位於東京嘅六本木，係高檔餐廳同精品消費嘅聚集地。但係六本木嘅夜生活對於觀光客同當地人嚟講，都係充滿五光十色嘅誘惑。一日就可以征服六本木，就等我哋嚟介紹一下六本木由朝到晚去邊玩好啦。
關於六本木
六本木位於東京港區，一直以來都係外國人經常出沒嘅地帶。呢度有好多餐廳、酒吧同商店，到六本木可以享受一段美好時光，係東京其他地方所體驗不到嘅。
六本木最受歡迎嘅購物地區就係東京中城（Midtown）同六本木Hills。喺多層建築內可以購買高級精品、品嚐精緻美食，仲可以行一行六本木新城森大樓。
六本木車站附近嘅六本木五丁目係享受東京夜生活嘅好去處。嗰度有好多酒吧、居酒屋同夜店，可以輕鬆享受六本木之夜，同朋友度過一晚美好時光，亦可以認識新朋友。
嚟六本木購物
六本木Hills同森大樓都係屬於高級消費區域。有好多奢華精品商店、高級餐廳以及浪漫時尚嘅酒吧都喺呢一帶，嚟呢度可以從事各種娛樂活動。
喺六本木Hills嘅主要購物區域，多間時尚品牌等待大家光臨，如Adidas、Armani Exchange、Giorgio Armani、Salvatore Ferragamo等等。而欅坂通(けやき坂通り)街沿路都有好多珠寶飾品品牌。
位於六本木Hills隔離嘅欅坂通，有更多國際知名品牌，如Louis Vuitton, 受女性愛戴嘅Tiffany & Co.等等。晚上可以喺呢裡眺望遠處嘅東京鐵塔，將東京嘅美麗夜景盡收眼底，係一個熱門影相景點。
六本木餐廳推介
六本木有好多好食嘅餐廳可以選擇，輕鬆簡單就能搵到一間符合自己口味嘅餐廳。從高級時尚餐廳，到同當地日本人肩並肩享用嘅壽司，各種各樣嘅餐廳、美食種類豐富，應有盡有。
福鮨（Fukuzushi）
突然好想食壽司，感就不妨行入去福鮨（Fukuzushi）吧。呢間店喺1917年創立於東京，後來遷移至北海道，又喺1968年時重返東京六本木。
主廚George堅持提供高品質嘅服務，採用當季最新鮮嘅食材。建議選擇吧台座位，咁樣就可以睇到師傅捏製壽司嘅過程，更近距離感受店家所提供嘅款待。
餐廳資訊
- 名稱：福鮨（Fukuzushi）
- 地址：東京都港區六本木5-7-8
- 交通方式：六本木站徒步約5分鐘
農場先生（Mr. Farmer）
另一間小編強烈推薦嘅餐廳係農場先生（Mr. Farmer）。呢間係一間舒適、悠閒嘅餐廳兼酒吧，設置戶外用餐座位，俾你一邊用餐一邊欣賞森大樓花園嘅美麗夜景。
營業時間從早上11點至晚上11點，菜單亦有提供好食嘅素食料理，俾你食得美味又滿足。非常適合一家大細、情侶或朋友聚會前來，一同享受輕鬆時光。
※更新：Mr.FARMER 六本木已結業※
餐廳資訊
- 名稱：農場先生（Mr. Farmer）
- 地址：東京都港區六本木6-10-1 六本木森大樓HillSide B2
- 交通方式：六本木站徒步約5分鐘，Mori Garden隔離
六本木的夜生活
六本木嘅夜生活多采多姿，取決於個人喜好，有高級時尚嘅酒吧，仲有當地受歡迎嘅夜店，無論去到邊度，話唔定都會有機會展開新邂逅。
Mezzo Tokyo Roppongi
多間酒吧都提供優質美味嘅調酒。我哋特別推薦呢間「Mezzo Tokyo Luxury Bar & Lounge」，黑金色調嘅裝潢，微暗嘅燈光照映之下，更顯得時尚優雅。喺呢度飲上一杯調酒，度過浪漫之夜。
調酒價位為1,000円起跳，由知名調酒師為你精心調配，提供高品質嘅服務。大推呢度嘅水果調酒，隨著季節變化推出特色水果調酒，超級好飲。
餐廳資訊
- 名稱：Mezzo Tokyo Luxury Bar & Lounge
- 地址：東京都港區六本木5-1-7
- 交通方式：六本木站徒步約1分鐘
Tokyo Pub Crawl
如果你想去六本木嘅夜店，有好多種類，可以依據個人喜好嘅氣氛或情調選擇。但係如果只係單純嚟旅遊，想體驗一下，或者係唔確定要去邊度好嘅話，我哋建議你可以參加Tokyo Pub Crawl嘅行程。
喺每個星期五同星期六舉辦，行程大約從晚上六點開始，呢項Tokyo Pub Crawl行程，除咗當地日本人，亦歡迎觀光客一同參與，一共會去三間酒吧，最後則係一間夜店。活動中仲會進行各種遊戲，係一個認識新朋友嘅好機會。
每次去嘅酒吧同夜店都唔同，以確保帶俾報名嘅人新鮮感。當然隨時都可以加入或離隊，以確保可以趕上最後一班電車。
活動資訊
- 名稱：Tokyo Pub Crawl
- 網站：http://www.tokyopubcrawl.com/
- 交通方式：六本木站徒步約1分鐘
入住東京君悅酒店
喺六本木有好多好玩有趣嘅娛樂，要徹底享受六本木嘅夜晚，最好就係入住一間位於六本木嘅住宿設施。最好嘅酒店就係東京君悅酒店，位於六本木最熱鬧嘅六本木Hills正中心。對於想體驗奢華住宿時光嘅人係最佳選擇，而且要去六本木嘅其他地方都非常方便。
住宿資訊
- 名稱：東京君悅酒店（Grand Hyatt Tokyo）
- 地址：東京都港區六本木6-10-3
- 交通方式：六本木站徒步約6分鐘
關於六本木車站
六本木車站由東京Metro日比谷線同都營地下鐵大江戶線共同營運。要前往新宿、中目黑同上野，都非常方便，所以可以輕鬆暢遊東京。當你出咗站，就會睇到六本木知名嘅地標。
車站資訊
- 名稱: 六本木站Roppongi Station
- 地址：東京都港區六本木6-1-25
- 交通方式：乘搭東京Metro日比谷線或都營地下鐵大江戶線抵達
Comments