如果想以實惠嘅價錢品嚐美味嘅日本料理，咁喺神田就可以食到好多美味嘅壽司啦、鰻魚飯啦、餃子等等，但又唔會令荷包大失血！神田餐廳靠近秋葉原車站，提供嘅食品種類繁多，而且唔需要離車站好遠就搵到食！
神田嘅日本料理餐廳
神田係聚集價格便宜嘅日本料理嘅熱門地區，而且保持高品質嘅食物水準！沿著車站行，你可以搵到有好多餐館同居酒屋。如果想食壽司，餃子或鰻魚飯嘅話，以下我哋將為你推介三家餐廳。
神田江戸子壽司
令人驚訝嘅係「神田江戸子壽司」竟然喺神田車站附近已經設有幾間分店，每間都可以用平價錢食到優質壽司！喺呢度你可以喺餐單揀多款唔同壽司，亦可揀壽司套餐，咁樣都可以一次過食到好多唔同種類嘅啦！
餐廳資訊
- 名稱：神田江戸子壽司（神田江戸っ子寿司西口店）
- 地址：東京都千代田區内神田03-13-10
- 交通方法：神田站步行1分鐘
餃子之王將
被認為係引領日本嘅連鎖餐廳，「餃子之王將」係餃子愛好者嘅必遊之地！無論係喺餐廳內用餐定係選擇外賣，6隻餃子都只係240円（未稅）。或者從食物種類眾多嘅餐單中揀各種各樣嘅菜餚嚟食都得呀！
餐廳資訊
- 名稱：餃子之王將（餃子の王将）
- 地址：東京都千代田區鍛冶町2-12-10
- 交通方法：神田站步行3分鐘
神田宇奈TOTO
如果你想以較低嘅價錢享受高級菜餚，咁我哋就建議你可以去「宇奈TOTO」。喺呢度你可以品嚐著名嘅500円鰻魚美食。呢個可以講係最平嘅鰻魚飯！而且唔使花大錢就食到本來價錢貴嘅鰻魚飯啦！
餐廳資訊
- 名稱：神田宇奈TOTO (名代 宇奈とと | うな丼 うなぎ)
- 地址：東京都千代田區內神田3-10-2
- 交通方法：神田站步行3分鐘
神田嘅餐廳，喺東京嚟講簡直係難以置信嘅平！
如果想平平地食到好食嘅日本料理，咁好推薦你去神田車站附近嘅「鳥貴族」! 呢間連鎖式餐廳源自大阪，而家已遍布日本各地！
鳥貴族以其驚人嘅性價比而廣受歡迎，餐單上所有食品均為298円！即係前菜、小食、啤酒、高球酒、雞尾酒等都只係298円！以呢個價錢，你甚至可以食唒餐單上所有食品，都唔會破產添！所以可以冒險一下試新食物吖！
唔可以唔提嘅係佢哋提供嘅白菜！以美味嘅醬汁調味，仲可以食完之後免費補充！而呢度係可以用觸控螢幕落單，所以唔使擔心語言障礙！只需要喺屏幕上揀想要嘅嘢食，店員就會迅速送到你面前！
餐廳資訊
- 名稱：鳥貴族 神田北口店
- 地址：東京都千代田區内神田3-18-8
- 交通方法：神田站步行1分鐘
關於神田車站
神田車站於1919年開放，由東日本鐵路公司運營。位於JR山手線嘅熱門車站秋葉原旁，交通非常方便，更可以喺度乘搭JR中央線、JR京濱東北線同東京Metro地鐵銀座線，神田站可以俾你輕鬆去到東京都內好多地方！
景點資訊
- 名稱：神田車站
- 地址：東京千代田區鍛冶町2
- 交通方法：由JR中央線、JR京濱東北線、JR山手線和東京Metro地鐵銀座線均可到達
Comments