作為一個島國，日本嘅文化都同海洋十分緊密相連。喺東京或者日本到處都可以睇到好多時尚獨特嘅水族館。今日就等我哋呢為大家介紹一下位於東京嘅4間水族館，展開驚奇海洋探索，去參觀學習更多海洋知識啦！
陽光水族館
位於池袋太陽城頂樓嘅陽光水族館，能夠俾你近距離欣賞到好多海洋生物同魚類。呢度好有氣氛，你仲可以睇到企鵝暢遊於水族箱中，仲可以穿越一堆水母游嚟游去嘅水母隧道。
喺水族館嘅戶外區域，你可以睇到企鵝同海豹喺你頭上遊過。陽光水族館嘅費用如下：成人2,200円、孩童（中小學生）1,200円，4歲以上嘅幼兒700円。
景點資訊
- 名稱：陽光水族館
- 地址：東京都豐島區東池袋3-1-1 太陽城SUNSHINE CITY
- 交通方式：從池袋站徒步約8分鐘
- 營業時間:
- 全年無休
- 基本営業時間：10:00～18:00
- 特別延長営業：12月22日（六）～25日（二） 10:00～21:00
東京晴空塔水族館
呢間水族館嘅正式名稱係墨田水族館，位於東京晴空塔內嘅東京晴空街道5樓同6樓。
嚟到呢度嘅人可以睇到室內有個巨大嘅開放式水族箱，能夠同企鵝、海豹等動物們嚟個近距離接觸。就好似東京其他水族館一樣，仲有企鵝海豹嘅表演，希望帶俾大家一場歡樂嘅水族館體驗。
墨田水族館營業時間從早上９點至晚上９點，最後開放入場時間係閉館前1個鐘。墨田水族館嘅票價如下：成人為2,050円；高中生1,500円；中小學生係1,000円；而3歲以上孩童則係600円。
而20人以上嘅團體客則可購買優惠票價。成人為1,850円；高中生1,350円；中小學生900円；而3歲以上孩童則係540円。
景點資訊
- 名稱：墨田水族館
- 地址：東京都墨田區押上1-12東京晴空街道(TOKYO Solamachi) 5~6樓
- 交通方式：東京晴空塔站徒步約2分鐘
品川水族館（Maxell Aqua Park 品川）
品川水族館嘅正式名稱係Maxell Aqua Park 品川，離東京車站好近，為兩層建築，館內有小型遊樂園同展示眾多美麗海底生物嘅水族館。
而Maxell Aqua Park 品川最廣受人知嘅就係他嘅海豚表演！呢度嘅訓練師同海豚們為各位帶來嘅一場精采絕倫演出，場次分為早晚兩場。表演時間依當年度狀況而有所不同，要去欣賞表演嘅人，請事先確認好公演時間啊。
喺Maxell Aqua Park 品川嘅入口處仲設置咗一座旋轉木馬，適合一家大細一同歡樂。位於2樓嘅展示區域有一個神奇通道，穿越呢個浪漫嘅隧道，你就可以睇到巨大嘅蝠鱝同鋸鮫喺你身旁自由自在地暢遊。快啲喺度影浪漫美麗嘅相啦，唔好忘記TAG東京、水族館、日本、仲有品川啊！
Maxell Aqua Park 品川營業時間
營業時間每季都會有唔同，大致為早上10點至晚上10點。最後開放入場時間為閉館前1個鐘。要去之前，請上官網確認一下當天營業時間啊。
Maxell Aqua Park 品川門票
入場門票分別為：成人票價2,200円（高中生以上）、中小學生1,200円，4歲以上兒童為700円。
另外還有年票，俾你無限次數自由入場，成人票價為4,200円（高中生以上）、中小學生2,300円，4歲以上兒童為1,300円。
景點資訊
- 名稱：Maxell Aqua Park 品川
- 地址：東京都港區高輪4-10-30 品川王子飯店
- 交通方式：品川站徒步約2分鐘
鄰近東京嘅水族館: 橫濱八景島海島樂園
另一間去日本旅行時絕對唔能夠錯過嘅水族館就係、橫濱八景島海島樂園，東京車站過去約1個半小時車程。
呢間係一座人工島嘅海洋主題樂園，喺呢度你可以欣賞海豚表演、仲有好多好玩有趣嘅娛樂活動，適合情侶、朋友、家人同樂。同埋有好多餐廳可以享用美食添。
橫濱八景島海島樂園營業時間
週末假日營業時間為早上9點至晚上9點。平日則為早上10點至晚上8點。而園區內各項遊樂設施開放時間可能唔同，最好事先上官網確認。
橫濱八景島海島樂園入場門票
橫濱八景島海島樂園嘅入場門票費用，成人（高中生以上）為5,050円，中小學生票價為3,600円，4歲以上孩童為2,050円。同時仲會推出下午四點過後入場嘅星光票，比一般票價平。成人（高中生以上）為3,300円，中小學生票價為2,200円，4歲以上孩童為1,600円。
景點資訊
- 名稱：橫濱八景島海島樂園
- 地址：神奈川縣橫濱市金澤區八景島
- 交通方式：從八景島站徒步約6分鐘
Comments