小笠原群島擁有豐富自然環境資源，有好多特有嘅動植物物種棲息於此。更喺2011年被聯合國教育科學文化組織列為世界自然遺產。而母島係小笠原群島嘅其中一個島嶼。要唔要親自去母島一趟，去享受一下呢個美麗大海同大自然呢？
母島上珍貴嘅稀有物種
小笠原群島中嘅母島。由於位於亞熱帶地區，而且全年溫度變化不大，小笠原周邊嘅海洋被譽為世界上最清澈之一，係一個擁有獨立生態系統，植物群同動物群嘅大自然寶庫。母島位於父島嘅南面對出50公里處，係一個人口約500人嘅小島。小笠原群島上有豐富且獨特嘅動植物物種，其中母島嘅物種比父島更加多。係一個好機會參加自然保育團去認識更多罕有物種。
母島上嘅酒店
母島有13間住宿。當中有好多唔同種類嘅住宿方案，包括純住個人房方案，即係住一晚但唔包括任何餐食。民宿MEGURO係一個民宿提供一間日式房間，三間洋式房間，遊客可以實惠嘅價錢訂房，仲可以享用到自家製咖啡同自家田園種植嘅新鮮水果，令你體驗更有家的感覺。
住宿資訊
- 名稱：民宿MEGURO (民宿メグロ)
- 地址：東京都小笠原村母島元地
喺母島欣賞鯨魚
小笠原同鯨魚有好大關繫，歷史由捕鯨船供應基地開始。1989年，喺全面禁止商業捕鯨之後，母島舉行咗首個日本觀鯨活動。作為日本國內觀鯨嘅起源地，島上每年都吸引好多遊客，希望可以親眼睇到呢個雄偉嘅生物。喺賞鯨時期當中，座頭鯨通常喺12月至5月之間出沒，最常見嘅係2月至4月。
抹香鯨全年棲息於小笠原附近海域，但通常喺5月至11月期間，離島約10公里海域先見到佢嘅蹤影。
如果你想近距離觀看鯨魚，建議參加一個當地旅遊公司開設嘅觀鯨導賞之旅。半天遊旅行團可以觀賞座頭鯨（大約3個鐘），全日旅行團可以觀賞抹香鯨（大約7-8個鐘）。但因為係野生動物，所以無法保證一定可以遇到鯨魚，但睇到嘅可能性相當高呀！
前往方法
要去母島就要去東京竹芝港口搭小笠原海運嘅定期班次「Ogasawara丸（おがさわら丸）」號船。首先會途經父島，之後再到母島。從父島到母島可搭「Hahajima丸（ははじま丸）」船程為2個鐘。從東京到母島全程約需24個鐘，但由於並無飛機航班能到達，所以都只能搭船。雖然需要搭好長時間先到達，但毫無疑問你可以獲得一個非凡且豐富嘅體驗，好值得你去探索呢片土地。
Comments