日本天皇所居住嘅皇居。廣闊嘅土地中有一部分有對外開放，作為日本觀光最為適合。東京都心廣大，綠意盎然嘅休憩場所，係好多人喜愛嘅地方。究竟東京皇居有咩魅力呢？以下為大家介紹介紹東京皇居內雅致景點。
皇居庭園中悠閒咁度過一日啦！
位於皇居東邊有個皇居東御苑，北邊有個北之丸公園。成個大細約有25個東京巨蛋（約1,906萬平方米）。環繞以前嘅江戶城護城河周邊，稱之為「皇居外苑」，呢度舉辦馬拉松賽程而相當出名，好多皇居馬拉松選手都喺呢度跑步。
穿過「櫻田門」亦係日本嘅重要文化財，就等我哋前往皇居前廣場啦！皇居前廣場面對住兩座橋嘅風景，因為特別出名，因此只要嚟拜訪皇居嘅人，都會喺呢度停下腳步。企喺嗰兩座橋嘅對面，令人目不轉睛嘅係，曾經侍奉天皇嘅武將「楠木正成」嘅銅像。
楠公雕像前嘅販賣店「KUSUNOKI」，可以購買到皇居獨家產品，當做手信最為適合。另外，銅像嘅背後有間叫做「楠公休息室」可以用餐亦可以稍作休息嘅場所，喺資訊中心有「皇居外苑散步地圖」、「周邊設施」、「交通設施情報」等等嘅簡介，事先順便去睇睇比較好。
皇居東御苑
東御苑位於皇居東側，約有5個東京巨蛋嘅大小（約21萬平方公尺）。以前江戶城嘅天守閣、本丸、二之丸、三之丸嘅地皮上，種植咗種類豐富嘅花同樹木，作為庭院開放參觀。入場費免費。入口有分三道門分別為大手門、平川門、北桔橋門，入園時需檢查手提行李同會交俾你一張入園票。離開園區時需要歸還，所以小心唔好整唔見啦。
從任何一道門入去都無限制。不過開放時間只到下午4點為止，喺呢段時間內必須行得曬成個廣大嘅庭院。加上休息時間慢慢睇需要2～3小時。可以進場嘅時間為上午9點到下午3點半（或者係下午4點），基本上星期一及星期五係休息日。
景點資訊
- 景點名稱：皇居東御苑
- 景點地址：〒100-8111東京都千代田區千代田1-1
- 交通方式：大手町站落車C13出口徒步約10分鐘
北之丸公園
北之丸公園嘅巨大石墻位於皇居北邊，為江戶城跡。被護城河環繞，係一個安靜又寬敞嘅都市綠洲。春天有油菜花同櫻花，秋天有紅葉，冬天則有美麗嘅水仙。從千鳥淵俯瞰嘅景觀非常美麗。
景點資訊
- 景點名稱：北之丸公園
- 景點地址：〒102-0091東京都千代田區北之丸公園1-1
- 交通方式：
- 都營新宿線九段下站2號出口徒步約5分鐘
- 東京Metro東西線竹橋站
- 每日新聞社側1b出口徒步約8分鐘
- 平川門側1a出口徒步約8分鐘
皇居嘅盆栽
皇居內有盆栽裝飾嘅大道庭園，種植咗90種類600個盆栽。樹齡超過100餘年，其中仲有預估計樹齡600年，超級珍貴嘅盆栽，簡直令盆栽愛好者羨慕不已。不過非常可惜嘅係並無對外開放。皇居外苑嘅財團有各種活動、隨時舉辦由義工擔任導遊嘅導覽等等，對歷史有興趣嘅人，參加一下都係唔錯嘅選擇。
請務必到訪呢個位於都市中心，新舊建築混合嘅空間，透過不可思議嘅時空交錯，度過一段休憩片刻。
景點資訊
- 景點名稱：皇居
- 景點地址：〒100-0002東京都千代田區皇居外苑1-1
- 交通方式：
- 東京Metro千代田線二重橋前站 B6或者係從2號出口徒步約2分鐘
- 東京Metro日比谷線日比谷站B6或者係從2號出口徒步約2分鐘
- 東京Metro有樂町線櫻田門站從3號出口徒步約8分鐘
- JR東京車站・有樂町站徒步約10分鐘
Comments