有樂町購物指南

要數迷人古老社區感覺嘅地方，就非有樂町莫屬。擁有非常輕鬆嘅氛圍，提供任何人都適合嘅購物好去處。

有樂町滿足你嘅購物慾

LUMINE係一個時尚購物百貨，充滿日本最新潮流代表商品。同主要車站相通，營業時間長，方便購物者。

對於外國遊客嚟講，LUMINE有樂町店非常正，因為入面120間商店都係免稅！購物之後，仲可以到美食街食啲嘢，餐廳大部分營業至晚上11點。

有樂町丸井百貨位於ITOCiA，係另一個好好嘅購物地點，營業時間長，販售各種時尚服飾、化妝品同生活用品。呢間百貨公司以女性時裝同配飾而聞名。

更重要嘅係，喺8樓設有活動空間，不時有展示活動同臨時商店。

喺有樂町站附近，有幾間人氣好高嘅商店，可以購買各種商品：

BicCamera 有樂町店

作為東京最大嘅Bic Camera分店之一，如果需要3C產品或家電用品，有樂町分店係你嘅理想選擇。總共8層，可以盡情選購各種各樣嘅產品。

你仲可以喺3樓搵到美容產品或同藥品，喺4樓可以搵到兒童玩具同小雕像，甚至喺6樓可以搵到眼鏡同隱形眼鏡 - 已經可以話唔單止係一間電子用品商店咁簡單！如果行到肚餓，可以去最頂層嘅Key's Cafe，嗰度有供應咖啡、義大利麵同鬆餅。

如果你鐘意買古董或純粹欣賞都好，都可以去東京國際論壇，行下大江戶骨董市。作為日本最大嘅戶外古董市場，你一定會喺呢度搵到隱藏嘅寶貝嘅。

呢度販賣各種各樣嘅古董品 - 從日常嘅餐具到老式鐘錶，到罕見嘅浮世繪。就連二手和服同暖簾手工製作嘅獨特服裝都有，對於嗰啲鐘意復古服裝嘅人而言，喺呢度行街肯定睇到眼花繚亂。