日本係由北海道到沖繩組成，地狹人稠。隨著每個地方嘅氣候唔同，價值觀同氣質等等都有所唔同，從各地嘅風俗文化到當地美食，隨著居住環境地方嘅唔同就養成唔同特性，一啲小習慣咁就可能知况大家出身邊度。當我哋熟知當地人嘅習性，就可以更加輕鬆咁暢遊日本各地啦。縣民性系列文章嚟到第10回，呢個系列介紹嘅嘢，唔係一般旅遊書可以睇到，令您更熟知最真實嘅當地生活系列，今次我地講愛知縣！
小氣又愛慕虛榮
以前統治名古屋一帶嘅係尾張藩獎勵勤儉持家、多多儲蓄，或者就係因為咁嘅歷史緣由，養成咗保守節儉嘅個性。愛知縣民崇尚價格平就係好嘢。而佢哋個特徵係穩健可靠，豐富實惠。因為唔係太過相信其他人，儲存咗金錢存放喺自己屋企保管嘅人都係唔係少數嚟嘅。最愛慕虛榮排場誇張。唔容易信任其他人，需要曬一D時間嚟相處。
佢個位置既係東日本，亦都係西日本。
查字典嘅「東日本」一詞，入面解釋係「廣泛地總稱包含中部地方以東」。而查「西日本」嘅解釋係「日本嘅西半部，廣泛地總稱係含中部地方以西」。中部地方居然既係東日本，亦都係西日本。
開車亂七八糟 最差縣市第一名
愛知縣嘅駕駛禮儀係臭名昭彰嘅。交通事故嘅發生率居高不下，連續14年全國最差第一名。近幾年仲出現咗「名古屋跑法（名古屋走り）」嘅詞彙，其駕駛行為係其他縣市都無辦法相比咁亂七八糟。就算係黃燈都會毫不猶豫咁直衝，燈號轉紅都會判斷路上狀況之後直接駛過去。就算好好遵守規則開車，行人喺路上行緊嗰陣都一定要留心注意啊。
咖啡店提供豪華級早餐！
喺愛知縣嘅咖啡店所提供嘅早餐，剩係需要點杯飲品就會附上多士同水煮蛋，係基本中嘅基本嚟。有D店仲會以銅板價（500日圓），就提供麵包、水煮蛋、沙律食到飽，外加飲品飲到飽。佢哋習慣早上散咗步之後，順便去咖啡店飲返杯咖啡。就係咁嘅習慣而令名古屋周圍嘅早餐服務十分「澎湃」。而漫畫咖啡店嘅發祥地就係名古屋。起源係為咗吸引更多嘅客人到訪，店鋪擺放咗大量嘅漫畫提供翻閱。
最愛紅味噌！
味噌豬排、味噌烏龍麵、味噌關東煮等等，如果無咗紅味噌，愛知縣嘅美食文化就會黯然無色。便利店嘅關東煮都一定會附上味噌嘅。去超市行嘅話，會發現味噌同醬料醬油等並排陳列喺一齊嘅。
比起Starbucks，更愛Komeda（コメダ）珈琲
愛知縣縣民引以為傲嘅咖啡店—「Komeda（コメダ）珈琲」。1968年創業以嚟，一朝早就係老人同家庭小息片刻嘅場所。佢嘅定位介於咖啡店同家庭餐廳之間，提供嘅飲料同菜式都十分之豐富。成分菜單俾人份量足夠嘅感覺！招牌菜「シロノワール（冰同火）」非常之好味。舒適嘅座位一旦坐咗上去就唔想企返起身。店入面仲擺設咗好多新聞同雜誌，非常歡迎客人喺呢度停留一段時間。可謂日本盛情款待嘅榜樣啊。
豪華盛大嘅結婚典禮
最適合拿嚟證明「名古屋嘅愛慕虛榮」嘅講法就係「豪華盛大嘅結婚典禮」。「喺名古屋屋企如果有三個女，一定會傾家蕩產」「要娶新娘，就喺名古屋度搵」。過去成日都有咁嘅講法。舉例貨車裝載咗滿滿嘅嫁妝奔馳喺街上，用貨車裝載個女嘅嫁妝。仲有，結婚當日會撒糖。新娘前往結婚典禮嘅會場之前，會喺屋企嘅2樓等地方，拿住枕頭套咁大嘅點心袋，入面裝滿咗點心，天女散花咁撒出去。以呢個為目標而集結嘅鄰居因此展開咗點心爭奪戰。
喺日本全國有好多難以置信嘅當地縣民特性，喺其他縣民眼中係非常識嘅趣事嚟。呢個系列嘅文章將會陸續咁刊登，敬請期待！歡迎有任何意見或者係感想，都可以喺右邊欄位留言俾我哋知啊！仲想知道邊D縣嘅獨特縣民個性，都歡迎留言㗎！
Comments