位於皇居東北方，靠近秋葉原嘅神田，係東京一個歷史悠久且有趣嘅地方。呢度有好多富有歷史嘅神社，值得品嚐嘅美食，方便嘅酒店。神田有更多值得探索嘅地方，比你想像之中來得更精彩！
神田嘅神社！
神田明神喺東京擁有非常悠長嘅歷史，可以回溯至730年。嚟呢度祈求生意興隆，而每逢奇數年嘅5月所舉行嘅神田祭，吸引咗幾千人到訪。神田明神主要祭祀嘅神明有惠比壽、大黑天、平將門。佢哋守護住東京108個町，亦會實現婚姻成就、生意興隆等各種願望。
而神田明神對於動漫迷嚟講亦都係一個熱門嘅「秋葉原神社」，滲透住知名人氣動漫「LoveLive!學園偶像祭」嘅御宅族文化。你可以喺繪馬上睇到動漫中嘅角色，繪馬係指可以寫下願望嘅一片木板，亦係一個幸運小物！
景點資訊
- 名稱：神田明神
- 地址：〒101-0021 東京都千代田區外神田2-16-2
- 交通方式：從秋葉原站步行約7分鐘
湯島天滿宮（湯島天神）
湯島天滿宮（湯島天神）位於神田明神嘅北方。最初創建於458年，祭祀天手力男神。
喺1355年開始供奉學問之神菅原道真，成為學者同學生到訪嘅熱門景點。考前期間，學生會前來參拜為求考試合格，而春天嗰陣神社內綻放嘅梅花亦非常美麗。
景點資訊
- 名稱:湯島天滿宮(湯島天神)
- 地址:〒113-0034 東京都文京區湯島3-30-1
- 交通方式: 從湯島站步行約2分鐘
推介便利嘅神田住宿
神田位於秋葉原同東京嘅中間，提供更多酒店選擇，符合各種旅客嘅預算。無論你係獨自嚟旅遊亦或係同朋友一齊旅行都無問題，可以選擇膠囊旅館、商務旅館、或一般酒店。
神田膠囊旅館 (Capsule Value Kanda)
亦被稱為「Capsule Value Kanda」，專為希望喺有限預算之下暢遊東京嘅男性旅客而設計。每個膠囊房間皆設置電視、收音機。旅館亦有能夠英文溝通嘅員工。
景點資訊
- 名稱: 神田膠囊旅館 (Capsule Value Kanda)
- 地址:〒101-0044 東京都千代田區鍛治町1-4-5
- 交通方式: 從神田站步行約4分鐘
神田中央大酒店 (Central Hotel Kanda)
位於淡路町站同神田站中間。提供嘅房型多樣化，標準房、雙人房、雙床房及三人房，神田中央大酒店(the Grand Central Hotel)立地非常方便，提供免費無線網路，甚至仲有休息時段，可以喺上午11點至下午4點嚟呢度小憩片刻。
景點資訊
- 名稱: 神田中央大酒店 (Central Hotel Kanda)
- 地址:〒101-0048 東京都千代田區神田司町2-2
- 交通方式: 從神田站步行約3分鐘，從淡路町站步行約4分鐘
MYSTAYS 神田酒店 (HOTEL MYSTAYS Kanda)
MYSTAYS 神田酒店係日本一家受歡迎嘅經濟連鎖酒店，提供各種房型分為禁煙同吸煙室。免費提供無線網路，投幣式洗衣服務，令入住嘅時光更方便、更舒適。
景點資訊
- 名稱: MYSTAYS 神田酒店 (HOTEL MYSTAYS Kanda)
- 地址:〒101-0032 東京都千代田區岩本町1-2-2
- 交通方式: 從神田站步行約6分鐘
JR神田車站資訊
JR神田站於1919年由JR東日本開通，1931年東京Metro神田站開通。從神田站乘搭JR山手線、中央線、京濱東北線或東京Metro銀座線，前往東京其他地方嘅交通非常方便。
景點資訊
- 名稱: 神田站
- 地址:東京都千代田區鍛治町2-13-1
- 交通方式: JR山手線、中央線、京濱東北線同東京Metro銀座線共同營運
神田站附近資訊
當查咗一下東京神田嘅地圖，會發現神田就喺秋葉原站隔離，中間有條神田川隔開。喺呢個區域，仍保留咗舊嘅萬世橋遺跡。而呢個地區嘅大部分範圍已被改建成mAAch ecute嘅購物設施，但仍保留舊車站嘅古色古香。
從神田車站嘅南口出嚟，會睇到酒吧同居酒屋。喺呢度你可以搵到各式各樣嘅居酒屋，一於同朋友一齊享受美妙嘅夜晚。你亦可以去DevilCraft 神田，享受佢哋驚人美味嘅芝加哥深盤披薩同精釀啤酒。
Comments