前往銀座朝聖高級時裝精品店嘅人潮簡直係絡繹不絕，但你又知唔知道，銀座對於當地人嚟講係一個美食天堂呢？隱藏喺奢華魅力嘅背後，可以發現一哋美味嘅料理，剌激味覺。就等小編為大家介紹銀座10間精選餐廳啦。
東京銀座美食
季樂 銀座店
「季樂」位於銀座中央地區嘅Royal Crystal Ginza嘅5樓，供應精選嘅佐賀牛同海鮮，將南日本九州嘅美味送到身在東京嘅你嘅餐盤中。呢間餐廳以提供濃厚嘅佐賀傳統文化而自豪。
從「季樂」嘅菜單價位反映出頂級和牛喺東京並不便宜，但係將咁正嘅牛肉烹煮得非常完美，真係令人想一試再試。「季樂」嘅為午餐時段為11:30至15:00，晚餐時段為17:00至23:00。
餐廳資訊
- 名稱：季樂 銀座店
- 地址：東京都中央區銀座5-10-6 Royal Crystal Ginza 5F
- 交通方法：銀座站B5出口步行1分鐘
牛庵
呢度係一間神戶牛嘅專門店，你可能會覺得「牛庵」會好似呢篇文章所列嘅其他銀座餐廳一樣昂貴，但其實唔會啊! 午餐時段，享用一盤只需1000円嘅神戶牛！
喺呢個昂貴嘅地區卻可以以合理價格享用美食。但晚餐價位比較高，想喺東京食美味嘅神戶牛，大概都可以想像到價位啦。
午餐時間為11:30至14:15，晚餐時間為17:30至22:00。
餐廳資訊
- 名稱：牛庵(Gyuan)
- 地址：東京都中央區銀座6-13-6
- 交通方法：銀座站A3出口步行4分鐘，東銀座站A1出口步行2分鐘。
Fukutei
穿過銀座 - 有樂町嘅高架軌道下方後，可以發現好多隱藏嘅銀座美食。當中最引人注目嘅係間名為Fukutei嘅咖哩小店，營業時間為11:00至23:00。
好多白領族都經常光顧Fukutei, 為嘅就係快速、便宜又美味嘅咖哩，因為只要400円! 另外只需250円即可加牛肉，係小編喺東京品嚐過最好味嘅牛肉咖哩! 銀座嘅日本咖哩從來無咁好食咁便宜！！
餐廳資訊嘅
- 名稱：Fukutei (ふくてい 有楽町本店)
- 地址：東京都千代田區丸之內3-6-7
- 交通方法：JR有樂町站步行2分鐘
令人愉悅嘅銀座素食餐廳
bills銀座店
Bills銀座店位於銀座大倉本館(Okura House)嘅12樓，係一間澳洲風格嘅PANCAKE店。Bills來自澳洲，擁有「世界第一早餐」美譽。Bills銀座店供應著名嘅瑞可達芝士PANCAKE,仲有其他配合銀座形象嘅高級美食。
每日朝早8:30開業供應早餐，晚上22:30關門。餐廳以一個可愛溫馨嘅氛圍，提供素食料理以及和牛餐膳同雞尾酒。
餐廳資訊
- 名稱：bills銀座店
- 地址：東京都中央區銀座2-6-12大倉本館(Okura House) 12F
- 交通方法：JR有樂町站中央出口步行5分鐘
銀座嘅印度餐廳
如果喺銀座想尋找印度咖哩，咁Annam印度料理銀座店就係你嘅理想選擇。以實惠嘅價格，就可以食到一餐正宗嘅印度咖哩，雖然喺日本，卻感覺身在印度，一於嚟品嚐正宗嘅印度料理！
Annam印度料理銀座店嘅菜單提供清真飲食者、素食者同蔬菜主義者好多美食選擇，使其榮登銀座著名素食餐廳之一，並享有美味佳名！
餐廳資訊
- 名稱：Annam印度料理銀座店
- 地址：東京都中央區銀座8-10-8 B1F
- 交通方法：新橋站A3出口步行5分鐘
NATARAJ
NATARAJ提供各種喺東京其他地方好難搵到嘅純素料理。店家有幾種純素食嘅菜餚，以及著名嘅素食大蒜南餅，令好多顧客回味無窮！
餐廳資訊
- 名稱：NATARAJ 銀座店
- 地址：東京都中央區銀座6-9-4 銀座小坂大廈7~9F
- 交通方法：銀座站A2出口步行5分鐘
喺銀座站附近快閃一遊
支那麵橋悟 銀座本店
支那麵橋悟 銀座本店位於銀座中央嘅Daiwa大樓後方嘅巷弄，專賣帶啲辣味嘅擔擔麵。呢間銀座拉麵店每日11:00開始 營業, 平日營業到凌晨5:00，週末同紅日嘅話營業至晚上9:00。
如果喺銀座行到好夜, 可以嚟支那麺橋悟 銀座本店放鬆一下。但要注意，即使係凌晨5點，店內依然有可能會人潮滿滿，所以餐點會需要等候一陣。
餐廳資訊
- 名稱：支那麵橋悟 銀座本店
- 地址：東京都中央區銀座6-3-5
- 交通方法：日比谷線銀座站步行2分鐘
數寄屋橋次郎
數寄屋橋次郎係東京眾多米其林三星餐廳之一，亦都係世界上少數獲得呢項榮譽嘅壽司店之一。據聞主廚小野二郎係自己同齡人之中其中一位最出色嘅壽司師傅，而且亦都係2011年嘅紀錄片“壽司之神”嘅主角。
雖然壽司套餐大約30,000円都唔便宜，但卻贏得咗巴拉克·奧巴馬（Barack Obama）同安倍晉三（Shinzo Abe）等頂級官員嘅讚譽。
如果想喺東京銀座尋找世界知名嘅餐廳，咁呢度就係你理想嘅選擇! 但唔好忘記要事先訂位，因為數寄屋橋次郎得10個座位，而且經常滿座。餐廳嘅午餐時段為11:30至14:00，晚餐時段為17:30至20:30。
餐廳資訊
- 名稱：數寄屋橋次郎 銀座店
- 地址：東京都中央區銀座4-2-15塚本總業大樓B1
- 交通方法：銀座站C6出口步行1分鐘
Comments