懷舊建築之旅「江戶東京建築園」

江戶東京露天建築博物館，亦被稱為江戶東京建築園，帶你回到過去，感受東京地區嘅各種歷史建築。「江戶東京建築園」保存咗東京都內30棟具有歷史文化價值嘅建築物，因都市重建翻新，將建築從原有地移建喺呢度，保存並展示。

關於江戶東京建築園

江戶東京建築園由好多嘅歷史建築組成，因都市更新，呢啲建築從原有地移建於小金井公園西側現址，每個人都可以喺建築物內外近距離參觀。

建築園區分為三個唔同嘅區域，西區、中區同東區。可以睇到江戶時代到昭和時期嘅古民家、商店、澡堂建築，以及高級別墅等樣貌！

東區係江戶東京建築園嘅參觀焦點之一，建築場景成為咗宮崎駿動畫電影《千與千尋》嘅靈感來源。如果想體驗吉卜力式嘅冒險，一定要參觀位於建築園內東區下町中通嘅澡堂建築。

江戶東京建築園嘅年度特別活動之一「東京大茶會」，於每年10月中旬舉行。

喺呢個活動中，將有來自日本同世界各地嘅茶道愛好者，討論茶文化同日本傳統文化。參與活動嘅客人可以喺充滿懷舊氣氛嘅建築中享用抹茶。

仲有茶道研討會，以英語進行，係一個深入了解茶文化嘅絕佳機會，而且唔洗擔心任何語言障礙！

江戶東京建築園雖然位於東京西邊，但交通方便。從新宿站乘搭JR中央線快速(高尾行)，約30分鐘就可以到達武藏小金井站。

於武藏小金井站北口巴士處，有兩班巴士可以帶你去博物館。分別為乘搭2號、3號乘車處嘅西武巴士，於「小金井公園西口」落車。亦可以乘搭4號乘車處嘅關東巴士，於「江戶東京建物園前」落車。

江戶東京建築園嘅開放時間依季節而定。4月到9月嘅開放時間為上午9:30至下午5:30；10月至3月開放時間為上午9:30至下午4:30。最後入園時間為閉園前30分鐘，因此請務必儘早前往。

星期一為休園日，如果咁啱係紅日則順延至隔日作休息。另外年末年初都作休息。

入園門票成人400円，65歲及以上嘅老年人只需200円即可入場。大學生門票320円，東京地區以外嘅中學生為200円。東京嘅小學生、初中生及兒童可以免費入園。