赤坂，一個環境優美宜人嘅商業區，酒店林立，從一般到高檔嘅都有。赤坂呢一帶有好多購物、娛樂同商業區，甚至仲有東京最熱鬧最繁忙嘅夜生活地帶—六本木！被視為東京夜生活最豐富有活力嘅赤坂，成為旅客住宿嘅首選地區。接下來我哋要為你介紹赤坂５間知名嘅酒店。
赤坂王子飯店 (Akasaka Prince Hotel)
赤坂王子飯店於2007年改名為赤坂格蘭王子大飯店。已於2011歇業。
在泡沫經濟時代，股市及房地產大幅上漲。當時，呢間40層樓嘅酒店非常受歡迎，係年輕人嘅時髦場所，好多人都希望去呢度歡度聖誕節。
但喺2010年4月，由於不敵外資經營嘅酒店帶來嘅激烈競爭，加上設備老舊，而且必須重評估資產活化再利用，赤坂王子酒店宣佈於一年後停止營業。拆除工程係用大型千斤頂覆蓋喺屋頂嘅周圍，用一啲睇起嚟似建築一部分嘅板，遮蓋拆卸。整個過程從最頂樓開始，逐層往下拆除，直到屋頂下降到地面層。呢個拆除技術，象徵著日本泡沫經濟嘅尊重。
雖然酒店已於2011年3月結業。但喺2011年3月曾成為福島第一核電站事故受害居民嘅避難安置所，呢個係酒店對日本最後作出嘅貢獻。
酒店現狀：已歇業。
酒店資訊
- 名稱：赤坂格蘭王子飯店
- 酒店前身地址：東京都千代田區紀尾井町1-2
東急赤坂卓越大飯店 (Akasaka Excel Hotel Tokyu)
無論你去日本係旅遊定係出差，東急赤坂卓越大飯店距離赤坂見附站只需步行1分鐘，非常方便。酒店位於東京市中心。佢可以俾入住嘅客人一種高貴之感。
東急赤坂卓越大飯店提供嘅房型多元化，從標準房間到可以帶給客人至高無上享受嘅豪華套房都有。即使係標準客房，亦都係精緻嘅現代室內設計裝潢，簡約嘅佈置使人身處其中都能夠放鬆身心。呢間酒店喺設計裝潢方面花咗好多心思, 就好似藝術品一樣。
想用餐嘅時候，唔使外出，東急赤坂卓越大飯店內嘅餐廳都可以滿足到你。
酒店資訊
- 名稱：東急赤坂卓越大飯店 (Akasaka Excel Hotel Tokyu)
- 地址：東京都千代田區永田町2-14-3
- 交通方式：赤坂見附站步行1分鐘
赤坂世紀飯店 (Centurion Hotel Grand Akasaka)
赤坂世紀飯店係一間設計師嘅酒店，為客人提供一個時尚豪華嘅住宿空間。對於一些迷失於繁忙都市生活步調嘅旅客嚟講，呢間酒店旨在為佢哋提供一個放鬆又愉快嘅住宿空間。
同其他高級豪華嘅酒店一樣，赤坂世紀飯店都有各種房型，從單人房到套房都有。男性客人如果鍾意焗桑拿同大浴池嘅話，呢間酒店都有提供相關設施俾客人可以放鬆身心。
如果朝早想喺客房逗留長啲時間嘅話，你可以外賣酒店餐廳「Oscar」嘅早餐返房慢慢享用。
酒店資訊
- 名稱：赤坂世紀飯店 (Centurion Hotel Grand Akasaka)
- 地址：東京都港區赤坂3-19-3
- 交通方式：赤坂見附站步行4分鐘
赤坂蒙特利酒店 (Hotel Monterey Akasaka)
呢個亦係一間高級酒店，但唔同之前所介紹嘅，就係赤坂蒙特利酒店獨特嘅概念，將酒店嘅裝潢融合咗倫敦市政廳嘅優雅，加入咗現代原素，使酒店喺大都會嘅東京都有獨特嘅存在感。
赤坂蒙特利酒店嘅房型，從標準單人客房至豪華雙床客房都有。雖然可能你會認為所提供嘅房間同其他豪華酒店無咩分別，但呢間酒店喺每一間客房都設置咗名叫「handy」，一個好方便嘅智能設備，等你喺入住期間都可以喺酒店內外無限制地使用網路，亦可以用佢嚟打電話至日本國內，甚至國際電話（到6個國家）都可免費使用。
如果你想同所愛嘅人共渡重要時光，可以喺酒店嘅教堂舉行婚禮，為新娘同新郎製造一個難忘嘅回憶。更可以將宴會廳包場，擁有完全私人嘅空間同親友們共進晚餐。
酒店資訊
- 名稱：赤坂蒙特利酒店 (Hotel Monterey Akasaka)
- 地址：東京都港區赤坂4-9-24
- 交通方式：赤坂見附站步行5分鐘
赤坂格蘭貝爾酒店 (Granbell Hotel Akasaka)
另一間位於赤坂嘅高級酒店係赤坂格蘭貝爾酒店，提供簡約、現代風格嘅房間。以“高品質”、“多姿多彩”、“有趣”嘅設計理念，帶俾客人豪華嘅感覺。赤坂格蘭貝爾酒店打破現有酒店規範，追求多樣化嘅服務，以滿足每位客人嘅需求。
同一般酒店一樣，赤坂格蘭貝爾酒店擁有從單人房到套房嘅每個房間類別，並且以他哋嘅營運理念為基本，提供4種唔同嘅套房：舒適套房、都市套房、花園套房同都市景觀套房。你可以依自己喜好同需求嚟選擇想要入住嘅房型。
另外，赤坂格蘭貝爾酒店仲會提供5%會員積分，呢個積分可以讓客人下次預約客房時，以1積分折抵1円。
酒店資訊
- 名稱：赤坂格蘭貝爾酒店 (Granbell Hotel Akasaka)
- 地址：東京都港區赤坂3-10-9
- 交通方式：赤坂見附站步行2分鐘
Comments