有無試過睇電視或電影時, 都希望自己都可以去畫面中嘅地方一遊呢?
如果你都曾經有呢個諗法的話, 咁或者會對呢篇文章內容好有興趣—去重溫經典電影中7個喺日本嘅名場景啦!
1.007：鐵金剛勇破火箭嶺
喺007系列電影「鐵金剛勇破火箭嶺(1967)」入面，占士·邦曾為咗從一座日本嘅離島上救出美女，同壞蛋對決。由辛·康納利所飾演的情報探員James Bond (占士·邦)，喺冷戰期間被送入日本，JamesBond為咗要潛入島入面阻止危及世界嘅戰爭，與忍者一齊訓練。片中作為忍者訓練基地嘅地方，正正就係位於日本兵庫縣好出名嘅姬路城。
2. 愛情不用翻譯
迷失東京（2003) 是一部由Sofia Coppola(蘇菲亞哥普拉)所執導，Bill Murray(標梅利)及ScarlettJohansson(施嘉莉·祖安遜）所主演的一部備受好評嘅電影。主角兩人因為喺東京君悅酒店遇見而出現交集，經過喺酒店入面嘅紐約酒吧一齊飲酒而逐漸互相了解。他哋嘅友情，喺佢哋探索東京、並且試著在呢個世界快速變遷嘅城市中尋找連結的過程中，慢慢咁加深。邊個會知道喺君悅酒店遇見到咩人呢?
3. 標殺令
標殺令(2003)係一部由昆頓塔倫天奴執導，充滿能量、暴力嘅武打電影。主角「新娘」為咗復仇，而追殺佢肚入面未能出生的孩子的爸爸，Bill(標)，以及一同企圖謀殺佢的Bill嘅同黨們。佢嘅追殺之旅嚟到日本同黑社會對抗，佢同黑社會大佬响東京名為”The House of Blue”的餐廳中對決，場景所在餐廳的真實名字係名為「權八 西麻布」的一間賣美味雞肉串燒同蕎麥麵的店。
4. 流星花園
在2005年首次播出時，日本電視連續劇「流星花園」風靡了萬千少女心。延續前篇故事，於2007年推出「流星花園2」，以及之後2008年推出的電影版。到2018年重製推出嘅「花過天晴～流星花園Next Season～」。好多場景在東京各地點拍攝，有啲最浪漫嘅場景，例如主角的初次約會及浪漫背景下的一吻，就係喺東京嘅惠比壽花園廣場拍攝的。
5. 真實嘅夢幻城堡
日劇迷們可能會好熟悉、位處群馬縣嘅鎖心城堡, 係好多日本電視劇的拍攝場景，好似係有閒俱樂部、完美小姐進化論、鄰座的怪同學、家有六子等等。城堡由名門世家鎖心爵士及其家族建於蘇格蘭，成座城堡於80及90年代時，被完整運送到日本重建。而家被運用喺背景設定為歐式奇幻風格嘅電影同電視劇時拍攝使用。
6. 生化危機3D：戰神再生
生化危機3D：戰神再生(2010)係改編日本電視遊戲惡靈古堡系列嘅第四集。呢套片開始於澀谷大十字路口嘅中央，企咗一位被感染嘅女人，攻擊路過唔知情嘅受害者。呢個場景就係位於澀谷車站的八公口出口外面。
7. 新鐵金剛:智破天凶城
另一部007系列的電影亦都取材自日本。新鐵金剛:智破天凶城中，由Daniel Craig (丹尼爾·基克) 飾演的James Bond (占士·邦)，被俘虜到一個廢棄嘅島上，而呢個島正正就係位於長崎嘅端島。別名係軍艦島，過去曾以採煤礦聞名、係直到1974年為止先完全被廢棄嘅地方。島上嘅建築維持著原來嘅樣子，經過年月嘅流逝，留著一片神秘而空盪嘅氛圍。自2009年起呢座島又再次開放做為觀光使用。
除咗呢7個地點之外，喺日本仲有好多其他地方, 曾經出現喺電影同埋戲劇之中。想知道呢啲場景嘅地點資料？有邊啲戲劇或者電影嘅場景係希望我哋可以提到嘅? 歡迎留言話比我哋知喔!
Comments