一日24個鐘入面，扣除咗睡眠嘅7個鐘、返工嘅8個鐘，仲剩底9 個鐘嘅休閒時間，大家都喺度做緊D咩呢？世界上最公平嘅就係時間啦，無論身份背景，每個人都擁有24個鐘，扣除咗返工瞓覺，如果呢9個鐘，可以拎嚟做自己鐘意嘅嘢，放工之後嘅第二個人生都可以好精彩！
現代人愈嚟愈有運動嘅習慣，特別係自己鐘意嘅運動項目，將時間運用喺運動上面，唔單止有益身心，仲可以結交到志同道合嘅朋友，例如係國標舞嘅學習，喺媒體同藝人嘅加持下，對於國標舞有興趣嘅人愈嚟愈多，同朋友仔一齊練舞，都成為日常生活中好重要嘅一部分，或者係參加馬拉松比賽，都係喺近年先愈嚟愈熱門，大大細細嘅比賽層出不窮，甚至馬拉松愛好著都搶住報名參加海外嘅比賽，唔單止係一個好好嘅體驗，仲可以同隊友一齊出國旅遊㖭啊。
2021年嘅World Masters Games關西，運動舞蹈、帆船、風帆衝浪、排球、射擊（來福）、田徑（長距離接力賽）同田徑（半程馬拉松）嘅比賽地點喺和歌山縣，除咗加緊腳步練習之外，都嚟睇一吓和歌山縣有D咩玩啦！
唔可以唔去嘅世界遺產高野山
喺關西國際機場直接出發前往高野山嘅交通時間，大概需要2個半鐘，抵達高野山之後，可以利用巴士參觀山上幾個重要嘅景點。西元816年，弘法大師創立咗佛教宗派真言宗，仲喺呢度修行建立咗金剛峯寺，係重要嘅佛教聖地，亦都係高野山上最重要嘅觀光景點。除此之外，「奧之院參道」長約2公里左右，通往弘法大師最後長眠嘅靈廟，沿途上會經過重要人物嘅墓碑同紀念塔，彷彿係一條日本歷史嘅小徑，都係賞楓葉嘅一條好推薦嘅路線，「壇上伽藍」係高野山嘅核心，朱紅色嘅「根本大塔」都令人為之驚艷。行一趟高野山，可以話係淨化心靈嘅一趟最佳旅程。
三大古湯之一：白濱溫泉！夏威夷威基基沙灘嘅姐妹沙灘：白良濱
白濱溫泉嘅6大外湯都係遠近馳名，其中擁有1350年歷史嘅「崎之湯」，一望無際嘅太平洋就喺您眼前，享受露天溫泉嘅同時，海浪拍打喺岩石上嘅聲音變成最佳嘅配樂。海天一色嘅美景一定可以令您永生難忘。「牟婁之湯」，係呢6大外湯入面具代表性嘅溫泉之一，可以一次享受二種唔同嘅溫泉：礦湯、行幸湯。歷史記載古代嘅天智、持統、文武天皇都曾經嚟呢度享受溫泉之樂㖭啊！除咗外湯之外，呢度仲有好多足湯可以令您喺旅途嗰陣一解疲勞啦！
關西數一數二嘅沙灘之一就係白良濱沙灘啦，雪白嘅沙灘喺夏天可以話係首選，嚟到呢度都唔好錯過喺附近嘅自然美景「三段壁」同「千疉敷」。高約50m嘅岩壁斷崖，海水拍打出巨大嘅浪花，神奇嘅係海水侵蝕出嚟嘅洞穴，而且仲可以行入去參觀㗎。砂岩地形被海水長年侵蝕出一層層嘅榻榻米「千疉敷」，都係值得前往嘅大自然奇觀咯！
電視上先至睇得到嘅吞拿魚解體show，就喺「黑潮市場」
鐘意海鮮嘅朋友仔，黑潮市場絕對係美食家們最佳嘅選擇，唔單止有好多新鮮漁獲可以品嚐，連做手信嘅乾貨都應有盡有啊，一日三場嘅吞拿魚解體show，更加係令人大嘆神奇，新鮮嘅吞拿魚解體咗之後，美食家們就可以選購享用啦，仲有一個戶外燒烤區，可以帶食材嚟直接燒嚟食都得，唔好唔記得仲有和歌山特產柑橘，寶梅都係必買清單嚟㗎。望住海景吹住海風，品嚐住美味壽司、海鮮，配上梅酒，返工嗰陣嘅辛勞咪就係為咗呢一刻嘅享受！
認真工作亦全力咁生活
培養自己嘅運動興趣，再同同好們一齊將生活過得精采！
想睇多D噤呢邊啦☞☞https://www.wmg2021.jp/en/
Comments