今次為大家介紹嘅係位於東京都江東區嘅熱門旅遊勝地「豊洲」。自從2018年築地市場結束營業，東京都中央批發市場遷至豊洲，呢個地方就備受關注。因地區再開發嘅快速發展過程中，除咗豊洲市場之外，亦陸續誕生出一系列話題新景點。今次，小編整理好豊洲地區嘅旅遊景點等精選推介，以下落嚟將會為你逐一介紹！
豐洲市場：猶如「日本的廚房」！可以觀賞海鮮拍賣兼品嚐市場美食
自1935年到2018年為止，長達83年嘅築地市場結束營業（※築地市場場外市場目前仍繼續營業），而豐洲市場則成為新嘅東京都中央批發市場，位於被分為8個街區嘅豐洲碼頭。當中主要區域為5街區嘅蔬果銷售區「青果棟」，6街區嘅海產中介買賣場「水産仲卸賣場棟」，7街區嘅海產銷售區和管理區「水産卸棟/管理施設」等3個街區。
豐洲市場主要提供業界人士和飲食專業人士進行交易嘅地方，但亦有指定區域開放畀一般遊客入場，遊客可以喺指定區域進行參觀、購物，以及用餐。
然而，豐洲市場都主要都係海產市場嘅營運，所以一般只會喺市場營業日以及各店舖嘅營業時間內允許內進。另外，多間店舖從清晨開始營業，到下午就結束，因此前往市場時，早上時段係最佳之選。休市日方面，基本上星期日、節日等公眾假日係休市日，星期三亦經常休市。仲會出現年末年始（日本新年假期）、暑假以及僅青果部門休市日等唔同情況嘅休市日出現，詳情請查詢東京都中央批發市場嘅官方網站。
※市場開放日、休業日年曆：https://www.shijou.metro.tokyo.lg.jp/calendar/
美食：豐洲市場「5街區、6街區、7街區」之餐飲店
多間美食餐廳盡在5街區、6街區、7街區，可以大嘆各種日本美食！
- 5街區嘅青果棟1樓，有4間店，例如壽司店、天婦羅店、蕎麥麵店。
- 6街區嘅水產仲卸賣場棟則為飲食店最多嘅區域，有22間店舖。美食區位於3樓，提供和食、海鮮丼、壽司等以新鮮市場食材為特色嘅美食，仲有咖喱、中式料理、豬扒、咖啡等任君挑選。
- 7街區嘅水產卸賣場棟3樓嘅美食區，有13間店舖，提供壽司、和食、天婦羅、中式料理、薄餅等美食。
呢三個區域合共有39間飲食店，可以滿足您喺參觀市場時嘅食慾。
購物：豐洲市場嘅「魚河岸橫丁」
水產仲卸賣場棟四樓叫做「魚河岸橫丁」，有67間專業商店，一般顧客亦可在此購物。呢度有賣刀具、豐洲「T恤」、餐具等商品之外，仲有海鮮和蔬果，茶和玉子燒等美味食材，多款豐洲特有商品和食材都可以喺度搵得到，令人感到花多眼亂啊。
營業時間因店舖而異，部分店舖會於下午1點左右結束營業時間，所以如果想去朝聖嘅話，最好喺中午之前抵達。不過，早市主要供業界專業人士進行交易，建議上午8點後再前往。
參觀：吞拿魚拍賣場
豐洲市場一般顧客可以進入嘅區域包括5街區、6街區、7街區和屋頂嘅綠化廣場。除咗吞拿魚拍賣場嘅參觀者平台需要提前預約之外，其他地方都可以隨時參觀，無需預約。參觀者通道開放時間為早上5點至下午5點，但由於中午12點半左右基本上拍賣交易經已結束，因此建議最好喺上午時段前往參觀。只要掃描展示平板上嘅QR碼，便可閱讀英文、繁體中文、簡體中文、越南文、泰文、印度尼西亞文等15種語言嘅說明。
喺提供蔬菜和水果等生鮮食材嘅5街區青果棟，可以從2樓參觀平台「見學Deck」（參觀平台）窗戶上，望去1樓仲卸賣場可以睇到進行蔬果拍賣嘅情景。
喺為海鮮店和壽司店等店舖提供水產嘅6街區水產仲卸賣場棟，亦可以從較高位置觀看市場內部情景。通道上展示一種稱為「Taré」，即喺市場內作運送貨物之用嘅小型運輸車，參觀者可以坐喺該運輸車座位上影相留念。
7街區嘅水產卸賣場棟係觀賞吞拿魚拍賣嘅地方，當中，有兩個地方可以觀賞拍賣情況。一個係參觀者導覽路線「見學者Course」（參觀者路線），從2樓參觀者用通道上俯瞰吞拿魚拍賣情景，另一個可以更近距離觀賞嘅地方係參觀者平台「見學者Deck」（參觀者平台），但需要事先申請和抽籤。早上5點半至6點半時段仲可以聽到從拍賣場傳出嘅聲，感受濃厚嘅現場氣氛。
景點資訊
- 名稱：豐洲市場
- 地址：東京都江東區豐洲六丁目
- 交通：從新交通百合海鷗號（Yurikamome線）市場前站步行約8分鐘。
- 營業時間：05:00-17:00（開放時間）
都市船塢LaLaport TOYOSU：除了購物、仲可以一家大細玩足全日嘅大型商業施設！
「都市船塢LaLaport TOYOSU」係位於東京灣沿岸，直通豐洲站嘅大型商業設施。從東京站乘搭地下鐵約15分鐘，從銀座一丁目站乘搭地下鐵約6分鐘即可抵達，建築物分為「LaLaport TOYOSU 1～3」嘅三個區域，並有通道相互連接。
呢三個區域嘅1樓到3樓集結約210間店舖和餐廳。商店包括進口品牌、人氣精選店、雜貨、運動戶外用品、室內裝飾品等多個類別，可以盡情享受多元化嘅購物體驗。餐廳方面，有拉麵、日本料理、西式料理、意大利料理、咖啡店等各式各樣嘅選擇，令人眼花繚亂。
如果你選擇困難症發作嘅話，都唔緊要！只要記餐廳聚集地方，就一定可以搵到間啱心水嘅美食餐廳。餐廳多數集中喺「LaLaport TOYOSU 3」嘅一樓、「LaLaport TOYOSU 1」嘅三樓、以及位於「LaLaport TOYOSU 1」嘅一樓美食廣場「Marina Kitchen」（マリーナキッチン）呢三個區域。
享用美食過後，你可以去位於海濱嘅「海濱甲板」（シーサイドデッキ），呢度經常於週末舉辦現場音樂活動。你可以睇到令人聯想到舊時造船廠嘅場景嘅大型起重機配上海景以及對岸高樓大廈遠景。尤其喺夜晚，大型起重機和高樓大廈嘅燈光映照下，營造出浪漫嘅夜晚氣氛。另外，海濱甲板設有水上巴士上船位，可以搭去淺草嘅遊覽船遊覽東京灣喔。
「LaLaport TOYOSU」唔單止係一個購物中心，亦設有其他多樣化嘅設施，特別推薦親子遊客去位於「LaLaport TOYOSU 1」三樓嘅兒童職業體驗設施「KidZania」，可以讓子女使用真實設備和道具體驗警察、消防員、麵包師傅、飛行員等約100種職業。
另外，可以使用工作體驗後所獲得嘅專用貨幣，進行購物和娛樂等體驗。例如，體驗者可以喺雪糕店試食自己製作嘅雪糕，相當有趣。但要注意，該設施嘅參與年齡為3至15歲。設施採取預約制，體驗費用可於分為第一部分（9:00〜15:00）和第二部分（16:00〜21:00）兩個時段之中選其一。每個月嘅1號就開放未來3個月入場嘅預約，可於網上預約。
小學生以下嘅幼童必須至少一位家長陪同，但已就讀小學嘅孩童可獨自留在現場，所有家長可暫時離場。咁樣喺小朋友進行職業體驗時，家長們就可以喺購物中心內享受購物樂趣啦。
景點資訊
- 名稱：都市船塢LaLaport TOYOSU
- 地址：東京都江東區豐洲2-4-9
- 交通：新交通百合海鷗號（Yurikamome線）豐洲站落車直達
- 營業時間：
- 商品和服務：10:00~21:00
- 美食廣場和餐廳：11:00~最遲23:00
WILD MAGIC -The Rainbow Farm-：城市中感受大自然露營氛圍的BBQ設施
「WILD MAGIC -The Rainbow Farm-」位於可以俯瞰東京灣與豊洲高樓大廈嘅地點，場地被分為七個不同主題嘅區域，可以享受奢華露營和BBQ嘅樂趣。BBQ（燒烤）方案價格從每人5,800日圓起，每個區域方案選擇皆有所不同。最大特色係無需攜帶任何用品即可直接BBQ！
以5,800日圓方案為例，當中食材包括西冷牛扒和烤豬肉各100g、雞腿肉120g、五款蔬菜各切成1/4份量嘅組合拼盤、仲有棉花糖等食材，放入雪藏盒，直接送到你座位上。
園內分佈六個不同主題嘅帳篷區域，以及一個團體租借嘅BBQ派對區域。「VILLAGE AREA」係一個擁有各種形狀嘅帳篷和帶拖車嘅私人營地區域，並提供食材和無限暢飲嘅套餐方案，可以享受燒嘢食同含酒精或無酒精飲料。價格從每人9,100日圓起。
「FIRE PIT AREA」係一個於區域中央設有FIRE PIT（篝火台）嘅區域。可以欣賞火焰燃燒嘅同時，享受露營式燒烤。價格包含食材和任飲嘅套餐方案，每人9,100日圓起。而「FAMILY AREA」係一個各營地皆有配置吊床嘅區域，適合親子或朋友間同樂。
「SEA SIDE AREA」面向大海，設有木甲板和大帳篷，係一個適合多人數BBQ嘅區域。「BEACH&LAGOON AREA」則以白色沙灘和水池打造成南國海灘氛圍，可以享受到仿如身處都市以外嘅獨特體驗。
「GATHERING AREA」係一個2人起即可輕鬆享受BBQ嘅區域，同時亦提供包場出租服務，適合作私人派對使用。「PARTY AREA」則係一個可以容納100人以上，更可作帳篷婚禮使用嘅區域 。
喺「WILD MAGIC -The Rainbow Farm-」享受嘅奢華露營BBQ體驗，日頭可以於陽光下感受海風，享受時尚嘅戶外生活；夜晚則可沉醉於城市建築嘅夜景和帳篷中透漏嘅夢幻光線，感受一個非日常嘅獨特氛圍。
景點資訊
- 名稱：WILD MAGIC -The Rainbow Farm-
- 地址：東京都江東區豊洲6-1-23
- 交通：
- 新交通百合海鷗號（Yurikamome線）新豐洲站步行約1分鐘
- 從東京Metro豐洲站步行約10分鐘
- 營業時間：10:00~22:00
- VILLAGE AREA、FAMILY AREA、SEA SIDE AREA、GATHERING AREA：11:00～15:00、18:00～22:00
- FIRE PIT AREA、BEACH&LAGOON AREA：10:00～14:00、17:00～21:00
千客萬來設施（暫稱）：預計於2024年開幕的新景點
2024年2月1日，預計於豐洲市場嘅場外區開幕嘅「千客萬來設施（暫稱）」，將會係一個結合商業設施「豐洲場外江戶前市場（暫稱）」和溫浴設施「東京豐洲萬葉俱樂部（暫稱）」兩大魅力滿載嘅設施。
「豐洲場外江戶前市場（暫稱）」將於重現江戶時代古老街景嘅木造露天商場中開設多間使用新鮮食材製作美食嘅餐廳、商店等。
「東京豐洲萬葉俱樂部（暫稱）」採用來自箱根湯河原嘅溫泉水，以專用運送車運到溫泉浴場。該設施除咗有露天溫泉之外，仲有岩盤浴、美容護理、按摩、最新型躺椅等，等大家可以舒適地嘆足成日溫泉。另外，屋頂將設置可以俯瞰豐洲景色嘅展望足湯庭園，可以邊浸足湯邊賞美景，相當寫意。
景點資訊
- 名稱：千客萬來設施（臨時名稱）
- 地址：東京都江東區豐洲6-101-1
- 交通：從市場前站步行約8分鐘
Comments