如何在東京青山做文青享受優雅時光

東京知名高級住宅區—青山，嚟到青山，你可以搵到各種娛樂，購買精品、參觀博物館、悠閒飲杯咖啡、享受時尚餐廳嘅美食。青山一帶有好多好行好食嘅地方，可以喺呢度化身文青感受小清新，悠閒地度過一日「東京青山」嘅時光。

青山嘅過去與現在

青山位於東京嘅澀谷、赤坂同六本木之間，係好多神社同寺廟，仲有青山家豪宅嘅所在地。

隨著時間流逝，青山成為東京最富裕嘅地區之一。好多獨家潮流品牌都會喺呢度開店，並打響名堂。青山而家已成為頂級消費者、精品時尚流行愛好者及美食家嘅熱門景點。

嚟到青山，除咗必食嘅餐廳以外，仲有好多值得一行、值得一睇嘅地方，等住大家嚟探索。

其中一個熱門觀光景點就係根津美術館。喺呢度，可以發掘同欣賞到好多日本藝術品同日本國寶嘅精髓！

如果打算週末去青山行，我哋非常建議你可以去行吓Farmers Market @UNU。每個週末都會喺青山聯合國大學前舉辦呢個市集。

如果想尋找一個幽靜嘅地方，不妨去青山靈園行下啦。喺櫻花盛開嘅時節，青山靈園開滿粉嫩嘅櫻花，非常美麗。園內其中一個墓碑，或者大家都會有興趣。嗰個就係知名嘅忠犬小八嘅墓碑喇！好忠心咁喺澀谷站等待心愛嘅主人歸來，直到離世嘅小八，喺澀谷站都有樹立佢嘅雕像㗎。

青山一帶有好多餐廳，從米芝蓮嘅星級餐廳到燈光美氣氛佳嘅餐廳，甚至提供美食嘅舒適Café都有。可依個人預算去揀適合自己嘅餐廳。嚟到青山，值得品嚐嘅美食種類都好豐富！

如果想品嘗高級壽司嘅美味，建議去試吓「鮨 Masuda」。呢家壽司店喺2014年開業，店主增田勵曾喺銀座知名「銀座すきやばし次郎」拜師學藝。「鮨 Masuda」提供一流嘅用餐服務，所用食材都係當日嚴選最新鮮美味嘅魚類，而且非常講究各種壽司之間嘅配搭，為求帶俾客人極致嘅美味享受。

想食歐陸風料理，就可以去本多哲也主廚喺北青山經營嘅義大利餐廳Ristorante HONDA。主廚招牌Tagliolini義大利麵使用咗北海道產嘅手工麵條同海膽，義式與日式完美融合，非常好味。

青山花市茶館係青山非常熱門嘅茶室。位置靠近東京Metro表參道站嘅A5出口。呢間茶室充滿美麗花卉，空氣中飄盪著花香。

嚟到呢度，唔單止可以買束鮮花，仲好推薦試吓佢哋新鮮嘅花草茶同招牌嘅花卉法式西多士，非常受歡迎。以溫室為主題而設計嘅茶室，洋溢寧靜悠閒嘅氣氛。

雖然喺呢度食唔到口味超鬆軟嘅熱門青山蛋糕捲，但青山花市茶室亦有提供非常美味嘅鮮花芭菲，由玫瑰果醬、莓果慕斯同雲尼拿雪糕製成，上面再放上玫瑰花瓣點綴裝飾。