位於東京都港區、面向東京灣嘅台場地區係人氣旅遊勝地。可以喺度欣賞到東京灣、彩虹橋、夕陽以及對岸夜景等美景。當大家計劃去台場時，少不免想喺海邊嘅商業設施搵間靚靚餐廳，坐喺窗邊或露台嘅座位上，一邊欣賞海景，一邊享受午餐或晚餐吧！今次，小編精心挑選出5間位於台場地區嘅海景餐廳，逐一向大家介紹呢幾間餐廳嘅魅力之處&美食推薦！
※本文提及到產品及價格（全部均為含稅價錢）均為2023年8月資訊。由於內容可能會有所變動，詳情請查閱各店舖的官方網站以確認相關資訊。
「江戶灣直送 迴轉 東京壽司街道by ITAMAE SUSHI Aqua City台場店」：講到日本，就係壽司！
喺「江戶灣直送 迴轉 東京壽司街道」可以品嚐得到使用來自江戶灣（東京灣）呢個天然活魚池所捕獲嘅新鮮魚所製作而成嘅壽司。以實惠嘅價格，品嚐高品質嘅新鮮魚。
當中，高級餐廳和米芝蓮星級餐廳嘅廚師們使用被譽為全球最強吞拿魚專家嘅魚販——「山幸」所提供嘅吞拿魚製作嘅壽司，非常受歡迎。
使用「山幸」嘅吞拿魚製作而成嘅壽司價格為吞拿魚赤身590日圓，本吞拿魚中拖羅790日圓，本吞拿魚大拖羅990日圓（所有價格均含稅）。
💡推薦美食
- 「江戶前五件套餐」（金目鯛、真鰺、中拖羅、時令白身魚、時令食材）1,480日圓
- （「江戸前5貫セット」（金目鯛・真あじ・中とろ・旬の白身・旬のネタ）
- 活煮海鰻配鹽芥末 620日圓
- （活〆煮穴子（塩わさび））
- 蜆肉茶碗蒸蛋 450日圓
- （あさりの茶碗蒸し）
店內提供吧檯座位和餐檯座位，但如果想同時享受迴轉壽司和海邊景色，小編建議選擇靠窗邊嘅餐檯座位。從窗戶朝望西邊，可以一覽東京灣、對岸景色等海灣區美景。
餐廳資訊
- 店名：江戶灣直送 迴轉 東京壽司街道by ITAMAE SUSHI Aqua City台場店（江戸湾直送 回転 東京すし街道 by ITAMAE SUSHI アクアシティお台場店）
- 地址：東京都港區台場1丁目7號Aqua City台場6樓
- 交通方式：
- 百合海鷗號（Yurikamome Line）台場站步行1分鐘
- 百合海鷗號（Yurikamome Line）台場海濱公園站步行3分鐘
- 營業時間：
- 平日：11:30～21:00
- 週六、週日和假日：11:30～22:00
- 總座位數：113個座位
- 外語菜單：英文、簡體中文、韓文
- 預訂方式：（網絡預訂）https://tabelog.com/tokyo/A1313/A131306/13277320
「醍醐 台場店」：買一整頭黑毛和牛的燒肉？！
「醍醐 台場店」係一間提供「買一整頭黑毛和牛燒肉」（黒毛和牛一頭買焼肉）嘅餐廳，可以喺度享受美味嘅燒肉、美酒、美麗嘅夜景。當中，日文「一頭買」嘅意思係將成隻松阪牛、近江牛、石見牛、北薩摩牛、仙台牛等品牌黑毛和牛入貨嘅意思。將入貨嘅肉透過熟成至最美味嘅狀態，就會變得入口柔軟且滋味濃郁。
如果想盡情享受燒肉和韓國料理，小編推薦選擇100分鐘「任食套餐」，價格為4,980日圓。另外，仲有一個稱為「一頭食套餐」嘅選項，提供最高等級和牛嘅16個不同部位，價格為6,000日圓。呢種燒肉體驗只有買入成隻牛嘅情況下先至可以品嚐得到，有機會就記得試一試啦！仲可以額外加多1,500日圓，享受無限暢飲嘅任飲放題。（所有價格均含稅）
💡推薦美食
- 匠7種拼盤 1人份每份2,728日圓 ※必須從2人份起落單
- （匠7種盛り合わせ）
- 冷麵 1,078日圓
- 雞屁股肉 1,848日圓
- （おしりの肉）
餐廳共有128個座位，其中44個座位位於西邊，可以欣賞夜景。從大窗戶望出去，唔單止可以欣賞夜景，仲可以喺唔同嘅時間帶享受夕陽等各種風景。如果想坐睇到照嘅座位上用餐，建議事先訂定位啊。
餐廳資訊
- 店名：醍醐 台場店（醍醐 お台場店）
- 地址：東京都港區台場1-6-1 DECKS Tokyo Beach Seaside Mall 6F
- 交通方式：
- 百合海鷗號（Yurikamome Line）台場站步行約2分鐘
- 臨海線（Rinkai Line）東京電訊站步行約5分鐘
- 營業時間：
- 平日：11:00～15:00（最後點餐時間14:30）、17:00～23:00（最後點餐時間22:00）
- 週六、週日和假日：11:00～23:00（最後點餐時間22:00）
- 總座位數：128個座位（夜景座位44個，其他座位84個）
- 外語菜單：英文、中文
- 預訂方式：（網絡預訂）http://tabelog.com/tokyo/A1313/A131306/13020990/
「權八 台場」：提供蕎麥麵、串燒和天婦羅的居酒屋
以前嘅日本首相曾經喺呢間餐廳嘅其他系列分店招待過美國總統。「權八 台場」亦繼續沿用招待過美國總統之心，為外國遊客提供最優質嘅服務。而且客人可以坐喺店內俯瞰東京灣嘅位置，享受美味嘅蕎麥麵和串燒。
精選午市套餐價格為（平日）1,350日圓起。每朝由職人手工製作使用石臼磨碾嘅「蒸籠蕎麥麵」售價為880日圓。另外，仲有提供需要事先預約嘅「清真料理—知床和牛牛扒套餐」（21,780日圓）等，係得到清真認證嘅套餐選項。（所有價格均含稅）
💡推薦美食
- 炭燒串燒：雞脾肉 308日圓、芝士煙肉卷 385日圓、特製雞肉丸 352日圓、獅子椒 275日圓、雞中翼 等 396日圓
- （炭焼き：鶏もも、もちチーズベーコン巻、特製つくね、ししとう、手羽先）
- 招牌菜！！出汁煎蛋捲 748日圓
- （名物！！だし巻きたまご）
- 炸蝦真薯配柚子辣醬 396日圓
- （海老の真丈揚げ（柚子チリソース））
- 黑毛和牛西冷牛扒 4,290日圓
- （黒毛和牛サーロインステーキ）
從西邊窗口位可以欣賞到東京灣、彩虹橋、對岸嘅高樓大廈，你可以置身於晚上寧靜嘅氛圍中欣賞夜景，同時享受美味嘅和食，相當寫意。
餐廳資訊
店名：權八 台場（権八 お台場）
- 地址：東京都港區台場1-7-1 Aqua City台場4F
- 交通方式：
- 百合海鷗號（Yurikamome Line）台場站步行約2分鐘
- 臨海線（Rinkai Line）東京電訊站步行約5分鐘
- 營業時間：11:30～23:00
- 總座位數：116個座位
- 外語菜單：英文
- 預訂方式：（網絡預訂）https://yoyaku.toreta.in/gonpachi-odaiba/#/、https://tabelog.com/tokyo/A1313/A131306/13002922/
「bills 台場」：人氣咖啡店「bills」的日本3號店
©Koji Hanabuchi
Bill Granger唔單止製作出被譽為「世界第一蛋料理」嘅炒蛋，更打造出班戟「Ricotta Pancake」，掀起日本班戟熱潮。由呢位Bill Granger經營，源自澳洲悉尼嘅餐廳「bills」日本第三間分店，就係位於台場嘅「bills台場」。
「Bills」嘅人氣菜式係炒蛋與多士「Scrambled Eggs & Toast」、班戟「Ricotta Pancakes」，更會根據不同季節推出春夏菜單、秋冬菜單等不同嘅菜式，為其特點之一。而喺2023年嘅春夏季菜單中，更加入素食「Vegan」、「Vegetarian」等菜單，可謂選擇多多。其中一款嶄新早餐菜式碎豆腐烤酸種麵包「Broken tofu on toasted sourdough, shredded cabbage and chilli sambal」（1,800日圓），採用經過溫柔熱炒後嘅絹⾖腐和辣椒參巴醬（Chili Sauce Sambal），製作出猶如炒蛋一樣嫩滑嘅口感，相當出色。
此外，水果乳酪飲品「Sunrise - berries, banana, apple juice, 1000 orange juice and yoghurt」（1,000日圓），結合水果和乳酪嘅酸甜風味，係bills餐廳嘅人氣飲品。
💡推薦美食
- 「Broken tofu on toasted sourdough, shredded cabbage and chilli sambal」1,800 日圓
- （⾖腐のヴィーガンオープンサンド - チリサンバル、シュレッドサラダ）
- 「scrambled eggs and toasted sourdough」1,900 日圓
- （スクランブルエッグ＆トースト - フリーレンジエッグ）
- 「Sunrise - berries, banana, apple juice, 1000 orange juice and yoghurt」1,000 日圓
- （サンライズドリンク - ベリー、バナナ、アップル、オレンジ、ヨーグルト）
「bills台場」係日本bills分店之中最寬敞嘅店舖。可以邊眺望西邊大窗戶外嘅美景，邊享受美食。好天氣嘅話，建議選擇露天座位，邊感受微風邊用餐。
餐廳資訊
- 店名：bills 台場（bills お台場）
- 地址：東京都港區台場1-6-1 DECKS Tokyo Beach Seaside Mall 3F
- 交通：
- 百合海鷗號（Yurikamome Line）台場站步行約2分鐘
- 臨海線（Rinkai Line）東京電訊站步行約5分鐘
- 營業時間：
- 週一至週五 9:00～22:00
- 週末和假日 8:00～22:00
- 總座位數：主餐廳124個座位，副餐廳60個座位，露天座位32個座位
- 外語菜單：英文
- 預訂方式：您可以選擇線上預訂或通過電話（WEB預訂）https://billsjapan.com/jp/%E3%81%8A%E5%8F%B0%E5%A0%B4
「PESCE D'ORO 台場店」：提供坐擁面對著彩虹橋的絕佳露天座位
喺「PESCE D'ORO 台場店」可以品嚐得到傳統嘅意大利美食，包括意粉、薄餅、肉類料理、魚料理等，並搭配葡萄酒和啤酒一同享受。餐廳充斥著猶如米蘭街頭嘅氛圍，提供從單點料理或套餐等多種選項，任君挑選。
例如，正宗石窯薄餅價格為1,600日圓起、每週更換嘅意粉午市套餐連沙律、自家製麵包、飲料等價格為1,100日圓起。派對套餐價格為2,970日圓起，適合生日和紀念日嘅「生日套餐」為5,130日圓。餐廳提供嘅菜單選項相當豐富。（所有價格均含稅）
💡推薦美食
- 加入蝦、青口等豐富海鮮蕃茄意粉「Spaghetti Pescatore」1,880日圓
- （スパゲッティ 魚介のトマトソース“ペスカトーレ” ）
- 正統石窯蕃茄芝士薄餅「Margherita pizza」1,600日圓
- （マルゲリータ）
坐喺面向彩虹橋嘅海邊露天座位，吹著微風，非常寫意。而坐在店內的座位，亦可以透過窗戶欣賞得到東京灣美景。想輕鬆獨自用餐的話，建議選擇吧檯座位喔。
餐廳資訊
- 店名：PESCE D'ORO 台場店（ペッシェドーロ お台場店）
- 地址：東京都港區台場1-7-1 Aqua City 台場 6F
- 交通方式：
- 百合海鷗號（Yurikamome Line）台場站步行約2分鐘
- 臨海線（Rinkai Line）東京電訊站步行約5分鐘
- 營業時間：11:00～23:00
- 總座位數：76個座位+露天座位56個
- 外語菜單：英文
- 預訂方式：（網上預訂）https://r.gnavi.co.jp/a858100/
相關文章
Comments