感受東京熱情一夏！呢個係去東京玩嘅最好時節之一，因為有好多傳統祭典同音樂節都喺呢個時候舉行！無論你想欣賞傳統舞蹈、品嘗美味嘅節慶美食，定係想同一啲你鍾意嘅表演藝人一齊搖滾熱舞，東京嘅夏日都可以滿足到你！
東京夏日祭典
如果你想體驗祭典，夏天係造訪東京嘅最佳時機。有各式各樣祭典活動，包括阿波舞、盆舞、舞蹈節，明燈節，仲有橫跨東京市區嘅遊行大會！
慰靈祭
如果你想欣賞東京最正嘅其中一個燈節，我哋建議你喺7月13日至16日之間去參觀靖國神社，喺嗰度可以睇到超過3萬個燈籠同一個小型嘅巡遊，仲可以品嘗節慶美食！
景點資訊
- 景點名稱：靖國神社慰靈祭
- 景點地址：〒102-8246東京都千代田區九段北3-1-1
- 交通方式：九段下站徒步3分鐘
高圓寺阿波舞大會
嗰啲希望喺晚會上欣賞舞蹈並觀看傳統表演嘅人絕對唔可以錯過高圓寺阿波舞大會！呢個係一個非常大型嘅傳統舞蹈大會，喺一個令人興奮同有趣嘅氣氛中，超過1萬名舞者表演。該活動於每年8月最後一個周末嘅晚上5點至８點於東京高圓寺舉行。
景點資訊
- 景點名稱：高圓寺阿波舞大會
- 景點地址：〒166-0003東京都杉並區高圓寺南4-48
- 交通方式：搭乘JR中央線或JR總武線於高圓寺站下車
神樂坂祭
另一個值得關注嘅祭典係神樂坂祭。每年7月下旬舉行，喺呢個人氣街區有很多好玩好睇嘅活動，同時喺美麗嘅阿波舞表演下，迎接祭典嘅最高潮。
景點資訊
- 景點名稱：神樂坂祭
- 景點地址：〒162-0805東京都新宿區矢來町112
- 交通方式：神樂坂站前開始
搖滾吧！SUMMER SONIC東京場
如果你鍾意音樂，咁就唔可以錯過從2000年開始每年都會舉辦嘅Summer Sonic音樂節喇。雖然較廣為人知嘅係Summer Sonic東京場，但實際上大阪同千葉縣都有舉辦㗎。
Summer Sonic係一個為期兩到三日嘅音樂節，邀請來自世界各地嘅音樂人共同參與演出。表演陣容經常變更，因為音樂節同時於千葉同大阪舉行，樂團喺一個地方表演，然後隔日又要去另一個地方表演。
咁樣就無論喺大阪定千葉參加Summer Sonic，都可以睇到自己鐘意嘅樂隊啦！
強烈推薦你提前買票，因為參與演出嘅樂團非常熱門，門票好快就會售罄！門票價格從16,000円到30,000円不等，實際價格取決於日期，如果你訂白金票嘅話，可以獲得專屬權益。
東京（千葉）嘅會場位於ZOZO海洋球場同幕張展覽館，場地上午9:00開放，演出從上午11:00開始。大阪場位於舞洲SONIC PARK，場地上午10:00開放，演出從上午11:00開始。
景點資訊
- 景點名稱：Summer Sonic東京場位於ZOZO海洋球場和幕張展覽館
- 景點地址：〒261-0023 千葉縣千葉市美濱區中瀨2-1
- 交通方式：海濱幕張站下車徒步8分鐘
東京夏季奧運
喺2020年嘅夏天去遊東京？咁你就絕對唔能夠錯過2020年東京奧運喇！將於2020年7月24日至8月9日於東京同周邊地區舉行。
開幕式門票從12,000円到30萬円不等，一般賽事門票嘅平均價格為每人7,700円。門票將透過日本4萬個店家來銷售，亦可以用郵寄方式訂購。
賽程表已經公布在網路上，最近正值日本夏季熱浪，為咗抗暑，到時可能將比賽時間提前，以防任何參賽選手或觀眾中暑。
東京夏季天氣
日本嘅夏天可以超級超級熱！近來氣溫平均為攝氏35到40度，2018年就破咗幾次高溫紀錄！如果想喺夏天去日本，建議多補充水分，並儘量留喺陰涼處。
東京嘅夏天都係從梅雨季開始，所以如果喺5月下旬或6月初出發，預期降雨量會好多。 7月下旬至9月期間，整個日本（包括東京）進入颱風季，帶來降雨。
有關更多東京旅遊天氣嘅資訊，請睇呢篇文章介紹→請點此。
Comments