您有無曾經睇過喺神社舉辦、新娘身穿「白無垢」嘅日式傳統婚禮呢？如果曾經喺旅行嗰陣遇見過，咁就真係好幸運啦！以下落嚟將要介紹呢種典型嘅日式婚禮，同埋新人要為呢個特殊日子所做嘅事前準備.
日本嘅婚禮好獨特，因為混合咗日式同西式風格。有D新娘會揀選身著長白紗，行喺教堂嘅紅毯上面；有D新娘則會揀選喺神社，著上「白無垢」進行結婚儀式
後者嘅婚禮儀式名稱係「神前式」，以下係進行呢種傳統日式婚禮，新人需要準備嘅事項.
婚禮歷史簡述
第一位進行呢種神社婚禮嘅人係1900年嘅日本天皇。但係喺二戰結束之前，呢種儀式並無喺民間度流行過.
當時，大多數人結婚嗰陣，新人只係喺新郎屋企嘅神壇前面，進行簡單嘅儀式.
而現今，喺教堂進行結婚典禮，對日本人嚟講係非常普遍嘅，就算信仰係神道教或者係佛教都係咁.
但仲係會有D人，因為日本文化嘅關係，會揀選進行「神前式」嘅婚禮。喺年輕人之間，有愈嚟愈多人，抱著回歸日本文化嘅諗法，揀選呢種婚禮㗎.
婚禮服裝
喺典禮，新郎會著上稱為紋付羽織袴嘅和服，如果新郎嘅屋企有家徽或者係家紋，喺外衣嘅背後、袖同胸口上面會印上家徽.
新娘複雜嘅和服稱為「白無垢」，由純白嘅織物、數層構成嘅服裝。需要一D人嚟協助新娘著上呢個包到一層層嘅衫，同綁上調整成完美形狀嘅寛腰帶.
戴上假髮之後再蓋上稱為「wataboshi 」嘅白色綿帽喺頭上面。呢種綿帽原來係用嚟作為冬天保暖嗰陣用嘅，但今時今日就成為咗婚禮用嘅頭罩.
不過，新娘都可以揀選穿著鑲嵌金線、款式華麗，名為「色打掛」嘅和服.
婚禮程序
神前式係富含傳統、而且遵循嚴謹步驟嘅儀式嚟。儀式嘅細節依照唔同嘅神社各有不同，但原則上都大同小異㗎.
首先係「參進」，亦即係入場儀式。由巫女領著結婚嘅隊伍穿過入口嘅走道.
然後家族進入神社，跟隨喺新娘同埋新郎嘅後方.
當所有人都進入同入座之後，神社嘅神職人員會用祭祀用具同新人同埋賓客們淨身。稱為「修祓」.
跟住為「祝詞唱頌」神職人員接著會唱頌祝詞，向神報告同祈福.
再嚟嘅係「三獻儀式」或者稱為聖杯交換。新娘同埋新郎分別喺三杯斟滿聖酒嘅杯子入面，啜飲三啖。第一杯係為咗表達對祖先嘅感恩，第二杯係為新人兩個人嘅關係祈禱，第三杯係為咗未來同埋子孫祈福.
之後就係「神樂奉納」 獻上聖舞，由神社嘅巫女為神明獻上舞蹈.
下一步，新人互相交換結婚誓言，稱為「誓詞奏上」。喺神明嘅面前，並喺祭壇供奉上樹枝，然後新人、所有嘅參加者一齊躹兩次躬、拍兩下手，就好似參拜嗰陣一樣。呢個稱為「玉串奉奠」.
最後，新人互相交換戒指.
為咗鞏固呢段新姻緣，所有嘅參加者都要參加「親族盃儀式」，或者係雙方家族交換杯。新娘同新郎雙方嘅家庭共飲兩杯，用嚟表示兩個家族嘅聯姻.
結束嗰陣神職人員獻上「齋主謝詞」致意之後，完成典禮儀式。跟住所有人向神壇躹躬、送上祝福之後就結束咗㗎啦.
所有賓客喺離開室內之前，最後向神明致意再離開.
喺典禮結束之後，大多數嘅新人都會有結婚宴會慶祝!
典禮之前嘅準備
喺訂婚之後，兩邊嘅家庭會出席家庭宴會，稱為「Yuino 」，作為向雙方家庭傳達兩人訂婚之喜.
多數嘅新人喺婚禮前3-6個月嗰陣，會有非正式嘅家族晚餐，令雙方家庭更加了解彼此.
當喺擇日結婚嗰陣，新人都會好小心咁揀選一年之中「大安」(萬事皆宜) 嘅日子.
您曾經有無見過傳統嘅日式婚禮呢？您又覺得點呢?
Comments