代代木公園位於東京都嘅中心，係東京最大嘅公園之一，公園內有幾百棵櫻花樹，喺春天時綻放。全年仲會舉辦各種唔同嘅季節性活動。嚟到呢度有得睇又有得玩。就等我哋為大家介紹代代木公園嘅三大吸引之處啦！
1. 欣賞代代木公園嘅美麗櫻花
東京嘅櫻花大約喺3月下旬至4月上旬左右盛開。櫻花盛開時嚟到代代木公園，會睇到滿片嘅櫻花，非常美麗動人。有好多遊客同當地人會嚟呢度賞櫻，喺櫻花樹下野餐，而季節饗宴稱之「花見，HANAMI（賞櫻）」。
賞櫻時分，代代木公園會變得非常擠迫。但成個公園鋪設咗好多散步道路，俾人有機會喺呢度好好散步，享受代代木公園嘅美景。
2. 代代木公園嘅秋葉楓紅
另一個造訪代代木公園嘅熱門時節就係秋天，當樹葉染上橙紅黃各色嗰陣，代代木公園呈現唔同嘅風貌。如果從靠近代代木公園嘅原宿行到去代代木公園嘅話，將會睇到公園閃亮金黃嘅銀杏。
最重要嘅係，如果你熱愛運動，春季秋季都有好多路徑同區域適合比你享受運動。喺代代木公園設有路跑嘅道路同自行車道，環繞成個公園，俾你一個實際了解代代木公園到底有幾大嘅機會！
3. 代代木公園舉行嘅活動
代代木公園除咗美麗嘅自然景觀以外，仲有好多活動同慶典可以參觀參與！
不同主題嘅祭典
代代木公園嘅節日祭典通常喺週末舉辦。主題以美食、文化、音樂等各式各樣類型！當中熱門嘅活動包括巴西節、泰國節、台灣節以及Cinco de Mayo墨西哥五月節，吸引數千人造訪代代木公園。
各式活動及市集
代代木公園全年舉辦各式各樣嘅活動，當中非常受歡迎嘅活動係東京彩虹驕傲節以及跳蚤市場。其他活動仲包括文化體驗，好似係原宿表參道元氣祭(Super Yosakoi)同古董市集！
參拜代代木公園隔離嘅明治神宮
明治神宮就喺代代木公園隔離，於1920年建築完成，供奉明治天皇同昭憲皇太后。要去神社非常容易，從JR原宿站步行至神社入口只需要幾分鐘。
明治神宮全年開放參觀，但通往神宮嘅參拜道路只喺白天開放，日落後禁止通行。最好趁朝早早啲去參觀比較好。
明治神宮現正裝修中，為趕上2020年嗰陣建宮100週年嘅慶祝。工期將進行至2019年10月為止，部分建築物將進行維修，但應該唔會影響美麗嘅神社景色。
代代木公園入場費
好似代代木公園如此廣大嘅公園應該要收取入場費用啦，但實際上天天免費！無論朝早夜晚都可以行入去公園，但公園內部分設施喺傍晚停止營運。
代代木公園車站
JR山手線上設有代代木站，但最靠近代代木公園嘅車站係原宿站。從原宿站行到去代代木公園入口只需3分鐘，交通非常方便。
景點資訊
- 名稱：代代木公園
- 地址：〒151-0052東京澀谷代代木神園町 2-1
- 交通方式：乘搭JR山手線至原宿站，步行約3分鐘
Comments