六本木有兩個主要嘅綜合購物中心:「六本木新城」同「東京中城」。呢度有商店、餐廳同美術館，你可以喺呢度盡情享受購物同娛樂嘅樂趣。此外，沿著街道上各種高級品牌商店林立，簡直行一日都唔會悶！
品味店家成就六本木新城
六本木新城係一個購物中心，當中有辦公室，住宅房屋，200幾間商店、餐廳、美術館，仲有觀望台、酒店、戲院等等。這裡嘅時尚和生活雜貨嘅商店和餐館都非常有品味。雖然位於市中心, 但係附近有一個公園，提供一個充滿綠意環境嘅舒適空間。另外, 強力推薦到六本木新城頂層嘅觀景展望台去欣賞東京城市風景。
景點資訊
- 名稱：六本木新城
- 地址：東京都港區六本木6-10-1
- 交通方法：東京地下鐵日比谷線或都營大江戶線六本木站地下通路直達
- 營業時間：11:00~21:00 (餐廳11:00~23:00)
喺東京中城享受購物嘅樂趣, 同時都可以欣賞藝術
東京中城於2007年開幕，係一個擁有130間商店、酒店、辦公室、住宅、醫院同公園嘅綜合設施。購物中心當中包括各種商店同餐廳。由於該設施附近設有公園同寬闊嘅綠地，建議可以嚟呢度輕鬆散步。綠色地帶嘅公共空間喺假日舉辦各種充滿活力、有趣嘅活動。而且呢度都有有幾間畫廊，係一個可以欣賞藝術嘅好地方。
景點資訊
- 名稱：東京中城
- 地址：東京都港區赤坂9-7-1
- 交通方法：東京地鐵日比谷線或都營大江戶線嘅六本木站地下通路直接通往
- 營業時間：11:00~21:00 (餐廳11:00~24:00)
同時推薦：高級品牌商店
通往六本木新城嘅櫸樹坂街（けやき坂通り）有好多高級品牌商店林立，如Louis Vuitton、Tiffany、Burberry同Ferragamo。道路隔離都係優雅嘅樹木同花壇映襯嘅人行步道，冬季嘅燈飾格外美麗，非常值得一遊。此外，東京中城有Paul Smith六本木旗艦店，亦都係日本最大嘅店鋪，內有全系列嘅男士同女士用品。商店嘅內部裝潢令人留下深刻印象，要特別注意嘅係裝飾喺牆上嘅畫作, 海報同明信片等等藝術品。
景點資訊
- 名稱：保羅·史密斯(Paul Smith)六本木旗艦店
- 地址：東京都港區六本木7-8-6
- 交通方法：東京地鐵日比谷線或都營大江戶線嘅六本木站步行2分鐘
- 營業時間：11:00-20:00
Comments