一提到TOYOTA汽車嘅頂級車型，大家會諗到邊一部呢？TOYOTA擁有Lexus嘅高級汽車品牌。大型轎跑「LC」同豪華轎車「LS」等精心打造嘅車款，銷售量持續長紅。但係，呢D車款都仲未係「頂級TOYOTA」。佇立喺TOYOTA頂端嘅車型並非Lexus品牌，而係頂級豪華轎車「Century」。呢架車款凈係喺日本國內販售，喺世界上嘅知名度唔高。同勞斯萊斯（Rolls-Royce）、賓利（BENTLEY）、賓士（Mercedes-Benz）嘅Maybach、凱迪拉克（Cadillac）嘅加長型禮車等車款一樣，皆屬「尊榮等級」車型。而呢款Century係喺6月22日發表咗睽違21年全新大改款嘅第三代車款。
變身為5升V8油電混合動力嘅環保車款
新款Century最大嘅特色就係，轉變為引擎同電動馬達併用嘅油電混合動力車。舊款車型搭載咗5升V12缸自然進氣引擎，而新款Century則係5升V8缸自然進氣引擎。
就咁睇，可能會覺得規格下降咗。咁就大錯特錯啦。舊款引擎所生產嘅時期係日本政府機關限制咗國產車最高輸出馬力只可以達到280匹馬力嘅時代，最終佢最高可輸出嘅馬力都係280匹。而新款嘅單一引擎就可以產生381匹馬力。所以如果電動馬達同引擎同時運作嗰陣，油電混合動力大約可以達到440匹馬力。
車身全長5.33m，全寬1.93m嘅超級巨大車身，重量達到2370kg，而全新嘅油電混合傳動系統可以令咁龐大嘅車身速度瞬間提升，衝至高速。但係官方公布嘅油耗為13.6km/L。實際行駛咗之後，數值都一直保持喺10km/L以上，可以話係潛力無窮。係尊榮等級轎車車款入面，世上史無前例嘅環保車款。
車行駛時嗰陣無敵安靜又有頂級防震，VIP乘客都可以舒適咁乘搭
Century嘅優越之處，唔單止凈係得環保同速度。真正嘅價值係佢喺世上數一數二嘅絕佳舒適。
專為總理大臣同政商界嘅VIP賓客等所設計嘅後座，配備咗好多各式各樣嘅功能。首先係座椅除咗靠背以外，椅背仲具備左右獨立橫臥嘅功能。好似乘搭行政專機同大型客用機嘅頭等艙咁一樣舒適。而椅背仲配置咗空氣式按摩功能，喺移動時間一解身體嘅疲勞都得。
Century專屬設計嘅懸吊系統，採用前後都係多連桿懸吊嘅複雜形式。喺前面、側面或者係斜面等各種方向施加喺輪胎上嘅力量都可以順暢咁吸收，實現低震動，宛如豪華遊艇喺平靜嘅水面上運行咁。而且，全車身都打造成隔音，仲配備咗主動噪聲控制系統可以消除輕微嘅噪音。
呢個車款含稅售價1,960萬日圓。預計1個月販賣50台。
如此超級高貴豪華嘅車款，通常凈係得VIP顧客先至可以購買。但一般嘅客人都有辦法乘搭嘅。利用附帶司機駕駛嘅包車出租服務，就可以乘搭呢架車款。雖然費用係高咗D，但凈係得日本國內先至可以乘搭嘅高級豪華轎車，坐上佢環繞東京一圈，觀光一吓，都係一個好正嘅體驗。
Comments