有無曾經諗過想食甜品，但係又唔想去搵café，或者係已經太夜度度都無開呢？如果有嘅話唔洗擔心，因為喺日本可以輕輕鬆鬆咁喺便利店就可以買到好好味嘅甜品㗎啦，仲係24小時營業嘅㖭！而且價錢都好合理！可以揀選嘅類型都好廣泛，可以揀選自己鐘意嘅嚟買。配上咖啡或者係茶，就可以享用輕食嘅甜品時間啦。以下落嚟我哋就要介紹一下日本3大便利店可以買到嘅甜品。
Lawson便利店-頂級蛋糕捲-150円
Uchi Café係LAWSON便利店嘅甜品品牌。其中最正嘅就非佢哋嘅蛋糕捲莫屬啦。 上面嗰張圖，就係Uchi Café嘅頂級蛋糕捲。入面嘅cream係使用咗日本最好嘅牛奶──北海道牛奶所做成嘅。而且講真，咬落去超滑順、又濃郁，又好味！呢個仲要係喺Lawson絕對必買嘅最經典甜點㖭啊。
全家便利店-雙層鮮奶油夾心-135円
FAMIMA SWEETS 係日本全家便利店嘅甜品品牌。圖片中嘅甜點係雙層鮮奶油夾心。喺呢個甜品入面，有兩層鮮奶油，鮮奶油同埋卡士達奶油！所以可以一啖就品嚐到滿滿嘅濃郁奶香。呢款甜點亦都係便利店必買嘅經典甜點之一嚟㗎!
7-Eleven便利店-蕃薯蒙布朗布丁新地-297円
圖中呢款甜品係來自於7-Eleven便利店。7-Eleven比較傾向於製作一D創新嘅甜品，而呢個就係其中一款啦！佢嗰名稱係「番薯蒙布朗布丁新地」，真係有D令人困惑嘅名，係咪呢？呢款甜品係有D複雜嘅，係有4層嘅布丁聖代嚟。最底層係卡士達奶油，然後第二層係海棉蛋糕，第三層係布丁，最上面嘅係番薯鮮奶油。呢個係個四合一、令人非常滿足嘅甜點嚟！作為一個便利店嘅甜點，呢一款真係非常之誘人啊！
7-Eleven便利店-抹茶蕨餅豆沙白玉
既然喺日本，喺便利店都可以買得到精巧嘅日式傳統甜品㗎。就好似上圖所見，呢款甜品係喺7-Eleven 便利店度販售嘅。係一款令人極為驚豔嘅甜點嚟，以紅豆作為基底，配上蕨餅同埋白玉，上層係綠茶鮮奶油。完美咁呈現出，好似喺餐廳或者喺café入面令人賞心悅目嘅日式甜點。如果喺架上睇到呢款甜品嘅話，強力推薦一定要試吓啦！
以上就係私心認為最正嘅便利店甜品，或者您會搵到其他您覺得更加好食嘅便利店甜點，但除此之外，真心建議呢幾款下次一定要試一下啦！
Comments