日本47都道縣府各地，氣候好唔同，連地方各縣嘅居民氣質、價值觀都隨住居住地區有所差異。排列比較，從風俗習慣到當地特產美食，隨住居住環境而有所不同，好簡單就可以知道係邊度嘅人。了解咗當地風土民情嘅基本常識，就可以令到日本嘅旅途更加順利。縣民性系列嘅文章，同一般嘅觀光介紹唔同，可以俾您真正深入了解當地文化。今次就等我哋嚟介紹一吓千葉縣啦！
兩種嘅縣民性共存
南北狹長嘅千葉縣大致分為北部、南・東部。鄰近東京嘅北部，市鎮開發不斷咁發展，據聞大部分嘅人都比較偏向都會型嘅精打細算。喺東京隔離嘅區域生活嘅人，「身在千葉心在東京」。而南部・東部嘅千葉縣縣民則係喺溫和嘅氣候低下，孕育出開朗大方嘅性格。
一生嘅勁敵係埼玉縣
千葉縣同埼玉縣，無論係咩事都要競爭。有山，係埼玉縣嘅勝利。有海則係千葉縣嘅勝利。呢類型嘅勝負層出不窮，非常有趣。但係，實際上，雙方都享受咁樣無損對方嘅良性競爭，只係單純覺得雙方如果就咁握手和好，就未免太過無聊啦。
柏市係千葉縣嘅澀谷
對於千葉縣同茨城縣嘅縣民嚟講，柏市係佢哋嘅澀谷。嗰度有丸井、高島屋等等購物嘅景點，所以大家都會去柏市。如果行慣咗柏市，就去東京。對佢哋嚟講，嚟柏市可以提前習慣大城市嘅喧囂，作為初登大城市嘅第一步。
送俾重要嘅人嘅紀念品係「花生」
當千葉縣縣民送花生當做紀念品嗰陣，可以話係送咗一份大禮㗎。千葉產嘅花生，就連當地嘅人都認為係相當昂貴嘅伴手禮。千葉縣縣民成日食嘅係海外進口嘅平貨。專程送上千葉產嘅花生做紀念品嗰陣，可以話係自掏腰包落咗重手啊。
引以為傲嘅東京迪士尼樂園®、東京迪士尼海洋®，同埋成田機場
千葉當地最引以為傲嘅就係夢想國度「東京迪士尼度假區®」啦。浦安市嘅成人式每年都喺迪士尼度舉行，都係十分之出名嘅。但係，另一個令佢哋覺得驕傲嘅係，位於千葉縣嘅日本天空嘅玄關—成田機場。佢哋絕對唔會俾羽田機場代表成為日本天空嘅玄關㗎！！
喺日本全國都有好多難以置信嘅當地縣民特性，喺其他縣民眼中係非常識嘅趣事嚟。呢個系列嘅文章將會陸續咁刊登，敬請期待！歡迎如果有任何意見或者係感想嘅話，都可以喺右邊欄位留言俾我哋㗎！仲想知道邊D縣嘅獨特縣民個性，都歡迎留言㗎！
Comments