台場係一個人工島，亦係一個港口，又係一個知名購物景點，帶俾你各種體驗! 嚟台場行街唔單止可以買嘢，仲可以體驗各種各樣嘅活動。呢度有戲院、遊樂設施、溜冰場、屋頂農園、演唱會場地、展覽館、動漫，甚至可以單純享受攝影同觀光嘅樂趣，一個地方就可以滿足曬你所有嘅願望，而呢個地方唔係美國紐約, 而係東京台場!
台場購物指南及特別嘅體驗
人工島台場原本係喺1853年江戶時期，為咗抵禦佩里率領黑船砲艦嘅襲擊而興建嘅炮台。字面「台場」嘅日文原意係堡壘嘅意思。但係現代嘅台場已經成為廣為人知嘅娛樂及購物地區。
如果嚟日本旅遊，特別係以東京作為首次旅遊目的地嘅話，台場係其中一個唔可以錯過嘅購物景點! 呢度有好多購物中心，而且彼此鄰近，真係睇得眼花瞭亂。每一個購物中心都提供唔同且特別嘅購物體驗，帶俾你一種與別不同嘅購物體驗。
DiverCity, 喺台場展開多元嘅購物之旅
GUNDAM。無錯!喺instagram睇到人post台場著名地標嘅GUNDUM就知道佢去過DiverCity Tokyo購物中心啦。唔知小編講咩? 其實係同名嘅動漫GUNDAM系列中由人類操控嘅巨大機器人。無論你係唔係機器人動畫嘅愛好者，單止係親眼睇到呢個比例1:1嘅大型機器人，相信都會令你嘆為觀止!
如果以為DiverCity嘅吸引力凈係得呢個GUMDAM嘅話, 就大錯特錯啦! 呢座樓高7層嘅購物中心帶俾你更多體驗! 從購物、用餐到娛樂同興趣，都喺同一座建築物中。建築物頂樓有一個城市農業嘅城市農園。提到娛樂，DiverCity唔單止有普遍娛樂場所都有嘅卡拉OK同保齡球場，7樓仲有溜冰場。
營業時間: 10:00~21:00
景點資訊
- 名稱: DiverCity Tokyo購物中心
- 地址: 東京都江東區青海1-1-10
- 交通方法: 台場站步行7分鐘
台場AQUA CiTY購物及欣賞美景
AQUA CiTY台場嘅樓層佈局設計得好好，有唔同類型嘅商店，客人好易就可以搵到自己想行嘅店鋪。而且以大型戲院綜合中心嘅United Cinema AQUA CiTY台場而聞名於世。
但講到AQUA CiTY台場最獨特嘅地方就係喺呢度睇到嘅景觀。其中一個係海景觀景台, 從呢度可以睇到彩虹橋結合自由女神像嘅模型嘅美景。而另一個可以睇到景觀更加靚嘅地方，佢就係頂層7樓。頂樓亦係一個可以好好欣賞到東京灣景緻嘅地方。經過成日疲憊嘅購物之旅後, 搵個時間放鬆一下, 讓海風拂過自己塊臉感受一下清爽輕鬆嘅感覺。
營業時間: 11:00~23:00
景點資訊
- 名稱: AQUA CiTY台場
- 地址: 東京都港區台場1-7-1
- 交通方法: 台場站步行1分鐘
台場嘅維納斯城堡(VenusFort), 一個與眾不同嘅Outlet購物中心
維納斯城堡(VenusFort)樓高3層，因結合咗outlet及購物商場，所以被稱為混合式購物中心，而且內部裝潢既有趣又特別。
購物中心嘅3個樓層分成3種類別。一樓係以家庭為主題嘅「Venus FAMILY」。主要販售從細路到大人、甚至寵物嘅生活用品，適合一家人行街同樂嘅樓層。二樓則以時尚潮流品牌作為重點嘅「Venus GRAND」。呢度有好多品牌流行商品、化妝品、服飾等等嘅店鋪。仲可以喺呢度影到靚靚嘅相。最後三樓充滿受好多東京年輕人歡迎嘅著名品牌店，價格都係outlet嘅划算價格。
從外觀嚟睇，你可能會覺得只係普通嘅舊式購物中心，一旦進入二樓嘅「Venus GRAND」樓層，就會覺得自己好似離開咗日本，嚟到一個類似中世紀歐洲城鎮嘅地方。但維納斯城堡嘅魅力唔單止係咁。天花板有個天幕，會喺一個小時內不斷變化景象，俾你喺短時間內欣賞 「日頭〜黃昏〜夜空」嘅景觀。
營業時間: 11:00~21:00
景點資訊
- 名稱: 維納斯城堡(VenusFort)
- 地址: 東京都江東區青海1-3-15
- 交通方法: 青海站直通；東京電訊站(Tokyo Teleport)步行3分鐘
Comments