喺日本，糰子、羊羹、叮噹餅等等各式各樣種類嘅和菓子，係日常生活入面喺身邊附近嘅甜品，廣受眾人嘅喜愛。依加嘅和菓子係受到中國大陸傳嚟嘅「唐菓子」、葡萄牙等傳嚟嘅「南蠻菓子」，同埋隨著文明開化受到「西洋菓子」嘅影響至今。另外，五平餅（長野縣同埋岐阜縣等等嘅中部地區）、枝豆麻糬（宮城縣）、米粉糕（愛知縣）呢D當地嘅和菓子係有好多咖。
遣唐使將「唐菓子」傳到去日本
喺日本古代，使用穀物做成嘅「麻糬」、「糰子」，但係喺7～9世紀隨住遣唐使從中國大陸返回日本之後，帶返嚟好多唐朝嘅點心。麵粉同埋米粉等等嘅穀物加入甜嘅調味品成形之後，用油炸嘅甜品，大多數係用喺祭拜神明用嘅食品。從此之後，茶都傳咗去日本，喺茶會上面稱為「點心」嘅輕食變得廣泛傳開。據聞其中包含好似係煎餅、栗粉餅、羊羹咁樣嘅點心㖭啊。
從長崎傳入蜂蜜蛋糕等等嘅南蠻菓子
到咗19世紀開始傳入蜂蜜蛋糕、餅乾、小饅頭、金平糖呢D南蠻菓子，日本以此做咗改編、進化。江戶時代開始，誕生咗京都嘅「京菓子」、江戶嘅「上菓子」。雖然京菓子同上菓子都係宮中或者係貴族等等上流階層食嘅食物，但係後來都慢慢咁滲透到去平民百姓之間。另外，3月3日女兒節同埋5月5日端午節等等節日，武士同宮中之間舉辦嘅活動都滲透到去民間，節日期間品嚐粽或者係年糕、饅頭等等習俗都開始廣為人知。據聞而家嘅和菓子大多數係誕生喺江戶時代。
明治時代傳嚟嘅洋菓子同和菓子都受到影響
到咗明治時代，傳入咗海綿蛋糕、餅乾之類嘅西洋菓子，據聞呢D都對和菓子有好大嘅影響。特別係西洋菓子使用嘅焗爐，從此誕生咗栗子饅頭等等烤嘅和菓子。依加，喺日本，兩大主流嘅係奶油蛋糕、蒙布朗、芝士蛋糕、泡芙等等由歐洲傳入嘅「洋菓子」，同埋糰子、羊羹、饅頭等等喺日本誕生嘅「和菓子」，分成呢兩種區別㗎。
Comments