日本嘅便利店就好似個寶物盒咁, 喺一個細嘅地方入面但有好多唔同種類嘅嘢。但係相比起多「數量」, 都係多「種類」重要啲!
但係有咁多款式, 或者你更加會想知道邊款係最好食。所以今日我就話你知比較過後邊樣係最好嘅! 今日做比較嘅主題係—布丁! 我只係喺1間便利店入面就揀咗20款布丁出嚟試食, 就等我話你知我最推薦係邊款啦!
味濃絲滑布丁 (Meito’s Silky Pudding) – 108 円
呢款係我覺得最好最推介嘅! 呢款布丁已經賣咗15年, 就係因為經過長時間研究開發, 所以布丁嘅牛奶, 雞蛋同忌廉嘅比例係配合得最完美嘅布丁! 奶滑口感令布丁好似融化喺口入面咁。只係喺便利店就可以嘗試到呢種融化口感嘅樂趣喇!
杏仁豆腐 - 164 円
杏仁豆腐係中國傳統甜品。係咪估唔到便利店都會搵到呢? 而且呢個杏仁豆腐布丁仲好食到好似餐廳食到嗰啲咁。好有濃濃嘅杏仁味, 口感亦非常細滑。食完之後覺得1個唔夠, 至少都要多5個!
宇治抹茶蛋糕布丁(Uji Green Tea Cake Pudding) 164 円
呢個係幾特別, 分兩層嘅布丁。一層係用宇治抹茶製造的梳芙厘, 另一層係抹茶布丁。兩種不同口感嘅層次令到食布丁都昇華到一個新境界。而個抹茶味道更加係又豐富又令人驚喜。嚟到日本一定要試呢個布丁
炙燒芝士布丁 (Baked Cheese Pudding) 145 円
呢款布丁簡直係又好食包裝又好睇。日文個「焼」字同中文個「燒」字就係同一個意思, 所以打開包裝蓋後你就會見到個布丁有燒焦過嘅表面, 而呢個有點煙燻味, 又有有點苦澀味嘅表面, 融合底下芝士布丁部份後嘅配搭, 簡直係完美嘅合體。我本來都驚芝士味會太重, 但其實芝士味同牛奶嘅比例都調較得好完美。所以整體上呢個布丁好令人眼前一亮.
忌廉奶蓋澤西牛奶布丁(Jersey Milk Pudding with Cream)-137円
我覺得呢款布丁係20種入面最好食的。呢個係個奶味重嘅布丁。雖然布丁之中最普遍嘅係牛奶口味, 但一食落口就可以感受到呢款布丁同其他布丁好唔同。呢款布丁用咗澤西牛奶製成, 奶味濃郁到就好似喺個口入面大爆發咁。同時甜度係啱啱好, 食完都唔會好覺得好膩。呢款布丁好味到完全可以打低其他甜品!
雖然布丁未必係一個日本本土甜品, 但日本人係出名調製東西達至另一個新境界。多類布丁的甜品就正正係一個好例子。睇完呢篇文章, 邊款布丁令你最心動? 歡迎寫低你嘅感受啊!
Comments