雖然銀座以高級時裝同高級精品店而聞名，但距離銀座不遠嘅有樂町就有價錢合理嘅商店、餐廳同精品店。如果有時間可以的話，仲可以將銀座同有樂町擺落同一日行程添。
有樂町丸井百貨
標示咗「0101」嘅百貨公司，亦稱為「丸井百貨」。齊聚咗男女時尚服飾配件等品牌嘅百貨公司。全館一共8層樓，有設計師品牌、café同餐廳，享受愉快購物後，順便嚟呢度品嚐美食。
景點資訊
- 景點名稱: 有樂町丸井百貨
- 景點地址: 〒100-0006 東京都千代田區有樂町2-7-1
- 交通方式: JR山手線嘅有樂町站徒步約1分鐘
有樂町Bic Camera
Bic Camera係一間喺日本深受歡迎嘅連鎖家電量販店，喺日本全國各地共有40間門市。而有樂町Bic Camera係其中最大間嘅門市之一，提供各式各樣嘅電器產品、電腦、相機、玩具及遊戲，而位於最上層則設有餐廳。
景點資訊
- 景點名稱: 有樂町Bic Camera
- 景點地址: 〒100-0006 東京都千代田區有樂町1-11-1
- 交通方式: JR山手線嘅有樂町站徒步約1分鐘
MUJI無印良品有樂町店
2019年10月15日更新資料：
「無印良品 有樂町店」已於2018年12月閉店搬遷至銀座，2019年4月以「無印良品 銀座」世界旗艦店盛大開幕，結合咗「MUJI Diner」以及日本首間無印良品酒店「MUJI Hotel Ginza」。
詳情請看相關文章：「無印良品 銀座」盛大開幕 日本首間MUJI HOTEL GINZA＆MUJI Diner進駐
有樂町高架路下
如字面所述，就係有樂町嘅高架路段下，有樂町高架下係一個非常獨特嘅地方，鄰近車站，飄盪老東京懷舊嘅氛圍。呢度有好多餐廳、居酒屋同酒吧，係辛苦工作一日嘅上班族男女放鬆身心嘅好去處。
景點資訊
- 景點名稱: 有樂町高架下
- 景點地址: 〒100-0006 東京都千代田區有樂町2-3
- 交通方式: JR山手線嘅有樂町站徒步約6分鐘
有樂町燒雞肉串店
如果你想搵到幾間好食嘅燒雞肉串(焼き鳥)店，就必須行一趟高架軌道下附近嘅有樂町高架下。如果睇到煙霧密布，遲遲消散不去，燒雞肉串嗰陣令人垂涎三尺嘅香味將帶你搵到幾間小店鋪，提供各式各樣嘅串燒肉類同蔬菜。
被稱為「燒雞肉串小巷(Yakitori Alley)」入面，有好多餐廳任君選擇。好多店鋪下晝先至開始營業。而一到晚上，呢啲燒雞肉串小店鋪就會迫滿好多人， 所以我哋建議你如果想食嘅話早啲嚟，先至可以確保喺呢啲人氣小店鋪入面食嘅機會。
景點資訊
- 景點名稱: 有樂町燒雞肉串小巷(Yakitori Alley)
- 景點地址:〒100-0006 東京都千代田區有樂町2-3
- 交通方式: JR山手線嘅有樂町站徒步約4分鐘
有樂町居酒屋
有樂町呢個區域非常受歡迎，因為喺呢度有好多居酒屋同酒吧。大部分嘅居酒屋，只要沿住電車軌道走，行入高架軌道下嘅小巷，就可以睇到居酒屋嘅蹤影。大部分店鋪都提供種類豐富嘅酒精飲料同啤酒，而當中有好多店鋪專精嘅料理不同，有海鮮、燒雞肉串、或歐美小食。
好多居酒屋只會喺夜晚營業，人潮大約從夜晚6點就會開始湧入。但係有樂町有好多居酒屋提供選擇，你絕對可以搵到最佳選擇，度過最美好嘅夜晚！
有樂町產地直銷美食街
有樂町產地直銷美食街位於電車高架軌道下，嚟到呢度你會發現有好多餐廳，而呢啲餐廳充滿昭和時期嘅氣息，彷彿帶你穿越時光一訪昭和。好多餐廳都提供舒適座位，而且各有專精，提供各式各樣不同嘅料理，好似係魚貝類、豬肉、雞肉同餃子等等！
由於目前為咗加強建築結構，有樂町產地直銷美食街嘅一端施緊工。但係各種特別風味嘅小店鋪依然持續營業！
景點資訊
- 景點名稱: 有樂町產地直銷美食街
- 景點地址:〒100-0006 東京都千代田區有樂町2-1-1
- 交通方式: JR山手線嘅有樂町站徒步約10分鐘
有樂町車站
有樂町站位於日比谷同銀座中間，非常方便。嚟到有樂町站，你可以乘搭JR東日本山手線、京濱東北線以及東京Metro有樂町線。從東京各大熱門景點前往有樂町都非常方便。
而東京Metro有樂町站喺地底，從地下通道可以通往銀座，亦可以直接行到去熱門嘅東急Plaza銀座等設施。
景點資訊
- 景點名稱: 有樂町站
- 景點地址:〒100-0006 東京都千代田區有樂町1-11-1
- 交通方式:乘坐JR山手線、京濱東北線和東京Metro有樂町線可以抵達
Comments