東京都廳係東京都嘅行政中心，係一座243公尺高嘅雙塔造型現代風格建築，塔頂旋轉咗45度，係東京嘅標誌性建築物。
從東京都廳展望室俯瞰東京
喺東京都廳45樓，有一個絕佳嘅地方可以欣賞東京嘅市景。從地面乘搭電梯只要55秒就可到達頂樓。呢度有南北兩個展望室，相比之下南面展望室嘅風景較佳。
前往參觀距離地面202米嘅展望室，不妨用「TOKYO SKY GUIDE」，提供多國語言版本。只要簡單讀取QR碼，就會自動顯示總共32個景點嘅資訊。請使用智能手機取得各項資訊啦！
雖然從北面嘅展望室睇唔到東京灣方向，但係喺南面嘅展望室，則可以睇到東京都市全貌。如果望向東面，會睇到東南方有一個綠色地帶，嗰度就係新宿御苑、靖國神社同代代木公園，仲可以欣賞得到東京鐵塔。望向東面嘅話，可以欣賞到遠方嘅東京晴空塔。天氣好嘅話，喺稍微西面仲會睇到遠方嘅富士山! 仲可以欣賞日落同燈光閃爍嘅都會夜景。
亦可以喺呢度飲食同購物
如果喺展望室行到攰咗嘅話，可以嚟Café休息一下。另外乘搭電梯落去，仲可以喺附近嘅商店行一行，呢度販售東京限定嘅商品，東京紀念品、日式小食同流行商品等等應有盡有。喺北面展望室，設有「博品館TOY PARK都廳店」，呢度除咗販售日本玩具之外，仲有各種東京紀念品可以選購。
乘搭電梯到32樓，會睇到一間員工食堂，餐點平均只需大約600円。東京都廳仲有另外兩個員工食堂，分別位於4樓同辦公大樓嘅2樓。午餐時間從11:30到14:00。
如何前往東京都廳
新宿車站係距離東京都廳最近嘅車站。雖然係全東京最繁忙嘅車站，但從新宿車站出發，只要利用地下通道就可以輕鬆到達東京都廳。而且室內嘅地下通道，即使落雨都唔使擔心，仲有電動行人道，快速又方便。
如何進入東京都廳展望室
喺東京都廳1樓嘅中央有接待處，請先喺表格上填寫自己嘅名字，目的地等資料，然後就會收到一張「臨時通行證」嘅智能卡片，可以用佢嚟通過入口嘅閘板。如果唔會用到員工食堂嘅話, 可以跳過呢個步驟直接乘搭電梯到展望台。但要去員工食堂就一定要登記, 同要記得最後歸還臨時通行證。
景點資訊
- 名稱: 東京都廳
- 地址: 東京都新宿區西新宿2-8-1
- 交通方式: JR新宿站西口步行10分鐘, 都營地鐵大江戶線 都廳前站步行2分鐘
Comments