美國當代普普藝術大師安迪沃荷（Andy Warhol）喺網路仲未普及嗰陣，曾經預言：「喺未來，每個人都可以出名15分鐘。」而呢句話已經喺現今社會當中，完全符合。透過網路，所有不可能瞬間好似魔法咁實現，您嘅一句話、一段影片或者係一張相，都有可能令您喺一夜之間成為世界嘅紅人，傳統嘅文化都可以同現今科技流行無縫咁接軌，而被賦予新嘅定義或者樣貌。
今年喺平昌冬季奧運上擔任開場表演嘅韓國表演團體「K-Tigers」，結合跆拳道同舞蹈、音樂，帶俾世界一場令人為之驚艷嘅表演，原來跆拳道都可以咁有趣、咁有娛樂性，K-Tigers唔單止發行咗唱片，YouTube頻道更加係有88萬人訂閱，將韓國嘅跆拳道又推上咗另一個高峰。2021年可能係令您擁有出名15分鐘嘅機會，喺關西所舉辦嘅World Masters Games，所有參賽者只要年滿三十歲就可以參賽，跆拳道項目喺關西兵庫縣既姬路市舉辧，除咗參賽或者觀賽，兵庫縣都有好多觀光景點，話唔定都可以令您係您嘅社群媒體上面發光發熱啦！
米芝蓮指南日本版、二顆星嘅城崎溫泉令您有求必應
俾米芝蓮綠色指南日本版評選為二顆星嘅城崎溫泉唔係浪得虛名㗎，特別係「七大外湯」更係遠近馳名，每個湯屋都有佢唔同嘅療效，有D仲帶有神奇嘅神話故仔，無論您係要祈求開運招福、變靚變型、生意興隆或者係安產求子，都可以滿足您嘅需求。抵達城崎溫泉站之後，可以到車站對面嘅「旅館導覽處」（お宿案内所）擺低行李，或者係直接將您嘅行李送到您嘅住宿酒店（額外俾錢），同時都可以喺呢度購買七大外湯溫泉巡禮套票「ゆめば」，1,200円可以喺一日內使用七大外湯，一日要將七種溫泉都浸上一輪係有D難度嘅，但係兩到三種以上，可行度都係幾高㗎！有無人七大外湯都已經制霸咗㗎？仲唔快D跳出嚟同大家show off一下啦！
城崎溫泉交通資訊參考:
- 喺大阪站搭特急「こうのとり」到城崎溫泉站大約2個鐘49分鐘
- 喺姬路站搭特急「はまかぜ」到城崎溫泉大約兩個鐘
喺城崎溫泉站騎單車到玄武洞
都到咗城崎溫泉啦，點可以錯過俾列為天然紀念物嘅「玄武洞」㗎！呢度喺160萬年前因為火山活動流出嘅岩漿冷卻凝固後，所自然形成嘅柱狀節理岩，同時呢度都係日本最初被發現地磁逆轉嘅地方啊！渾然天成嘅景觀，令人忍唔住讚嘆大自然嘅力量不容小覷，您一樣可以係「旅館導覽處」（お宿案内所）租借單車，從城崎溫泉站到玄武洞大概係4.9公里，單程大約係20～30分鐘，驚攰嘅朋友仔都可以租電動單車㗎！
單車租借資訊：
- 普通單車：2個鐘400円（每個鐘加100円）；一日使用（9時到17時）為800円
- 電動單車：2個鍾500円（每個鐘加200円）；一日使用（9時到17時）為1,000円
日本國嘅誕生：淡路島
喺神戶搭乘高速巴士，經由目前世界上跨越距離最長嘅「明石海峽大橋」，就可以抵達淡路島。
依據日本古書嘅記載，「國誕生」嘅故事當中，淡路島係由伊弉諾尊同伊弉冊尊二神結為夫妻之後，所製造出嚟嘅第一座小島，之後先至陸續創造出日本嘅其他島嶼，伊弉諾神宮入面供奉嘅正係呢兩位神，神社入面樹齡已經有900年嘅「夫婦大楠」神木，都係祈求夫妻圓滿、係結緣嘅人氣景點嚟㗎。
您嘅出名15分鐘舞台會喺邊度呢？
淡路島除咗神社之外，「鳴門漩渦」、建築大師安藤忠雄嘅環保大作「淡路夢舞台 」同埋「本福寺水御堂」都係淡路島必訪嘅景點，而島上曾經得過日本全國漢堡大賞嘅「淡路漢堡」、「淡路牛」仲有海鮮都係絕佳美味。一樣嘅景點、一樣嘅美食都會因為呈現嘅方式唔同，而產生極為唔同嘅效果，無論係運動、旅行或者係文化。可能令您大放異采嘅15分鐘喺兵庫萌芽都話唔定添啊！
更多「World Masters Games 2021關西大賽」詳細資訊，請睇 👉👉👉http://www.wmg2021.jp/en/
Comments