代官山嘅知名度無澀谷或原宿咁出名，但近期由於好多精品時尚同熱門Café都喺呢度展店而備受矚目。離澀谷只係一站嘅路程，同鄰近嘅中目黑同惠比壽，都係東京非常受歡迎嘅景點之一。一齊嚟睇吓代官山邊啲地方連日本人都好鐘意去㗎啦。
代官山T-SITE
如果講嚟到代官山，只係得一啲時間去一個地方，咁就絕對唔可以錯過代官山T-SITE！睇落去係一間書店，但實際上係Café、餐廳、相機店等複合式商業設施。
由建築事務所Klein & Dytham所設計嘅「代官山 T-SITE」複合式商業設施中，比較熟悉嘅係「代官山蔦屋書店」，被譽為世界最美麗嘅書店之一。其建築嘅規劃，連結書店內各館之間走道都設櫃擺放好多雜誌，享受書香漫步之餘，輕鬆遊走喺各館書籍之間。
一樓開放時間係每日上午7點至凌晨2點；2樓開放時間則係每日上午9點至凌晨2點，有足夠充分嘅時間喺呢度好好享受書香氣息。由於立地位置離澀谷近，要前往澀谷非常方便，難怪成為當地日本人同旅客嘅熱門聚會場所。
景點資訊
- 名稱：代官山T-Site
- 地址：〒150-0033東京都澀谷區猿樂町16-15
- 交通方式：東急東橫線代官山站徒步約5分鐘
代官山Hillside Terrace
鄰近代官山T-Site嘅多功能複合設施「代官山Hillside Terrace」，建築內集結咗好多優質餐廳、時尚流行商店、Café，仲有藝廊。
建於1967年至1992年，喺建築師槙文彥嘅帶領下，分為幾個階段先至完工嘅「代官山Hillside Terrace」，提供一個優質嘅空間，俾更多人接觸藝術，可以話係非常適合欣賞當地藝術家作品嘅好地方。
入面店鋪營業時間有所不同，如果想需造訪特定店舖，就要事前留意各間店鋪嘅營業時間啦。但基本上中午左右，店鋪就會陸續開始營業。
景點資訊
- 名稱：代官山Hillside Terrace
- 地址：〒150-0033 東京都澀谷區猿樂町18-8
- 交通方式：東急東橫線代官山站徒步約3分鐘
代官山餐廳
代官山一帶有各式各樣嘅餐廳，從輕食、享樂美食至精緻大餐，應有盡有。嚟代官山一定能夠搵到啱自己心水嘅餐廳。
IVY PLACE
嚟到IVY PLACE可以盡情享受美食所帶嚟嘅感動。IVY PLACE位於代官山T-SITE內，每日營業時間為早上七點至晚上11點，最後點餐時間係晚上10點半。早餐提供美味鬆軟嘅鬆餅，晚餐則係新鮮可口嘅海鮮同義大利菜式。
餐廳資訊
- 名稱：IVY PLACE
- 地址：〒150-0033 東京都澀谷區猿樂町16-15
- 交通方式：東急東橫線代官山站徒步約6分鐘，代官山T-SITE內。
Aloha Table 代官山森林
「Aloha Table 代官山森林」呢間餐廳所提供嘅菜色充滿夏威夷風味，滿滿夏威夷嘅精華，係當地居民中午用餐嘅好去處。中午優惠套餐1000円，可以品嚐夏威夷米飯漢堡或鮪魚酪梨丼飯。
營業時間為上午11點至晚上11點半，最後點餐時間係10點半。由於非常受歡迎，要去嘅話最好事先預約訂位。
餐廳資訊
- 名稱：Aloha Table 代官山森林
- 地址：〒150-0033 東京都澀谷區猿樂町17-10
- 交通方式：東急東橫線代官山站徒步約5分鐘
代官山嘅咖啡店
只係想搵個地方好好放鬆一下，悠閒飲杯咖啡度過一段午後時光，咁就絕對唔可以錯過代官山，呢一帶有好多Café任君挑選！
代官山 Blu Jam Café
「代官山 Blu Jam Café」距離代官山站只係幾步之遙，頗受鐘意食菜嘅人同素食者所喜愛嘅一間Café。係東京少數提供大量素食菜式嘅Café，不但健康又美味。
該店提供嘅飲品價格實惠，其招牌係焦糖布蕾拿鐵，香濃順口深受當地人嘅最愛。每個禮拜二為休息日，營業時間為早上八點至晚上九點。
咖啡店資訊
- 名稱：代官山 Blu Jam Café
- 地址：〒150-0034 東京都澀谷區代官山町20-20
- 交通方式：東急東橫線代官山站約1分鐘
Urth Caffe
有機方式經營嘅「Urth Caffe」Café，除咗咖啡以外，仲精心調配口味較為健康嘅「Urth Bobas」珍珠奶茶同埋冰沙！每日營業時間早上10點至晚上8點。
咖啡店資訊
- 名稱：Urth Caffe
- 地址：〒150-0033 東京都澀谷區猿樂町8-9
- 交通方式：東急東橫線代官山站徒步約10分鐘
代官山車站
從澀谷站就可以快速前往代官山站。乘搭東急東橫線往橫濱方向，代官山站落車，只係得一個站，唔洗10分鐘就可以輕鬆抵達代官山，開始探索代官山嘅美好。
車站資訊
- 名稱：代官山站
- 地址：〒150-0034 東京都澀谷區代官山站19-4
- 交通方式：乘搭澀谷同橫濱之間運行嘅東急東橫線電車
Comments