押上位於墨田區，於2012年重新開發後，因東京晴空塔及周邊設施嘅建成而成為東京新一代文化景點。就等我哋嚟探索一下押上地區，並利用押上線前往東京周邊地區啦。
東京押上有邊啲嘢睇？
押上位於東京東部嘅中心地帶，同23個區域內外好多名勝相連，更毗鄰高達634米嘅知名地標―東京晴空塔。
晴空塔周邊地區
東京晴空塔自2012年開放以來，讓押上一下子躍上東京嘅每張地圖上。晴空塔下面就係東京晴空街道（solamachi），係一個大型綜合購物中心，為一家大細提供各種家庭活動。
如果你有小朋友(「大朋友」都得XD)嘅話, 可以帶佢哋去Pokemon Center Skytree Town，沉醉喺寵物小精靈嘅世界。另外，亦可到墨田水族館睇下企鵝，或者冬季嗰陣喺綜合設施頂樓嘅特製滑冰場上享受滑冰運動。
關於押上車站
押上車站位於晴空塔東面，連接多條電車路線，將晴空塔與東京都內其他地方接軌。押上作為3條電車路線嘅交會站，仲可以直通成田機場。即使目標唔係去晴空塔，都有可能會經過押上車站!
喺押上車站寄存行李
好似其他東京都內嘅車站，押上車站可以俾旅客甚至當地人將行李寄存喺置物櫃中，然後輕鬆放心喺押上遊玩。
呢度提供多種尺寸嘅置物櫃嚟寄存行李，尺寸最大117cm x 34cm x 57cm都有。最大尺寸置物櫃嘅費用為700円，中等尺寸係500円，最小尺寸係300円。
乘搭押上線周遊東京
從東京都內其他地方前往押上，你可以選擇幾種交通路線。最簡單嘅方法就係從澀谷乘搭地下鐵嘅半藏門線到押上。另一個方法就係乘搭都營淺草線前往，而上車地點包括東京各大主要車站，例如淺草、新橋和日本橋站。
從押上乘搭電車前往東京迪士尼樂園®
雖然無直達車從押上直接到東京迪士尼樂園®，但只需轉乘一次即可以到達嗰個「世上最快樂嘅地方」! 如果從押上站出發，首先乘搭往羽田機場方向嘅淺草線電車，到達寶町站後落車。步行幾分鐘後到八丁堀站乘搭往蘚我方向嘅京葉線，好快就可以展開迪士尼之旅!
唔好忘記係要喺舞濱站落車啊! 因為無「 東京迪士尼樂園®」呢個名字嘅車站，所以小心唔好坐過站。
從押上前往成田機場嘅交通
從押上前往成田機場非常簡單, 只需一條線就可前往世界上最繁忙嘅機場之一! 由京成本線營運嘅成田Sky Access線，可於1小時內到達機場，車票均為1200円! 咁方便，已經夠值得喺押上停留喇掛。
如果乘搭成田機場出發嘅航班, 並從成田機場前往押上入住酒店嘅話(下文亦有酒店介紹)，記得買「Sky Access Ticket」車票，乘搭標示為「AH」, 「AN」或「AM」嘅列車，表示會喺押上停站。記得請唔好乘搭標示「U」嘅列車, 嗰啲列車唔會喺押上停站。
你可以使用Suica卡或Pasmo卡乘搭電車, 呢類IC卡都可以喺成田機場車站嘅某指定地方買得到。
入住押上嘅酒店
入住押上嘅飯店對你喺東京嘅旅程有好多好處! 押上位於東京都內東面，遠離新宿和澀谷嘅喧囂，又鄰近隅田川、迷人嘅淺草區。
京押上普瑞米爾里士滿酒店(Richmond Hotel Premier Tokyo Oshiage)嘅美麗景觀
我哋推薦東京押上普瑞米爾里士滿酒店，可以睇到晴空塔同隅田川嘅迷人景色。從押上車站經過墨田區寧靜嘅街道，只需步行2分鐘即可到達酒店。
酒店嘅每間客房都設有液晶電視、免費Wi-Fi。呢度仲可以欣賞得到周圍地區嘅絕佳景色，俾你一個難忘嘅東京旅遊體驗。
酒店24小時營業，CHECK-IN時間從下午2點開始，同需要喺朝早11點以前CHECK-OUT。
酒店資訊
- 名稱: 東京押上普瑞米爾里士滿酒店 (Richmond Hotel Premier Tokyo Oshiage)
- 地址: 東京都墨田區押上1-10-3
- 交通方法: 押上站B3出口步行1分鐘
Comments