東京最著名相撲嘅地方就係：兩國。如果要去遊兩國嘅話，咁就絕對唔可以錯過「相撲火鍋」(Chanko Nabe)喇。呢個係一個日本相撲選手每日都食嘅著名火鍋美食。我哋將會介紹一啲適合遊客去嘅兩國餐廳，下次去日本旅遊時請一定要去試吓喇。
可以俾你大吃一頓嘅兩國餐廳
如果遊覽兩國國技館時肚餓，可以去2樓一間名叫「雷電」(Raiden)嘅餐廳。裡面有兩國特有嘅菜式，例如烤雞丼飯套餐同相撲火鍋套餐。除咗呢啲特色食品外，仲有蕎麥麵同烏冬等麵類食。另外，天婦羅同親子丼飯都有。不過因為呢間係兩國國技館內唯一嘅餐廳，午餐時段需要排隊輪候。建議避開用餐時段去呀!
餐廳資訊
- 名稱: Raiden (雷電)
- 地址: 東京都墨田區橫網1-3-28 兩國國技館2樓
- 交通方式: JR總武線兩國站西口步行2分鐘；都營大江戶線兩國站A3出口步行5分鐘
到兩國必食嘅相撲火鍋(chanko nabe)
相撲火鍋被稱為係相撲選手嘅餐食。呢個熱辣辣嘅火鍋入面有豐富食材，例如肉類、魚類同蔬菜。喺兩國有很多相撲火鍋嘅店，每一間都有自己獨特嘅湯底。品嘗唔同店嘅獨特風味，對味蕾都係一種享受呀。
而家就嚟去為大家介紹一下由日本著名前相撲選手開嘅餐廳，叫做「Chanko 霧島」(ちゃんこ霧島)。呢間餐廳嘅特色係結合咗豬骨同雞湯嘅清湯。從4000円（未稅）起，你可以食到一個豐富美味嘅相撲火鍋套餐。有興趣嚟試吓專門俾相撲選手食嘅午餐嗎？
餐廳資訊
- 名稱: Chanko霧島兩國本店 (ちゃんこ霧島兩國本店）
- 地址: 東京都墨田區兩國2-13-7
- 交通方式: JR總武線兩國站西口步行1分鐘；都營大江戶線兩國站步行6分鐘
車站附近有不能錯過嘅居酒屋!
「花之舞 兩國–相撲餐廳」好近兩國站，係一個頗受歡迎嘅日式居酒屋。裡面有好多價格實惠嘅美食，例如相撲火鍋同壽司。呢間店提供500個座位，好適合人數多嘅團體。唔可以唔提嘅係，呢度有一個「土俵」（即相撲比實時嘅圓形擂台），有好多外國遊客專程嚟朝聖㗎。
餐廳資訊
- 名稱: 兩國八百八町 花之舞 江戶東京博物館前店 (兩國八百八町 花の舞）
- 地址: 東京都墨田區亀澤1-1-15
- 交通方式: JR總武線兩國站東口步行5分鐘；都營大江戶線兩國站A5出口步行2分鐘
Comments