東京葛西臨海公園嘅介紹

想稍微離開一下大都會嘅話，一於前往位於東京灣隔離嘅葛西臨海公園，享受大自然，欣賞美麗嘅日落景色啦！喺葛西臨海公園，仲可以搵到一個野生鳥類保護區，一個水族館同一個巨大嘅摩天輪，咁就唔洗愁無嘢可以做啦！

關於葛西臨海公園

葛西臨海公園喺1989年向公眾開放，曾經係東京最大嘅公園，坐落於東京灣。當時建於海灣開墾嘅土地上其實係為咗幫助保護該地區嘅自然生態。

喺葛西臨海公園有好多地方同活動都值得一去，而且可以稍微逃離一下水泥叢林嘅東京。呢度有好多行人步道沿途可以欣賞風景，而櫻花季節尤其美麗。

園內仲設有一個水族館，展示來自世界各地嘅海洋世界中嘅魚類同鳥類。亦有摩天輪可以欣賞東京嘅美景。呢座摩天輪係日本第二高嘅摩天輪，夜晚閃耀著美麗嘅燈光同色彩！

呢間水族館亦被稱為葛西臨海水族園，位於葛西臨海公園內。喺呢度你可以了解更多關於來自世界各地嘅海洋生物，並可以近距離觀察鯊魚，企鵝同熱帶魚。

葛西臨海水族園每日上午9點半至下午5點開放，門票販賣同入場時間截止至下午4點。星期三休園，如果星期三為紅日，則將於星期四休園。而12月29日至1月1日亦作休息。

入場費方面, 16至64歲成人係700円，65歲以上為350円，13至15歲學生250円，而12歲以下兒童可以免費入場。10月10日葛西臨海水族園紀念日， 5月4日植樹日，10月1日東京市民節都可以免費進入水族館。

葛西臨海公園夜間馬拉松係一場半程馬拉松，通常喺星期六晚上舉行。起點從公園開始，通常有大約1,000名參與者。喺比賽期間，可以觀看鄰近嘅東京迪士尼樂園®嘅璀璨燈光以及煙火！

馬拉松比賽通常喺7月左右舉辦，而報名期間為同年嘅2月至5月。比賽係由Sportswiz執行委員會Sportswiz Executive Committee運營，可以喺線上註冊有興趣嘅話請喺官方網頁check下有關下一晚嘅馬拉松啦！

好似東京嘅其他主要公園一樣咁，喺葛西臨海公園都可以睇到好多美麗嘅櫻花。春季期間，可以喺公園內搵到各式各樣嘅櫻花，仲可以同時享受海邊吹來涼爽嘅微風！

葛西臨海公園車站於1988年因JR東日本線開通，連接東京都同千葉縣。因葛西臨海公園非常靠近車站，所以無論任何時候前往都非常方便。但要注意嘅係，凈係得各站停駛嘅列車先至會停經呢個站。