近年日本出現咗Ikumen（育兒男士）呢個新詞彙。鐘意使用縮寫創造詞彙嘅日本人，取用咗日文入面Iketeiru（有魅力嘅）呢個詞，縮寫成Ikeman（有魅力嘅男性），同日文Ikuji（育兒）嘅前半「Iku」，再結合出呢個新詞彙，指喺屋企照顧小朋友嘅男性.
數量日漸增加嘅Ikumen（育兒男士）
喺過去嘅幾年入面，育兒男士日漸流行。由於日本人口長期持續嘅老年化，喺過去十年入面，呢個議題變得更加廣為人知。隨住停滯嘅經濟同埋低出生率，大多數嘅日本人，贊同透過呢種方法，作為刺激出生率嘅方法之一.
就係咁，唔難解釋點解ikumen（育兒男士）呢個詞會人氣上升，而且被視為係正面嘅用語，普遍係用嚟形容喺屋企帶細路、做家務嘅男性.
點解Ikumen（育兒男士）會被讚揚?
對於呢個世界上好多地方嚟講，呢個係一件幾奇怪嘅現象嚟。點解男性做咗一D家務就會被大肆讚揚呢？其實，日本依然係一個非常之大男人主義嘅社會嚟，無論係喺政策、職場、或者係喺家庭結構入面。日本並唔係一個以性別平等聞名嘅國家。雖然己經有一D嘅改變，但呢個係來自傳統嘅文化，並唔係可以一夜徹底顛覆到嘅。亦因此當男性扮演家庭主夫嘅角色嗰陣，總係會被讚揚係好爸爸，而被過度美譽稱為Ikumen（育兒男士）.
隨住日本嘅現代化變遷，性別平等嘅議題更加係成日被提及。現任內閣總理大臣安倍晉三，都提出推動提高女性管理職嘅比例，目標係喺西元2020年提升到30%。雖然無人覺得會達成，但至少令呢個社會開始懷抱唔同嘅期望。年輕男性慢慢咁轉變態度，願意分擔家務嘅責任，甚至有D人志望成為家庭主夫。喺性別平等上面，向前邁進嘅一大步係，更多嘅日本女性獲得咗追求職涯嘅發展機會，呢一部份真係要多謝 ikumen（育兒男士）嘅增加.
實際上，大家係點看待Ikumen（育兒男士）
對於未來嘅持續發展，提升家庭主婦/主夫嘅地位係非常重要嘅。媒體對於Ikumen （育兒男士）嘅正面支持係不可或缺嘅。呢個來自於日本人強烈想融入群體、唔想被任何人嘲笑嘅民族性。令社會氛圍可以接受喺屋企照顧細路嘅男性，係一個極之大嘅改變嚟嘅。喺2014年政府所做嘅調查入面顯示，有45%嘅日本人依然認為男性應該出去做嘢，而女性應該留喺屋企入面，好多人仍然係持有呢種過時嘅諗法。雖然係咁，但其實20年前嘅數據仲要更加高，1992年嘅調查仲高達60%.
雖然呢個持續嘅變化睇落去好樂觀，但女性平均嘅人工仍然係遠低於男性嘅。呢個顯然係ikumen （育兒男士）難以跨越嘅障礙.
日本厚生勞働省嘅資料顯示，喺1997至2013年期間，女性為家庭主夫嘅丈夫申報配偶稅額免除嘅人數，增加咗175%；而同期間入面，男性為家庭主婦嘅妻子申報配偶稅額免除嘅人數，減少咗22%.
現今趨勢
現今嘅日本社會，越嚟越可以接受有意願成為Ikuman（育兒男士）嘅男性，最好嘅例子就係日本厚生勞働省所推行嘅「育兒男性計劃」。呢個計劃提供資訊、協助咗好多男性決定轉換。呢個組織推廣、同鼓勵咗男性好好運用佢哋嘅育嬰假，把握呢個珍貴嘅時機，見證細路仔嘅成長路程。佢哋同時都啟發咗大家可以點兼顧家庭同工作.
Comments