾假期休息。由於座位有限，如果想喺呢間豪華嘅餐廳用餐，請先提前預訂。
餐飲資訊
- 名稱：石KAWA (石かわ)
- 地址：東京都新宿區神樂坂5-37 高村大廈1F
- 交通方法：神樂坂站A出口步行7分鐘
Comments