俗語話：朋友都係舊嘅好。隨住科技嘅進步，人同人嘅交流越嚟越依賴3C產品同網路，唔可以否認嘅係，呢D工具的而且確令到交流便利咗好多，但係人同人之間如果少咗直接嘅相處，溫度自然會唔同咗，繼「同老朋友一同出發到日本奈良漫遊必訪景點篇」之後，今日要介紹嘅係奈良嘅私房景點篇，奈良呢個充滿古色古香嘅城市，正適合陳年好友一同漫步同遊啦。
如果您都係水上運動愛好者，除咗常見嘅游水之外，「輕艇」同「划水」等等活動，更加係喺近年愈嚟愈受到矚目㗎，國際大賽嘅輕艇靜水競速賽係指喺平靜嘅水域入面嘅競速賽，考驗選手嘅速度、同埋力量，都係奧運嘅比賽項目之一嚟，唔單止係喺炎炎夏日入面一項消暑清涼嘅運動，選手嘅水上英姿都成日喺社群媒體上面大放異采㗎！同學會嘅同時，仲可以一齊觀賽或者係參賽，2021年喺奈良舉辦嘅World Masters Games 2021關西嘅「輕艇靜水競速賽」比賽項目啦！
江戶風情嘅奈良町散吓步、行吓街
以「元興寺」為中心點，介於近鐵奈良站同JR京終站呢一帶，都可以稱為「奈良町」，呢度嘅街道唔單止保有從維持江戶時期就有嘅「町屋」建築，街道上嘅氛圍都令人感覺心曠神怡，比起京都嘅觀光人潮，奈良町更加係多咗分餘裕，喺呢個日式風情滿溢嘅建築入面，飲杯靚茶配茶點，同老朋友談天闊地嘅畫面，又點可以話唔係品味人生嘅一種方式呢！「元興寺」作為「古都奈良文化財」嘅一部分，被登錄為世界文化遺產，比起名聲遠播嘅東大寺，都毫不遜色㗎！想要更了解江戶時期到明治時代嘅建築，「奈良町格子之家」係最好嘅地方，保留咗好多當時嘅室內模樣，而且都可以免費參觀㗎，真係唔好錯過啦！
奈良町交通情報：
- 近鐵奈良站
- JR奈良站
世界最古老嘅木造建築：法隆寺
大約1400年前完成，係世界上最古老嘅木造建築，亦都被登錄為世界文化遺產，可以話係來歷唔細。搭乘JR到法隆寺站之後，徒步大概需要20分鐘，如果唔想行嘅話，都可以轉乘巴士過去，大概10分鐘就可以抵達㗎啦！法隆寺嘅覆地好廣，仲分為東院同西院，西院伽藍嘅金堂係法隆寺中重要嘅建築嚟，呢一千多年嘅歷史軌跡，散發出一種安定人心嘅純厚感，想要整理日常生活入面擾人嘅思緒，呢度無可厚非係最佳嘅選擇嚟㗎。
法隆寺相關資訊：
- JR法隆寺站落車徒步大概20分鐘，亦都可以轉搭巴士到「法隆寺門前」落車。
- JR王寺站嘅北口，搭往「国道横田・シャープ前・法隆寺前」方向嘅巴士，喺「法隆寺門前」落車。
- 近鐵筒井站，搭往「JR王寺駅」方向嘅巴士，喺法隆寺前站落車。
奈良縣明日香村鐵馬之旅
位為奈良縣中部位置嘅明日香村，大約喺1400年前飛鳥時代嗰陣，首都就設喺呢個地方㗎啦！為咗保存當時好多珍貴嘅歷史遺跡，日本政府仲特別立咗「明日香法」嚟保護呢D古代嘅文化，日本學生嘅校外教學都成日嚟呢度㗎！對於觀光客嚟講，明日香村絕對係慢遊嘅絕佳地方，特別推薦租借電動單車嘅方式，一方面可以跟住自己嘅節奏行動，另一方面騎成日，揀選電動單車都比較慳力，依家其實仲有可以乘坐兩個人嘅小型電動車可以租借，不過費用就相對嚟講比較貴啦！日本最古老嘅方型古墳─石舞台古墳、飛鳥寺、稲渕梯田都係主要嘅觀光景點嚟，如果您係喺士多啤梨季節嗰陣前往嘅話，明日香紅寶石士多啤梨可以話係非嚐不可嘅極品美食嚟㗎！
奈良之旅：增加友誼溫度嘅好地方
金城武嘅知名廣告台詞：世界愈快，心則慢。喺奈良，令您從瞬息百變嘅世界中抽離，仲唔快D同三朋四友一齊去感受吓生活啦。
更多World Masters Games 2021關西嘅資訊，請睇👉👉👉http://www.wmg2021.jp/en/
Comments